İKİNCİ SALNAMƏLƏR 17:3 - ƏHDİ-ƏTİQ (TÖVRAT VƏ ZƏBUR)

³ Rəbb Yehoşafatla idi, çünki atası Davudun əvvəlki yolları ilə getdi və Baal bütlərini deyil,

Azərbaycan Bibliyası 2008

³ Rəbb Yehoşafatla idi, çünki atası Davudun əvvəlki yolları ilə getdi və Baal bütlərini deyil,

МУГӘДДӘС КИТАБ

³ Рәбб Јеһошафатла иди, чүнки атасы Давудун әввәлки јоллары илә ҝетди вә Баал бүтләрини дејил,

İKİNCİ SALNAMƏLƏR 17:3 Çarpaz İstinadlar

Yaradılış 39:21

Ancaq Rəbb Yusiflə idi və ona xeyirxahlıq göstərdi. O, zindanın baş nəzarətçisinin gözündə lütf tapdı.

İKİNCİ ŞAMUEL 5:10

Davud getdikcə yüksəlirdi, çünki Ordular Allahı Rəbb onunla idi.

İKİNCİ ŞAMUEL 8:15

Davud bütün İsrailin padşahı oldu. O bütün xalqına ədalət və salehliklə hökmranlıq edirdi.

BİRİNCİ PADŞAHLAR 11:6

Süleyman Rəbbin gözündə pis olan işlər etdi və atası Davuddan fərqli olaraq Rəbbə tamamilə xidmət etmədi.

BİRİNCİ PADŞAHLAR 22:43

O, atası Asanın yolu ilə getdi və Rəbbin gözündə doğru olan işlər edərək bunlardan kənara çıxmadı. Ancaq səcdəgahlar aradan qaldırılmadı, xalq hələ səcdəgahlarda qurban gətirir və buxur yandırırdı.

BİRİNCİ PADŞAHLAR 3:3

Süleyman atası Davudun qanunlarına əməl edərək Rəbbi sevirdi, ancaq səcdəgahlarda qurban gətirir və buxur yandırırdı.

İKİNCİ PADŞAHLAR 14:3

Amasya atası Yoaşın etdiyi kimi Rəbbin gözündə doğru olan işlər etdi, amma babası Davud kimi deyildi.

İKİNCİ PADŞAHLAR 16:2

Axaz padşah olduğu vaxt iyirmi yaşında idi və Yerusəlimdə on altı il padşahlıq etdi. O, babası Davuddan fərqli olaraq Allahı Rəbbin gözündə doğru olan işlər etmədi.

İKİNCİ PADŞAHLAR 18:3

Xizqiya babası Davudun etdiyi kimi Rəbbin gözündə doğru olan işlər etdi.

İKİNCİ PADŞAHLAR 22:2

O, Rəbbin gözündə doğru olan işlər etdi, hər işdə babası Davudun yolu ilə gedərək ondan kənara çıxmadı.

BİRİNCİ SALNAMƏLƏR 22:18

«Allahınız Rəbb sizinlə deyilmi? O, ölkədə yaşayanları mənim ixtiyarıma verməklə sizə hər tərəfdən dinclik vermədimi? Ölkə Rəbbə və Onun xalqına tabe edilib.

İKİNCİ SALNAMƏLƏR 14:11

Asa Allahı Rəbbi çağırıb dedi: «Ya Rəbb, güclülər arasında gücsüzəm, yardım edəcək Səndən başqası yoxdur. Ya Rəbb Allahımız, bizə yardım et, çünki Sən bizim dayağımızsan və Sənin isminlə bu qoşunun üstünə gəlmişik. Ya Rəbb, Allahımız Sənsən, qoy insan Sənə üstün gəlməsin».

İKİNCİ SALNAMƏLƏR 15:2

O, Asanın qarşısına çıxıb ona dedi: «Ey Asa, bütün Yəhudalılar və Binyaminlilər, məni dinləyin! Siz Rəbb ilə bərabər olarkən O da sizinlədir. Əgər siz Onu axtarsanız, O da Özünü sizə göstərər. Ancaq siz Onu tərk etsəniz, O da sizi tərk edər.

İKİNCİ SALNAMƏLƏR 17:2

Yəhudanın hər qalalı şəhərinə qoşun qoydu və Yəhuda torpağına və atası Asanın aldığı Efrayim şəhərlərinə hərbi dəstələr yerləşdirdi.

İKİNCİ SALNAMƏLƏR 17:4

yalnız atasının Allahını axtardı və İsraillilərin etdiyi işlərə görə deyil, Allahın əmrləri ilə getdi.

İKİNCİ SALNAMƏLƏR 20:32

O, atası Asanın yolu ilə getdi və Rəbbin gözündə doğru olan işlər edərək bunlardan kənara çıxmadı.

