2 ЦАРСТВАЎ 22:51

Біблія (пераклад А.Бокуна)

бо Ты ўзьвялічыў збаўленьнем валадара Твайго і зьявіў міласэрнасьць памазанцу Твайму, Давіду, і насеньню ягонаму на вякі».

Крыжаваныя спасылкі

2 ЦАРСТВАЎ 22:2

І ён сказаў: «ГОСПАД — скала мая і замчышча маё, Ён — Збаўца мой.

2 ЦАРСТВАЎ 23:1

Гэта апошнія словы Давіда: «Сказаў Давід, сын Есэя, сказаў чалавек, які высока пастаўлены, памазанец Бога Якубавага, сьпявак псальмаў Ізраіля.

2 ЦАРСТВАЎ 7:16

І будзе трывалым дом твой, і валадарства тваё будзе перад абліччам вечна, і пасад твой будзе трываць на вякі”».

ПСАЛТЫР 144:10

бо Ты даеш выратаваньне валадару, і выбаўляеш Давіда, слугу Твайго, ад мяча злыдня!

ПСАЛТЫР 18:50

Дзеля гэтага буду славіць Цябе, ГОСПАДЗЕ, сярод народаў і імя Тваё выслаўляць.

ПСАЛТЫР 21:1

Кіраўніку хору. Псальм Давіда.

ПСАЛТЫР 3:3

Шмат тых, якія кажуць пра душу маю: «Няма для яго збаўленьня ў Бога». (Сэлях)

ПСАЛТЫР 48:3

Прыгожае ўзьнясеньне, аздоба ўсёй зямлі, гара Сыён на схілах паўночных, горад вялікага Валадара.

ПСАЛТЫР 89:20

Тады, гаворачы ў відзежы да багабойнага Твайго, Ты сказаў: «Я даў успамогу волату, узвысіў юнака з народу.

ПСАЛТЫР 89:24

І Я скрышу перад абліччам ягоным тых, што прыгнятаюць яго, а тых, што ненавідзяць яго, павалю.

ПСАЛТЫР 89:26

І Я палажу руку ягоную на мора, а правіцу ягоную — на рэкі.

ПСАЛТЫР 89:29

На вякі захоўваючы, захаваю для яго міласэрнасьць Маю, і запавет Мой з ім будзе верным.

ПСАЛТЫР 89:36

Я пакляўся [адзін] раз у сьвятасьці Маёй, што не схлушу Давіду.

ПСАЛТЫР 91:2

кажа да ГОСПАДА: «Ты — прыстанішча маё і цьвярдыня мая, Бог мой, на Якога я спадзяюся».

ЕРАМІІ 30:9

І будуць яны служыць ГОСПАДУ, Богу свайму, і Давіду, валадару свайму, якога Я пастаўлю для іх.

АДКРЫЦЦЁ 11:15

І сёмы анёл затрубіў, і сталіся вялікія галасы ў небе, якія казалі: «Валадарствы сьвету сталіся [Валадарствам] Госпада нашага і Хрыста Ягонага, і Ён будзе валадарыць на вякі вякоў».