1 ЦАРСТВАЎ 10:16

Біблія (пераклад А.Бокуна)

І адказаў Саўл дзядзьку свайму: «Ён паведаміў нам, што знайшліся асьліцы». А адносна размовы пра валадараньне, што гаварыў яму Самуэль, не сказаў яму.

Крыжаваныя спасылкі

ВЫХАД 4:18

I пайшоў Майсей, і вярнуўся да Етра, цесьця свайго, і сказаў яму: «Пайду і вярнуся да братоў маіх, якія ў Эгіпце, і пагляджу, ці яны яшчэ жывыя?» I сказаў Етра Майсею: «Ідзі ў супакоі».

ВЫСЛОЎІ 12:23

Чалавек разумны прыхоўвае веданьне, а сэрца дурняў абвяшчае глупства.

ВЫСЛОЎІ 29:11

Дурань выяўляе ўвесь свой дух, а мудры затрымлівае яго на пазьней.

ЭКЛЕЗІЯСТА 3:7

Час разьдзіраць і час сшы­ваць, час маўчаць і час гаварыць.

СУДЗЬДЗЯЎ 14:6

І зыйшоў тады на Самсона Дух ГОСПАДА, і ён разьдзёр маладого ільва як казьляня, бо нічога ня меў у руках. Але бацьку і маці не сказаў, што зрабіў.

СУДЗЬДЗЯЎ 14:9

І ўзяў яго ў рукі, і еў мёд у дарозе. І вярнуўся да бацькі і маці, і даў ім частку, і яны пакаштавалі. Але не хацеў ім казаць, што мёд узяў з цела ільва.

1 ЦАРСТВАЎ 10:15

І сказаў дзядзька Саўла: «Скажы мне, што сказаў табе Самуэль?»

1 ЦАРСТВАЎ 9:20

А што датычыць асьліцаў, якія прапалі тры дні таму, не клапаціся, бо яны ўжо знайшліся. Бо каму будзе належаць усё, што найлепшае ў Ізраілі? Ці ж не табе і ўсяму дому бацькі твайго?»

1 ЦАРСТВАЎ 9:27

І калі падыходзілі яны да канца гораду, Самуэль сказаў Саўлу: «Скажы слузе, каб пайшоў перад намі». І калі ён пайшоў, сказаў: «Ты цяпер спыніся, і я абвяшчу табе слова Бога».