ЁВА 19:14 - Біблія (пераклад В. Сёмухі)

Пакінулі мяне блізкія мае, і знаёмыя мае забылі мяне.

Біблія (пераклад А.Бокуна)

Пакінулі мяне сваякі мае, і тыя, што ведалі мяне, забыліся пра мяне.

Кнігі Святога Пісання - Біблія - Біблія — пераклад Чарняўскага (выданне 2017 года)

Пакінулі мяне мае сваякі і тыя, што ведалі мяне, забыліся пра мяне.

ЁВА 19:14 Крыжаваныя спасылкі

БЫЦЦЁ 40:23

І ня ўспомніў галоўны чашнік пра Язэпа, а забыў яго.

2 ЦАРСТВАЎ 16:23

А парады Ахітафэла, якія ён даваў, у той час лічыліся, як бы калі б хто пытаўся навукі ў Бога. Такая была кожная парада Ахітафэла як Давіду, так і Авэсалому.

ЁВА 19:15

Прыхадні ў доме маім і служанкі мае чужым лічаць мяне; староньнім зрабіўся я ў вачах у іх.

ЁВА 19:19

Гідзяцца мною ўсе вернікі мае, і тыя, каго я любіў, абярнуліся супроць мяне.

ЁВА 42:11

Тады прыйшлі да яго ўсе браты ягоныя і ўсе сёстры ягоныя і ўсе ранейшыя знаёмыя ягоныя, і елі зь ім хлеб у доме ягоным, і смуткавалі зь ім, і суцяшалі яго за ўсё ліха, якое Гасподзь навёў на яго і далі яму кожны па кесіце і па залатым пярсьцёнку.

ПСАЛТЫР 38:11

Ухілі ад мяне ўразы Твае; я зьнікаю ад удару пагібельнай рукі Тваёй.

ВЫСЛОЎІ 18:24

Хто хоча мець сяброў, той і сам павінен быць прыязны; і бывае сябар больш прыязны за брата.

ЕРАМІІ 20:10

Бо я чуў перагуды многіх: пагрозы вакол; «заявеце, казалі яны, і мы зробім данос». Усе, хто жыў са мною ў міры, пільнуюць мяне, але ці не спатыкнуся я: «магчыма, кажуць, ён пападзецца, і мы адолеем яго і адпомсьцім яму».

ПЛАЧ 1:2

Горка плача ён уначы, і сьлёзы яго па шчоках бягуць. Ня мае суцешніка сярод тых, што любілі яго; усе сябры яму здрадзілі, яму сталіся ворагамі.

МАЦЬВЕЯ 10:21

І выдасьць брат брата на сьмерць, і бацька - сына; і паўстануць дзеці на бацькоў і заб'юць іх;

ЯНА 13:18

Не пра ўсіх вас кажу: Я ведаю, каго Я абраў. Але хай збудзецца Пісаньне: «той, хто есьць хлеб са Мною, падняў на Мяне пяту сваю».