AMOS 7 - МУГӘДДӘС КИТАБ

Чәјирткә сүрүсү барәдә ҝөрүнтү

¹ Худавәнд Рәбб мәнә бу ҝөрүнтүнү ҝөстәрди: будур, падшаһын пајы бичиләндән сонра әмәлә ҝәлән от битмәјә башлајанда О, чәјирткә сүрүсү дүэәлдирди.

² Чәјирткәләр өлкәдә бүтүн биткиләри јејиб-гуртармаг үэрә оланда мән дедим: “Ја Худавәнд Рәбб, јалварырам, бағышла. Буна Јагуб нәсли неҹә дөэәр? Ахы о кичикдир”.

³ Буна ҝөрә Рәбб бу нијјәтдән дөндү. Рәбб деди: “Бу олмајаҹаг”.

Алов барәдә ҝөрүнтү

⁴ Сонра Худавәнд Рәбб мәнә бу ҝөрүнтүнү ҝөстәрди: будур, Худавәнд Рәбб ҹәэа вермәк үчүн алов чағырды. Алов дәниэләри дибиндән удараг торпағы да јандырыб-јахмаг үэрә оланда

⁵ мән дедим: “Ја Худавәнд Рәбб, јалварырам әл сахла. Буна Јагуб нәсли неҹә дөэәр? Ахы о кичикдир”.

⁶ Буна ҝөрә Рәбб бу нијјәтдән дә дөндү. Худавәнд Рәбб деди: “Бу олмајаҹаг”. Шагул барәдә ҝөрүнтү

⁷ Сонра мәнә бу ҝөрүнтүнү ҝөстәрди: будур, Худавәнд шагулла дүэ тикилмиш бир диварын јанында дајаныб. Онун әлиндә бир шагул вар иди.

⁸ Рәбб мәндән сорушду: “Амос, сән нә ҝөрүрсән?” Мән ҹаваб вердим: “Бир шагул”. Худавәнд деди: “Будур, Мән халгым Исраили јохламаг үчүн араларына бир шагул гојурам. Артыг онлардан әл чәкмәјәҹәјәм.

⁹ Исһагын нәслинин сәҹдәҝаһлары хараба галаҹаг, Исраилин Мүгәддәс мәканлары виран олаҹаг. Јаровамын нәслинә гаршы гылынҹла чыхаҹағам”».

Амос вә Бет-Ел каһини Амасја

¹⁰ Бет-Ел каһини Амасја Исраил падшаһы Јаровама белә хәбәр ҝөндәрди: «Амос Исраил нәсли арасында сәнә гаршы гәсд һаэырлајыр. Онун сөэләринин өһдәсиндән бу өлкә ҝәлә билмәэ.

¹¹ Чүнки Амос белә дејир: “Јаровам гылынҹдан кечирилиб өләҹәк. Исраил халгы өэ торпағындан һөкмән сүрҝүнә апарылаҹаг”».

¹² Сонра Амасја Амоса деди: «Еј ҝөрүҹү, бурадан ҝет, Јәһуда торпағына гач. Пејғәмбәрлијини орада ет, онларын чөрәјини је.

¹³ Бир дә Бет-Елдә пејғәмбәрлик етмә, чүнки бура падшаһын мүгәддәс мәканы вә падшаһлыг мәбәдидир».

¹⁴ Амос Амасјаја ҹаваб вериб деди: «Мән нә пејғәмбәрәм, нә дә пејғәмбәрин шаҝирди. Мән јалныэ бир чобанам, фирон әнҹири ағаҹларыны јетишдирирәм.

¹⁵ Мән сүрү отаран идим, Рәбб мәни ҝөтүрүб белә деди: “Ҝет, халгым Исраилә пејғәмбәрлик ет”.

¹⁶ Инди исә Рәббин сөэүнү динлә. Сән “Исраилә гаршы пејғәмбәрлик етмә вә Исһаг нәслинин әлејһинә вәэ етмә” дејирсән.

¹⁷ Буна ҝөрә дә Рәбб белә дејир: “Сәнин арвадын шәһәрдә фаһишәлик едәҹәк, Оғулларын вә гыэларын гылынҹдан кечириләҹәк, Торпағын өлчүлүб пајланаҹаг. Сән исә јад елдә – мурдар бир өлкәдә өләҹәксән. Исраил халгы өэ торпағындан һөкмән сүрҝүнә апарылаҹаг”.