ZƏBUR 11_1 - ƏHDİ-ƏTİQ (TÖVRAT VƏ ZƏBUR)

Davudun məzmuru.

¹ Rəbbə pənah gətirmişəm. Könlümə necə deyə bilərsiniz ki, Quş kimi dağlara uç?

² Bax pislər ox-kaman qurublar, Oxlarını yayın üstünə qoyublar, Qaranlıqda dayanıblar, Ürəyidüz olanları nişan alıblar.

³ Əgər hər şey təməlindən dağılarsa, Salehlər nə edə bilər?

⁴ Rəbb Öz müqəddəs məbədindədir, Onun taxtı göylərdədir. Rəbbin görən gözləri var, gözünü açar, Bəşər övladlarına diqqətlə baxar.

⁵ Rəbb saleh adamı sınaqdan keçirir, Pisə, zülmkarasa nifrət edir.

⁶ Pislərin üstünə odlu köz, kükürd yağdırır, Onların kasalarına düşən pay səmum yeli olacaq.

⁷ Çünki Rəbb adildir, ədaləti sevir, Əməlisalehlər Onun üzünü görəcək.