ІСУСА 15 - Біблія (пераклад А.Бокуна) Біблія (пераклад А.Бокуна)
ІСУСА 15

¹ Пакаленьне сыноў Юды жэрабям атрымала [спадчыну] паводле сем'яў сваіх: да мяжы Эдому, да пустыні Сін, насупраць Нэгеву на поўдзень аж да канца паўднёвага.

² Іх мяжа паўднёвая ішла ад канца Мора Салёнага, ад паўднёвай затокі,

³ і кіравалася далей на поўдзень ад Маале-Акрабіму, і праходзіла праз Сін, і ўзыхо­дзіла на поўдзень да Кадэш-Барнэа, і ішла да Хецрону, і ўзыхо­дзіла да Адару, і паварочвала да Карка,

⁴ і пераходзіла да Ацмону, і даходзіла да ручая Эгіпецкага, і спынялася на беразе мора. Такая была іх мяжа паўднёвая.

⁵ Мяжа ўсходняя — Мора Салёнае аж да вусьця Ярдану. Мяжа ад поўначы пачыналася ад затокі мора каля вусьця Ярдану,

⁶ і ўзьнімалася да Бэт-Хоглі, і праходзіла на поўначы да Бэт-Арабы, і ўзьнімалася мяжа да Эвэн-Баган-Бэн-Рэўбэн.

⁷ І ўзьнімалася мяжа да Дэбіру ад даліны Ахор і заварочвала на поўнач да Гільгалу, які насупраць Маале-Адумім, што на поўдзень ад ручая; і ішла мяжа да Мэ-Эн-Шэмэшу, і сканчвалася пры Эн-Рагелі.

⁸ І ўзьнімалася мяжа лагчынай Бэн-Гінном паўднёвым схілам гор Евусэяў, значыць праз Ерусалім, і ўзыходзіла на верх гары, якая насуп­раць лагчыны Гінном ад захаду і на скраю паўночным лагчыны Рэфаім.

⁹ З вяршыні гары заварочвала мяжа да крыніцы Мэ-Нэфтаах і вяла да гарадоў гары Эфрон, і заварочвала мяжа да Баалы або Кірыят-Ярыму.

¹⁰ З Баалы мяжа ішла на захад да гары Сэір і праходзіла праз паўночны схіл гары Ярым, значыць Кесалён, і зыходзіла да Бэт-Шэмэшу, і пераходзіла праз Тымну.

¹¹ І даходзіла мяжа да паўночнага схілу Экрону, і заварочвала да Шыкарону, і пераходзіла праз гару Баалы, і набліжалася да Ябнээля, і спынялася на беразе мора.

¹² Мяжой заходняй было Мора Вялікае з узьбярэжжам сваім. Гэта мяжа сыноў Юды наўкола паводле сем'яў іхніх.

¹³ Халеў, сын Ефунны, атрымаў частку між сыноў Юды паводле [слова] з вуснаў ГОСПАДА да Егошуа, — Кірыят-Арбу, бацьку Анака, значыць Хеўрон.

¹⁴ Адтуль Халеў выгнаў трох сыноў Анака: Шэшая, Ахімана і Тальмая з роду Анака.

¹⁵ Адтуль ён вырушыў суп­раць жыхароў Дэбіру, а Дэбір раней называўся Кірыят-Сэфэр.

¹⁶ І сказаў Халеў: «Таму, хто здабудзе Кірыят-Сэфэр і захопіць яго, я дам Ахсу, дачку маю, за жонку».

¹⁷ І здабыў яго Атніэль, сын Кеназа, брата Халева, і [Халеў] даў яму Ахсу, дачку сваю, за жонку.

¹⁸ І сталася, што яна прыйшла, і намовіла [мужа], каб той прасіў поля ў бацькі яе. І зьлезла яна з асла, а Халеў сказаў ёй: «Што табе?»

¹⁹ Яна сказала: «Дай мне даб­раславенства. Калі ты даў мне зямлю Нэгеў, дай мне крыніцы водаў». І даў ёй [Халеў] крыніцы верхнія і нізавыя.

