3 ЦАРСТВАЎ 10:22

Біблія (пераклад А.Бокуна)

бо караблі Таршышу, якія меў у моры валадар разам з караблямі Хірама, раз у тры гады прыходзілі з Таршышу, і прывозілі золата, срэбра, косьць слановую, малпаў і паваў.

Крыжаваныя спасылкі

БЫЦЦЁ 10:4

Сыны Явана: Эліша i Таршыш, Кіттым і Даданім.

3 ЦАРСТВАЎ 10:18

І зрабіў валадар вялікі пасад з косьці слановай, і пацягнуў яго чыстым золатам.

3 ЦАРСТВАЎ 10:21

І ўсе пасудзіны, з якіх піў валадар Салямон, [былі] залатыя. І ўвесь посуд у доме з лесу Лібанскага быў з чыстага золата. Нічога не было са срэбра, бо ня мела яно ніякай [вартасьці] ў часы Салямона,

3 ЦАРСТВАЎ 22:48

І не было [тады] ў Эдоме валадара, але намесьнік валадарскі.

3 ЦАРСТВАЎ 22:49

І Язафат пабудаваў караблі ў Таршышы, каб плысьці ў Афір па золата. Але яны не паплылі, бо паразьбіваліся ў Эцыён-Гэбэры.

3 ЦАРСТВАЎ 9:26

І пабудаваў валадар Салямон караблі ў Эцыён-Гэбэры каля Эляту на беразе Мора Чырвонага ў зямлі Эдом.

2 ЛЕТАПІСАЎ 9:21

бо караблі валадара хадзілі ў Таршыш са слугамі Хурама, і раз на тры гады прыходзілі караблі з Таршышу, і прывозілі золата і срэбра, косьць слановую і малпаў, і паваў.

ЁВА 39:13

Крылы страуса радасна махаюць, але ці яны такія, як крылы і пер’е бусла?

ПСАЛТЫР 48:7

Дрыжаньне ахапіла іх, болі, як у жанчыны, што нараджае.

ПСАЛТЫР 72:10

Валадары Таршышу і астравоў дары яму панясуць; валадары Шэвы і Сэвы прынясуць яму даніну.

ІСАІ 2:16

і на ўсе караблі Таршышу, і на ўсе ўпрыгожваньні пажаданыя.

ІСАІ 23:1

Цяжар адносна Тыру. Лямантуйце, караблі Таршышу, бо зьнішчаны дом ваш. Калі яны вярталіся з зямлі Кіттым, аб’яўлена ім [гэта].

ІСАІ 23:10

Ідзі ў зямлю тваю, як рака, дачка Таршышу, бо перашкоды ўжо няма.

ІСАІ 23:6

Перапраўцеся ў Таршыш! Галасіце, жыхары ўзьбярэжжа.

ІСАІ 60:9

Бо на Мяне чакаюць астравы, і першымі [плывуць] караблі Таршышу, каб прывезьці сыноў тваіх здалёк, срэбра іхняе і золата іхняе з імі дзеля імя ГОСПАДА, Бога твайго, і дзеля Сьвятога Ізраіля, бо Ён уславіў цябе.

ІСАІ 66:19

І Я пастаўлю ім знак, і пашлю выратаваных спаміж іх да народаў, у Таршыш, Пул, Люд, Мэшэх, Кешэт, Туваль і Яван, на астравы далёкія, якія ня чулі весткі пра Мяне і ня бачылі славы Маёй. І яны абвесьцяць славу Маю паміж народамі.

ЕЗЭКІІЛЯ 27:12

Таршыш гандляваў з табой дзеля мноства ўсякага багацьця; срэбра і жалеза, цыну і волава давалі [табе] за тавары твае.

ЕЗЭКІІЛЯ 27:15

Сыны Дэдану вялі гандаль з табою, і шматлікія астравы гандлявалі з табою. Косьць слановую і дрэва гэбан прыносілі як даніну.

АМОСА 3:15

Я зруйную дом зімовы і дом летні, і загінуць дамы з косьці слановай, і счэзне шмат дамоў, кажа ГОСПАД.

ЁНЫ 1:3

І ўстаў Ёна, каб уцячы ў Таршыш ад аблічча ГОСПАДА, і зыйшоў у Яфу, і знайшоў карабель, які плыў у Таршыш; і даў плату, і зыйшоў на карабель, каб плыць з імі ў Таршыш ад аблічча ГОСПАДА.