1 ПЯТРА 4:1

Біблія (пераклад А.Бокуна)

Дык як Хрыстос цярпеў за нас целам, і вы ўзброй­цеся такой думкаю, што той, хто церпіць целам, перастае грашыць,

Крыжаваныя спасылкі

ІСАІ 1:16

Абмыйцеся, будзьце чыстымі! Прыбярыце ліхоту ўчынкаў вашых з вачэй Маіх! Спыніцеся чыніць зло!

ЕЗЭКІІЛЯ 16:41

і спаляць агнём дамы твае, і ўчыняць над табою суд на вачах шматлікіх жанчынаў. І Я спыню распусту [тваю], і ўжо больш ты ня будзеш даваць платы [за распусту].

МАРКА 3:3

І Ён кажа сухарукаму чалавеку: «Стань на сярэдзіне!»

РЫМЛЯНАЎ 6:11

Гэтак і вы лічыце сябе памёршымі дзеля грэху, а жывымі дзеля Бога ў Хрысьце Ісусе, Госпадзе нашым.

РЫМЛЯНАЎ 6:2

Мы, якія памерлі для грэху, як яшчэ будзем жыць у ім?

РЫМЛЯНАЎ 6:7

бо хто памёр, той апраўданы ад грэху.

ГАЛЯТАЎ 2:20

Я ўкрыжаваны з Хрыстом, і ўжо ня я жыву, але жыве ў-ва мне Хрыстос. А што цяпер жыву ў целе, жыву праз веру ў Сына Божага, Які палюбіў мяне і выдаў Сябе за мяне.

ГАЛЯТАЎ 5:24

А тыя, якія Хрыстовыя, укрыжавалі цела з пакутамі і пажаданьнямі.

ЭФЭСЯНАЎ 6:13

Дзеля гэтага вазьміце ўсю зброю Божую, каб вы маглі супрацьстаць у дзень злы і, усё зрабіўшы, застацца стаяць.

ДРУГІ ЗАКОН 27:10

Будзеш слухаць голас ГОСПАДА, Бога твайго, і выконваць прыказаньні Ягоныя і пастановы Ягоныя, якія я загадваю табе сёньня».

ПІЛІПЯНАЎ 2:5

Бо няхай тое ў вас думаецца, што і ў Хрысьце Ісусе,

ГАБРЭЯЎ 12:3

Бо паразважайце пра Таго, Які вытрываў гэтакую супраць Сябе варажнечу ад грэшнікаў, каб вы не зьнемагаліся, саслабеўшы душамі вашымі.

ГАБРЭЯЎ 4:10

Бо хто ўвайшоў у супачынак Ягоны, той і сам супачыў ад справаў сваіх, як і Бог ад Сваіх.

1 ПЯТРА 2:21

Бо вы на гэта пакліканыя, бо і Хрыстос перацярпеў за нас, пакінуўшы нам прыклад, каб мы ішлі па сьлядах Ягоных.

1 ПЯТРА 3:18

Бо і Хрыстос, каб прывесьці нас да Бога, раз пацярпеў за грахі, Праведны — за няправедных, забіты целам, але ажыўлены Духам,