ІСУСА 21 - Біблія (пераклад А.Бокуна) Біблія (пераклад А.Бокуна)
ІСУСА 21

¹ І прыйшлі галовы бацькоў лявітаў да Элеазара сьвятара і да Егошуа, сына Нуна, і да галоваў бацькоў пакаленьняў сыноў Ізраіля

² ў Шыло ў зямлі Ханаан, і прамовілі да іх, кажучы: «Праз Майсея ГОСПАД загадаў, каб далі нам гарады на пражываньне і пашы для быдла нашага».

³ І сыны Ізраіля далі лявітам са спадчыны сваёй паводле загаду ГОСПАДА гарады і пашы іхнія.

⁴ І выпала жэрабя для сем'яў Кегата, і атрымалі сыны Аарона сьвятара, лявіты, ад пакаленьняў Юды, Сымона і Бэн’яміна трынаццаць гарадоў.

⁵ Астатнія сыны Кегата атрымалі ад пакаленьняў Эфраіма, Дана і паловы пакаленьня Манасы дзесяць гарадоў.

⁶ Сынам Гершона жэрабям выпала атрымаць трынаццаць гарадоў ад пакаленьняў Ісахара, Асэра і Нэфталі і паловы пакаленьня Манасы ў Башане.

⁷ Сынам Мэрары паводле сем'яў іхніх жэрабям выпала дванаццаць гарадоў ад пакаленьняў Рубэна, Гада і Завулёна.

⁸ Сыны Ізраіля далі лявітам, кідаючы жэрабя, гарады гэтыя і пашы іхнія, як загадаў ГОСПАД праз Майсея.

⁹ З пакаленьня сыноў Юды і з пакаленьня сыноў Сымона далі гарады, якія названыя паіменна.

¹⁰ Сынам Аарона з роду Кегата, сына Левія, бо на іх выпала першае жэрабя,

¹¹ далі Кірыят-Арбу бацькі Анака, значыць Хеўрон, на гары Юды, з навакольнымі палямі.

¹² А палі гораду і вёскі ягоныя аддалі на ўласнасьць Халеву, сыну Ефунны.

¹³ Сынам Аарона сьвятара далі горад прыбежышча для забойцаў Хеўрон і пашы ягоныя, Лібну і пашы ейныя,

¹⁴ Яттыр і пашы ягоныя, Эштэмоа і пашы ягоныя,

¹⁵ Халон і пашы ягоныя, Дэбір і пашы ягоныя,

¹⁶ Аін, Юту і Бэт-Шэмэш і пашы іхнія — дзевяць гарадоў ад двух пакаленьняў гэтых.

¹⁷ Ад пакаленьня Бэн’яміна [далі] Гібэон і пашы ягоныя, Геву і пашы ейныя,

¹⁸ Анатот і пашы ягоныя, Альмон і пашы ягоныя — чатыры гарады.

¹⁹ Усіх гарадоў для сыноў Аарона сьвятара — трынаццаць гарадоў і пашы іхнія.

²⁰ Для сем'яў сыноў Кегата, лявітаў, астатніх сыноў Кегата, выпала жэрабя на гарады ад пакаленьня Эфраіма.

²¹ З пакаленьня Эфраіма далі горад прыбежышча для забойцаў Сыхем і пашы ягоныя на гары Эфраіма, Гезэр і пашы ягоныя,

²² Кібцаім і пашы ягоныя, Бэт-Харон і пашы ягоныя — чатыры гарады.

²³ Ад пакаленьня Дана [далі] Эльтэке і пашы ягоныя, Гібэон і пашы ягоныя,

²⁴ Аялон і пашы ягоныя, Гат-Рымон і пашы ягоныя — чатыры гарады.

²⁵ Ад паловы пакаленьня Манасы [далі] Таанах і пашы ягоныя, Гіт-Рымон і пашы ягоныя — два гарады.

²⁶ Усіх гарадоў з пашамі іхнімі было дадзена дзесяць астатнім сынам Кегата.

²⁷ Для сыноў Гершона з сем'яў Левія [далі] ад паловы пакаленьня Манасы горад прыбежышча для забойцаў Галян у Башане і пашы ягоныя, Аштарот і пашы ягоныя — два гарады.

²⁸ Ад пакаленьня Ісахара [далі] Кішыён і пашы ягоныя, Дабэрат і пашы ягоныя,

²⁹ Ярмут і пашы ягоныя, Эн-Ганім і пашы ягоныя — чатыры гарады.

³⁰ Ад пакаленьня Асэра [далі] Мішэаль і пашы ягоныя, Абдон і пашы ягоныя,

³¹ Хэлькат і пашы ягоныя, Рэхоў і пашы ягоныя — чатыры гарады.

³² Ад пакаленьня Нэфталі [далі] горад прыбежышча для забойцаў Кадэш у Галілеі і пашы ягоныя, Хамот-Дор і пашы ягоныя, Картан і пашы ягоныя — тры гарады.

³³ Усіх гарадоў [сыноў] Гершона паводле сем'яў іхніх — трынаццаць гарадоў і пашы іхнія.

³⁴ Для сем'яў сыноў Мэрары, рэшце лявітаў, [далі] ад пакаленьня Завулёна Ёкнэам і пашы ягоныя, Карту і пашы ягоныя,

³⁵ Дымну і пашы ягоныя, Нагалал і пашы ягоныя — чатыры гарады.

³⁶ Ад пакаленьня Рубэна [далі] Бэцэр і пашы ягоныя, Ягцу і пашы ейныя,

³⁷ Кедэмот і пашы ягоныя, Мэфаат і пашы ягоныя — чатыры гарады.

³⁸ Ад пакаленьня Гада [далі] горад прыбежышча для забойцаў Рамот у Гілеадзе і пашы ягоныя, Маханаім і пашы ягоныя,

³⁹ Хешбон і пашы ягоныя, Язэр і пашы ягоныя — чатыры гарады.

⁴⁰ Усіх гарадоў сыноў Мэрары паводле сем'яў іхніх, рэшты сем'яў лявітаў, — дванаццаць гарадоў.

⁴¹ Усіх гарадоў лявітаў паміж сыноў Ізраіля было сорак восем, і пашы іхнія.

⁴² І быў кожны горад з пашамі сваімі вакол гораду.

⁴³ Так даў ГОСПАД Ізраілю ўсю зямлю, якую запрысяг даць бацькам іхнім, і яны атрымалі яе на ўласнасьць і абжыліся на ёй.

⁴⁴ І даў ім ГОСПАД супакой з усіх бакоў, як запрысяг бацькам іхнім, і ніхто з ворагаў іхніх ня мог устаяць супраць іх, і ўсіх ворагаў аддаў ГОСПАД у руку іхнюю.

⁴⁵ І ніводнае слова добрае, якое прамовіў ГОСПАД дому Ізраіля, не было пустым, але ўсё споўнілася.