1 КАРЫНФЯНАЎ 10:1

Біблія (пераклад А.Бокуна)

Не хачу, браты, каб вы ня ведалі, што бацькі нашыя ўсе былі пад воблакам, і ўсе прайшлі праз мора,

Крыжаваныя спасылкі

НЭЭМІІ 9:19

Ты, у вялікай літасьці Тваёй, не пакінуў іх у пустыні. Слуп воблачны не адыходзіў ад іх удзень, каб весьці іх па шляху, і слуп вогненны — уначы, каб асьвятляць ім шлях, па якім ісьці.

ПСАЛТЫР 105:39

Ён хмару разгарнуў, як заслону, і агонь, каб ноч асьвятляць.

ПСАЛТЫР 66:6

Ён перамяніў мора ў сухазем’е, праз раку мы перайшлі пехатою; там радаваліся мы ў Ім!

ПСАЛТЫР 78:53

І вёў іх у бясьпецы, і яны не палохаліся, а ворагаў іхніх мора накрыла.

ВЫХАД 14:29

А сыны Ізраіля ішлі па сухому па сярэдзіне мора, і воды былі для іх мурам праваруч іх і леваруч іх.

ВЫХАД 40:34

І закрыла воблака Намёт Спатканьня, і слава ГОСПАДА напоўніла Сялібу.

ЛІКІ 14:14

і скажуць жыхарам зямлі, якія чулі, што Ты, ГОСПА­ДЗЕ, пасярод народу гэтага, якому даеш бачыць Сябе вачамі, і воблака Тваё стаіць над імі, і Ты ідзеш перад імі ўдзень у слупе воблачным, а ўначы — у слупе вогненным.

ЛІКІ 33:8

І выйшлі з Пі-Гахіроту, і перайшлі сярэдзінай мора ў пустыню, і тры дні ішлі праз пустыню, і сталі табарам у Мары.

ЯНА 4:20

Бацькі нашыя пакланяліся на гэтай гары, а вы кажаце, што ў Ерусаліме месца, дзе павінны пакланяцца».

РЫМЛЯНАЎ 1:13

Не хачу, браты, каб вы ня ведалі, што я часта пастанаўляў прыйсьці да вас, каб мець нейкі плод і ў вас, як і ў іншых народах, і забаронена мне было аж дагэтуль.

РЫМЛЯНАЎ 11:21

Бо калі Бог прыродных галінаў не пашкадаваў, дык ці цябе пашкадуе.

РЫМЛЯНАЎ 4:11

I знак абразаньня ён атрымаў, як пячатку праведнасьці веры, якую [ён меў] у неабразаньні, каб быў ён бацькам усіх, хто верыць у неабразаньні, каб і ім залічана была праведнасьць,

1 КАРЫНФЯНАЎ 12:1

Адносна ж духоўных [дароў], браты, не хачу, каб вы ня ведалі.

1 КАРЫНФЯНАЎ 14:38

А калі хто не разумее, няхай не разумее.

ГАЛЯТАЎ 3:29

А калі вы — Хрыстовыя, дык вы — насеньне Абрагама і паводле абяцаньня — спадкаемцы.

ДРУГІ ЗАКОН 1:33

Які ішоў перад вамі ў дарозе, каб шукаць вам месца для табару вашага — ноччу ў агні, каб асьвятляць вам шлях, якім маеце ісьці, а ўдзень — у воблаку”.

ГАБРЭЯЎ 11:29

Вераю перайшлі яны праз Чырвонае мора, як па сухому; на што спакусіўшыся, Эгіпцяне былі патопленыя.

ІСУСА 4:23

бо ГОСПАД, Бог ваш, высушыў ваду Ярдану на вачах вашых, пакуль вы не перайшлі, як раней учыніў з Морам Чырвоным, якое высушыў перад намі, пакуль мы праз яго не перайшлі,