İKİNCİ SALNAMƏLƏR 21:12

Ona peyğəmbər İlyasdan bu məktub gəldi: «Atan Davudun Allahı Rəbb belə deyir: “Atan Yehoşafatın və Yəhuda padşahı Asanın yolları ilə deyil,

İKİNCİ SALNAMƏLƏR 22:9

Axazyanı axtardı və onu Samariyada gizləndiyi halda tutdular. Yehunun yanına gətirdilər və onu öldürdülər. Sonra onu basdırdılar, çünki dedilər: «Rəbbi bütün ürəyi ilə axtaran Yehoşafatın oğlu budur». Beləliklə, Axazyanın nəslində padşahlığı əldə saxlaya biləcək adam qalmadı.

İKİNCİ SALNAMƏLƏR 27:6

Yotam qüvvətləndi, çünki Allahı Rəbbin önündə öz yollarını düzəltmişdi.

İKİNCİ SALNAMƏLƏR 29:2

Xizqiya babası Davudun etdiyi kimi Rəbbin gözündə doğru olan işlər etdi.

İKİNCİ SALNAMƏLƏR 34:2

O, Rəbbin gözündə doğru olan işlər etdi, hər işdə babası Davudun yolları ilə gedərək onlardan kənara çıxmadı.

ÇIXIŞ 3:12

Allah dedi: «Mən səninləyəm. Mənim səni göndərdiyimə əlamət bu olacaq: sən xalqı Misirdən çıxaranda bu dağda Mənə ibadət edəcəksiniz».

ÇIXIŞ 4:12

İndi get, Mən ağzınla danışacağam və deyəcəyin sözü sənə öyrədəcəyəm».

YEŞAYA 41:10

Qorxma, çünki Mən səninləyəm, Dəhşətə gəlmə, çünki Allahın Mənəm. Səni qüvvətləndirəcəyəm, Sənə kömək edəcəyəm. Sadiq sağ əlimlə Sənə dayaq olacağam.

YEŞAYA 8:10

Birlikdə məsləhətləşin, o boşa çıxacaq. İstədiyiniz qədər danışın, heç bir söz gerçək olmayacaq, Çünki Allah bizimlədir.

YEREMYA 2:23

“Axı necə deyə bilərsən ki, murdar olmadım, Baal bütlərinin ardınca getmədim? Dərədə necə rəftar etdiyinə bax, nə etdiyini gör. Sən qızışan, ora-bura qaçan dişi dəvə kimi,

MATTA 1:23

«Budur, bakirə qız hamilə olub Oğlan doğacaq, adını İmmanuel qoyacaqlar». «İmmanuel» «Allah bizimlədir» deməkdir.

MATTA 18:20

Çünki harada iki və ya üç nəfər Mənim adımla yığılarsa, Mən də orada, onların arasındayam».

MATTA 25:16

Beş talant alan dərhal gedib bunları sərmayəyə qoydu, daha beş talant qazandı.

MATTA 28:20

sizə əmr etdiyim hər şeyə riayət etməyi onlara öyrədin. Budur, Mən dövrün sonuna qədər hər gün sizinləyəm».

2 TİMOTEYƏ 4:22

Rəbb sənin ruhuna yar olsun! Sizə lütf olsun!

YEŞUA 1:5

Bütün ömrün boyu heç kəs sənə qarşı çıxa bilməyəcək. Musa ilə olduğum kimi səninlə də olacağam, səni atmayacağam və tərk etməyəcəyəm.

YEŞUA 1:9

Sənə möhkəm və cəsarətli olmağı əmr edən Mən deyiləmmi? Qorxma və ruhdan düşmə, çünki Allahın Rəbb gedəcəyin hər yerdə səninlədir.

HAKİMLƏR 2:11

İsrail övladları Rəbbin gözündə pis olan işlər görərək Baal bütlərinə qulluq etdilər.

HAKİMLƏR 2:18

Rəbb onlar üçün hakimlər yetirdi və Özü də hakimlərlə oldu. Hakimlərin ömrü boyunca Rəbb İsrailliləri düşmənlərin əlindən qurtarırdı. Ona görə ki onları əzənlərin və sıxışdıranların üzündən nalə çəkdikləri zaman Rəbbin xalqa rəhmi gəlirdi.

HAKİMLƏR 6:12

Rəbbin mələyi ona görünüb dedi: «Ey cəsur cəngavər, Rəbb səninlədir».

HAKİMLƏR 8:33

Gideonun vəfatından sonra İsrail övladları yenə də Baal bütlərinə sitayiş edərək Rəbbə xəyanət etdilər. Onlar Baal-Beriti özlərinə allah etdilər.

BİRİNCİ ŞAMUEL 18:12

Şaul Davuddan qorxdu, çünki Rəbb Davudla idi və Şauldan ayrılmışdı.

BİRİNCİ ŞAMUEL 18:14

Davud bütün yürüşlərində uğur qazanırdı, çünki Rəbb onunla idi.

BİRİNCİ ŞAMUEL 18:5

Şaul Davudu hansı işə göndərirdisə, o uğur qazanırdı. Ona görə də Şaul Davudu döyüşçülərinin başçısı etdi və bu da həm xalqın, həm də Şaulun əyanlarının gözünə xoş göründü.