2 ЦАРСТВАЎ 14:2

Біблія (пераклад А.Бокуна)

І паслаў Ёаў у Тэкоа, і прывёў адтуль мудрую жанчыну, і сказаў ёй: «Удай, што ты ў жалобе і апраніся ў адзеньне жалобнае, і не намашчайся алеем, і будзеш як жанчына, якая шмат дзён у жалобе па памерлым.

Крыжаваныя спасылкі

БЫЦЦЁ 38:19

І ўстала, і пайшла, і зьняла вэлюм свой з сябе, і апранулася ва ўдовіны шаты.

2 ЦАРСТВАЎ 11:26

І пачула жонка Урыі, што загінуў Урыя, муж ейны, і плакала па чалавеку сваім.

2 ЦАРСТВАЎ 12:20

І падняўся Давід з зямлі, і памыўся, і намасьціўся, і зьмя­ніў адзеньне сваё, і ўвайшоў у Дом ГОСПАДА, і пакланіўся. І вярнуўся ў дом свой, і папрасіў, каб далі яму хлеб, і еў.

2 ЦАРСТВАЎ 20:16

І нейкая разумная жанчына з гораду закрычала: «Слухайце, слухайце! Скажыце Ёаву, няхай ён падыйдзе сюды, і я пагавару з ім».

2 ЦАРСТВАЎ 23:26

Хэлец з Пэлету і Іра, сын Іккеша з Тэкоа,

3 ЦАРСТВАЎ 14:2

І сказаў Ерабаам жонцы сваёй: «Устань і зьмяні выгляд свой, каб не пазналі, што ты — жонка Ерабаама, і ідзі ў Шыло. Вось, там Ахія прарок, які сказаў мне, што я буду валадаром над народам гэтым.

3 ЦАРСТВАЎ 14:5

І сказаў ГОСПАД Ахіі: «Вось, прыходзіць жонка Ерабаама, каб шукаць слова адносна сына свайго, які хварэе. Гэта і гэта прамовіш да яе. Калі яна прыйдзе, яна будзе пераапранутая».

2 ЛЕТАПІСАЎ 11:6

І ён пабудаваў [іх] у Бэтлееме, Этаме, Тэкоа,

2 ЛЕТАПІСАЎ 20:20

І ўсталі яны рана раніцаю, і вырушылі ў пустыню Тэкоа. І калі яны выходзілі, устаў Язафат і сказаў: «Паслухайце мяне, Юда і жыхары Ерусаліму! Верце ў ГОСПАДА, Бога вашага, і будзеце непахісныя; верце прарокам Ягоным, і будзеце мець посьпех».

НЭЭМІІ 3:27

За імі Тэкойцы, адбудоўвалі другі адцінак, ад [месца] насупраць вялікай высунутай вежы аж да муру Афэла.

НЭЭМІІ 3:5

А каля іх адбудоўвалі Тэкойцы; але магнаты іхнія не схілілі шыі свае ў працы для ГОСПАДА свайго.

ПСАЛТЫР 104:15

і віно, якое сэрца людзям весяліць, і алей, ад якога твар іх блішчыць, і хлеб, які сэрца людзей умацоўвае.

ЭКЛЕЗІЯСТА 9:8

Увесь час няхай будзе белым адзеньне тваё, і алею на галаве тваёй няхай не бракуе.

ЕРАМІІ 6:1

Уцякайце, сыны Бэн’яміна, з сярэдзіны Ерусаліму і ў Тэкоа трубіце ў трубы, і над Бэт-Гакерэмам падыміце знак, бо з поўначы надыходзіць бяда і спусташэньне вялікае.

АМОСА 1:1

Словы Амоса, што быў [адным] з гадоўцаў авечак у Тэкоа, якія ён бачыў пра Ізраіль у дні Узіі, валадара Юды, і ў дні Ерабаама, валадара Ізраіля, два [гады] перад землятрусам.

МАЦЬВЕЯ 6:17

А ты, посьцячыся, памаж галаву тваю і абмый аблічча тваё,

РУТ 3:3

Памыйся, памажся, і апрані адзеньне тваё, і зыходзячы, зыйдзі на ток, але не паказвайся гэтаму чалавеку, пакуль ён ня скончыць есьці і піць.