4 ЦАРСТВАЎ 10:35

Біблія (пераклад А.Бокуна)

І супачыў Егу з бацькамі сваімі, і пахавалі яго ў Самарыі. І заваладарыў Егаахаз, сын ягоны, пасьля яго.

Крыжаваныя спасылкі

2 ЦАРСТВАЎ 7:12

А калі споўняцца дні твае і ты супачынеш з бацькамі тваімі, Я ўзбуджу насеньне тваё пасьля цябе, якое выйдзе з нутра твайго, і ўмацую валадарства ягонае.

3 ЦАРСТВАЎ 1:21

Іначай, калі ты, гаспадару мой, валадар, засьнеш з баць­камі сваімі, я і сын мой Салямон будуць [абвешчаны] грэшнікамі».

3 ЦАРСТВАЎ 14:20

А дзён, калі валадарыў Ерабаам, [было] дваццаць два гады. І супачыў ён з бацькамі сваімі, і заваладарыў Надаў, сын ягоны, пасьля яго.

3 ЦАРСТВАЎ 14:31

І супачыў Рэхабаам з бацькамі сваімі, і быў пахаваны з бацькамі сваімі ў гора­дзе Давіда. А імя маці ягонай — Наама Аманянка. А пасьля яго валадаром стаў Абіям, сын ягоны.

3 ЦАРСТВАЎ 2:10

І супачыў Давід з бацькамі сваімі, і быў пахаваны ў гора­дзе Давіда.

4 ЦАРСТВАЎ 10:30

І ГОСПАД сказаў Егу: «За тое, што ты добра выканаў тое, што слушнае ў вачах Маіх, і ўсё, што было ў сэрцы Маім адносна дому Ахава, сыны твае будуць сядзець на пасадзе Ізраіля аж да чацьвёртага пакаленьня».

4 ЦАРСТВАЎ 10:34

А іншыя дзеяньні Егу, і ўсё, што ён зрабіў, і мужнасьць ягоная запісаныя ў Кнізе летапісаў валадароў Ізраіля.

4 ЦАРСТВАЎ 10:36

А дзён, калі валадарыў Егу над Ізраілем у Самарыі — дваццаць восем гадоў.

4 ЦАРСТВАЎ 13:1

У дваццаць трэцім годзе Ёаша, сына Ахазіі, валадара Юды, Егаахаз, сын Егу, стаў валадаром Ізраіля ў Самарыі на сямнаццаць гадоў.

4 ЦАРСТВАЎ 13:9

І супачыў Егаахаз з бацькамі сваімі, і пахавалі яго ў Самарыі. І стаў валадаром Егааш, сын ягоны, пасьля яго.