Rut 4:17

Aymar Bibliia 1986

Uqham uñjasinjja, uta jac'anquir warminacajj sapjjänwa: —¡Noemïtaquejja mä wawaw naciwayi! —sasa. Ucarusti Obed sasaraquiw sutiyapjjäna. Jupasti Isaí chachan awquipänwa, uqhamarac rey Davidan achachilaparaqui.

Jak'a apnaqawi uñst'ayäwi

Rut 4:16

Noemí warmisti wawaru ichtasinjja, jarphiparuw uchasïna, ucatsti uca wawarojj sum uywäna.

Rut 4:18

Davidan nayra achachilanacapasti, Fares chachat nayrakatarusti acanacänwa: Fares, Hezrón, Ram, Aminadab, Naasón, Salmón, Booz, Obed, uqhamarac Davidan Isaí awquipa.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 17:12

Mä jakeraquiw Belén marcan utjäna Isaí sutini, Saúl reyin urunacapansti jupajj niya chuymanëjjänwa. Uca jakesti quimsakallko yokanacanïnwa, sullquïristi David sataraquïnwa.