²⁰ Гэта спадчына пакаленьня сыноў Юды паводле сем'яў іхніх.

²¹ Гарады на скраю пакаленьня сыноў Юды каля мяжы Эдому ў Нэгеве: Кабцээль, Эдэр, Ягур,

²² Кіна, Дымона, Адада,

²³ Кадэш, Хацор, Ітнан,

²⁴ Зіф, Тэлем, Бэалёт,

²⁵ Хацор-Хадата, Керыёт-Хецрон, значыць Хацор,

²⁶ Амам, Шэма, Малада,

²⁷ Хацор-Гадда, Хешмон, Бэт-Пэлет,

²⁸ Хецар-Шуал, Бээр-Шэва, Бізыётыя,

²⁹ Баала, Іім, Эцэм,

³⁰ Эльталяд, Хесіль, Харма,

³¹ Цыклаг, Мадмана, Сансана,

³² Лебаот, Шыльхім, Аін і Рымон — усіх гарадоў дваццаць дзевяць і вёскі іхнія.

³³ А ў Шэфэлі: Эштаол, Цора, Ашна,

³⁴ Занаах, Эн-Ганнім, Тапуах, Энам,

³⁵ Ярмут, Адулям, Сахо, Азэка,

³⁶ Шаараім, Адытаім, Гедэра і Гедэратаім — усіх гарадоў чатырнаццаць і вёскі іхнія.

³⁷ Цэнан, Хадаша, Мігдаль-Гад,

³⁸ Дылеан, Міцпа, Ёктээль,

³⁹ Ляхіш, Бацкат, Эглён,

⁴⁰ Каббон, Лахмас, Кітліш,

⁴¹ Гедэрот, Бэт-Дагон, Наама, Македа — усіх гарадоў шаснаццаць і вёскі іхнія.

⁴² Лібна, Этэр, Ашан,

⁴³ Іфтах, Ашна, Нэсіб,

⁴⁴ Кейла, Ахзіб, Марэша — дзевяць гарадоў і вёскі іхнія.

⁴⁵ Экрон з навакольнымі гарадамі і вёскамі.

⁴⁶ І ад Экрону аж да мора — усё, што каля Ашдоду, і вёскі іхнія.

⁴⁷ Ашдод і гарады ягоныя, і вёскі ягоныя, Газа і гарады ейныя, і вёскі ейныя аж да ручая Эгіпецкага і Мора Вялікага, і абшар [вакол].

⁴⁸ А ў гарах: Шамір, Яттыр, Сахо,

⁴⁹ Данна, Кірыят-Санна або Дэбір,

⁵⁰ Анаў, Эштэмоа, Анім,

⁵¹ Гашэн, Халон, Гілё — адзінаццаць гарадоў і вёскі іхнія.

⁵² Араб, Дума, Эшан,

⁵³ Янім, Бэт-Тапуах, Афэка,

⁵⁴ Хумта, Кірыят-Арба, значыць Хеўрон, Цыор — дзевяць гарадоў і вёскі іхнія.

⁵⁵ Маон, Кармэль, Зіф, Юта,

⁵⁶ Езрээль, Ёкдэам, Занаах,

⁵⁷ Каін, Гіва і Тымна — дзесяць гарадоў і вёскі іхнія.

⁵⁸ Хальхул, Бэт-Цур, Гедор,

⁵⁹ Маарат, Бэт-Анот і Эльтэкон — шэсьць гарадоў і вёскі іхнія.

⁶⁰ Кірыят-Баал, значыць Кірыят-Ярым і Рабба — два гарады і вёскі іхнія.

⁶¹ У пустыні: Бэт-Араба, Мідын, Сэхаха,

⁶² Нібшан, Ір-Гамэлях, Эн- Геды — шэсьць гарадоў і вёскі іхнія.

⁶³ Сыны Юды не маглі аднак выгнаць Евусэяў, якія жылі ў Ерусаліме, і жывуць Евусэі з сынамі Юды ў Ерусаліме да сёньня.