1 ПЯТРА 5:1

Біблія (пераклад А.Бокуна)

Старостаў, якія сярод вас, прашу я, сустаршыня і сьведка пакутаў Хрыстовых і супольнік славы, якая мае адкрыцца:

Крыжаваныя спасылкі

ЛУКАША 24:48

А вы — сьведкі гэтага.

ДЗЕІ 1:22

пачынаючы ад хрышчэньня Янавага ажно да дня, калі Ён быў узяты ад нас, адзін з іх мусіць стацца разам з намі сьведкам уваскрасеньня Яго».

ДЗЕІ 1:8

але вы возьмеце сілу, як зыйдзе на вас Дух Сьвяты, і будзеце Мне сьведкамі ў Ерусаліме, і ў-ва ўсёй Юдэі і Самарыі, і нават да краю зямлі».

ДЗЕІ 11:30

І ўчынілі гэта, паслаўшы да старостаў праз рукі Барнабы і Саўла.

ДЗЕІ 14:23

І, ускладаючы рукі, яны [паставілі] ім старостаў у кожнай царкве, і, памаліўшыся з постам, даручылі іх Госпаду, у Якога яны паверылі.

ДЗЕІ 15:4

А прыйшоўшы ў Ерусалім, яны былі прынятыя царквою, і апосталамі, і старостамі, і расказалі ўсё, што Бог учыніў з імі.

ДЗЕІ 15:6

І сабраліся апосталы і старосты разгледзець наконт слова гэтага.

ДЗЕІ 2:32

Гэтага Ісуса ўваскрасіў Бог, і ўсе мы — сьведкі гэтага.

ДЗЕІ 20:17

А з Мілету, паслаўшы ў Эфэс, ён паклікаў старостаў царквы.

ДЗЕІ 20:28

Дык сьцеражыце самі сябе і ўвесь статак, у якім Дух Сьвяты паставіў вас за епіскапаў пасьвіць царкву Божую, якую Ён здабыў уласнай крывёю.

ДЗЕІ 21:18

І на другі дзень увайшоў Павал разам з намі да Якуба; і прыйшлі ўсе старосты.

ДЗЕІ 3:15

а Самаго Начальніка жыцьця забілі. Яго Бог падняў з мёртвых, і мы — сьведкі гэтага.

2 КАРЫНФЯНАЎ 5:1

Бо мы ведаем, што калі зямны наш дом, хаціна, зруйнуецца, мы маем пабудову ад Бога, дом, які не рукамі зроблены, вечны ў небе.

2 КАРЫНФЯНАЎ 5:8

Дык мы маем пэўнасьць і жадаем лепей жыць па-за целам і жыць у Госпадзе.

ПІЛІПЯНАЎ 1:19

Бо я ведаю, што гэта станецца мне на збаўленьне праз вашыя просьбы і дапамогу Духа Ісуса Хрыста,

1 ЦІМАФЕЯ 5:1

Старога не дакарай, але прасі, як бацьку, маладых — як братоў,

1 ЦІМАФЕЯ 5:19

Абвінавачваньне на старосту не прыймай, хіба што пры двух ці трох сьведках.

2 ЦІМАФЕЯ 4:8

Нарэшце, вызначаны мне вянок праведнасьці, які дасьць мне Госпад, праведны Судзьдзя, у той дзень; і ня толькі мне, але і ўсім, якія зьяўленьне Яго палюбілі.

ЦІТА 1:5

Я пакінуў цябе ў Крыце дзеля таго, каб ты ўпарадкаваў, дзе чаго не хапае, і паставіў у гарадах старостаў, як я табе загадаў:

ФІЛІМОНА 1:9

лепш праз любоў прашу я, ня хто іншы, як Павал, староста, а цяпер і вязень Ісуса Хрыста.

ГАБРЭЯЎ 12:1

Дык і мы, маючы навокал нас гэткае воблака сьведкаў, адкінуўшы ўсякі цяжар і грэх, які нас аблытвае, з цярплівасьцю будзем бегчы ў змаганьні, што ляжыць перад намі,

1 ПЯТРА 1:12

Ім было адкрыта, што ня ім, але нам служыла абвешчанае вам цяпер тымі, якія дабравесьцілі вам у Духу Сьвятым, Які пасланы з неба, да чаго анёлы жадаюць прыхіліцца.

1 ПЯТРА 1:7

каб выпрабаваньне веры вашае, якая шмат каштоўнейшая за золата, што гіне, хоць і агнём выпрабоўваецца, было знойдзена на хвалу, і пашану, і славу ў адкрыцьці Ісуса Хрыста,

1 ПЯТРА 4:13

Але, як супольнікі ў пакутах Хрыстовых, радуйцеся, каб і ў адкрыцьці славы Ягонай радавацца і весяліцца.

1 ПЯТРА 5:4

і калі зьявіцца Найвышэйшы Пастыр, атрымаеце вянок славы, які ня счэзьне.

1 ЯНА 3:2

Улюбёныя! Мы цяпер дзеці Божыя, і яшчэ ня выявілася, што мы будзем, а ведаем, што, калі выявіцца, будзем падобныя да Яго, бо ўгледзім Яго, як Ён ёсьць.

2 ЯНА 1:1

Староста — выбранай пані і дзецям яе, якіх я люблю ў праўдзе, і ня я адзін, але і ўсе, што пазналі праўду,

3 ЯНА 1:1

Староста — улюбёнаму Гаю, якога я люблю ў праўдзе.

АДКРЫЦЦЁ 1:9

Я, Ян, брат ваш і ўдзельнік у прыгнёце, і ў Валадарстве, і ў цярплівасьці Ісуса Хрыста, быў на востраве, называным Патмас, за слова Божае і за сьведчаньне Ісуса Хрыста.