Tito 1:5

Aymar Bibliia 1986

Cunatejj lurañanacajj utjcäna uca laycuw Creta islarojj jaytaniwaysma, cunjämtejj nayajj siscsma uqhamarjama sapa marcanquir iglesianacan jilïri irpirinac utt'ayañamataqui.

Jak'a apnaqawi uñst'ayäwi

1 Crónicas 6:32

Jupanacasti Tatitumpi Jiquisiñ Carpa nayrakatan k'ochupjjerïna, Salomonajj Jerusalenan Tatitutaqui templo luraycäna ucqhacama, ucatsti qhayanjja cunjämtï lurapjjerïqui uqhamjja k'ochusipcaquïnwa.

Eclesiastés 12:9

Yatiyirejj juc'amp yatiñanïsajja, juc'ampiraquiw yatiñjja jakenacar yaticharaqui. Uqhamaraquiw walja säwinaca yatjjatañaru uchasiraqui, ucatsti sapa maya chekaparu uscusa.

Isaías 44:7

¿Qhitis nayampi tinct'ayasispajja? Arsuspan ucatsti saraquitpan cunäquitejj jupajj uca. ¿Qhitis nayratpach cunatejj khepar lurascani uc yatiyejja, uqhamaraqui jichhas sasqui cunatejj lurascani ucjja?

Levítico 14:42

Uqhamasti cawquïri kalanacatejj apsutäcäna uca lantisti yakha kalanacaw uscutäjjaraquini, uca quipcaraqui q'isuratäcän uca perkasti yakha ñek'empiw lluch'sjjaraquini.

Hechos 11:30

Apthapisinsti, uca ofrendanacjja apayapjjänwa Judea marcan jilïrinacaru, Bernabeampi Saulompiw apapjjäna.

Hechos 14:23

Sapa iglesianracwa jilïri jakenac utt'ayawayapjjäna. Ucatsti oracionampi ayunompi lurasinjja, cawquïr Tatiturutï iyawsapcäna ucaruw catuyawayapjjaraquïna.

Hechos 2:11

Acancapjjaraquiw Creta marcanquirinacasa, arabenacasa. Takeniraquiw arunacasatcam parlir ist'tanjja Diosan jach'a muspharcañ luräwinacapjjata. —sasa.

Hechos 27:12

Uca puertonsti janiw juyphipachajj pasañjamäcänti. Ucatsti niya takeniw amuyt'apjjaraquïna: “Acat sarjjaquiñäni. Inampis Fenice marcarojj puriscsna, juyphipach ucan pasañataqui” sasa. Uca Fenice puertosti Creta islancänwa, kota muycatana, inti jalsu toke uñtata.

Hechos 27:13

Ucapachasti mä juc'a thayan aynach toket thayt'anïpansti, jupanacajj: “Uqhamajj sarascaquiñäni” sasaw sapjjäna. Mistuwayasinsti Creta isla thiyanjam sarawayjjapjje.

Hechos 27:21

Walja urunacaw jan mank'atäpjjäyäta. Ucatwa Pablojj sayt'asisina barconquir jakenacaru säna: —Tatanaca, walïsapänwa nayar ist'apjjetasamäna ucajja, cunapachatejj sapjjäyäsmajja: “Janic aca Creta islat mistcañäniti” sasajja. Iyawsapjjetasamäntejj janiw aqham t'akhescasänti, janiraquiw take yänacassa apt'ascasänti.

Hechos 27:7

Mä kawkha urunacaw c'achhatac sarapjjta. Wali ch'am tucusaraquiw Gnido uñcatasir puripjjta. Thayajj nayrat thayt'anitap laycusti, Creta islarojj muytawayapjjaractwa, Salmón jac'a pasawayasa.

1 Corintios 11:34

Maynitejj mank'at awtjatächi ucajja utapat mank'anpan, uqhamat jan Diosajj jumanacaru mutuyañapataqui jan wali tantachasitanacamatjja. Yakha tokenacatsti nayajj purincä ucqhaw take cunsa uñjäjja.

1 Corintios 14:40

Take cunsa sum lurapjjam maynit maynita.

1 Corintios 4:17

Ucataracwa Timoteor qhitanipjjsma. Jupajj Tatit tokenjja mä suma wawajjäcaspas uqhamawa. Jupaw amtayapjjätam cunjämtejj nayajj iyawsirjamajj Cristompi sarnakcta ucjja, uqhamarac cunjämtejj take chekansa iglesianacanjj yatichcta ucsa.

Colosenses 2:5

Nayajj janis janchinjja jumanacampïctjja, ajayunwa jumanacampïscta, cusisiyaraquituwa jumanacan sum sarnakapjjatamajja, uqhamarac Tatitur iyawsañanacamansa sum sayt'apjjatamajja.

1 Timoteo 1:3

Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,

2 Timoteo 2:2

Cuntejj walja testigonacan nayrakatapan arsuri ist'quista ucjja, qhitinacatejj churañjamäqui, uqhamarac mayninacarus yatichirjamäqui ucanacarojj uca pachpa arunacampi ewjjt'am.

Tito 1:12

Pachpa Creta islanquir profetapaw marca masinacap toke arsüna: “Cretanquirinacajj c'arïpjjapuniwa, ajjsarcañ animalanacjama, sinti mank'erinaca jayra jakenacäpjjewa” sasa.