Rut 3:7

Aymar Bibliia 1986

Booz chachajj mankt'asisa, uqhamarac umt'asisajja wali cusisitaw uñjasïna. Ucat cebada apthapit jac'aruw iquintjjaraquïna. Mä juc'a horasarojj Rut warmejj c'achat jac'achasisinjja cayunacapat janaräna, ucat uca chekaru ict'äna.

Jak'a apnaqawi uñst'ayäwi

Génesis 43:34

Joseasti pachpa mesapatwa mank'ayäna, Benjaminarusti mayninacat sipansa juc'ampi jilwa churäna. Joseampi, jilanacapampisti juntow umapjjäna, wali cusisipjjaraquïna.

2 Samuel 13:28

uywatanacaparusti saraquitaynawa: “Walpun amuyapjjäta, cunapachatejj Amnonajj vinompi niya machantasjjani, ucapachasti nayaw sapjjäma: “Jiwayapjjam” sasa, ucatsti jumanacajj jiwayapjjätawa. Jan jupar jiwayañjja ajjsarapjjamti, nayan arunacajjawa. Uqhamasti ch'amañcht'asipjjam, jan ajjsarapjjamti” sasaw Absalonajj säna.

1 Reyes 21:7

Ucatsti Jezabel warmipajj sänwa: —¡Israel marcanjja jumajjaya munañanïstajja! Jichhasti saram mank'eri, uqhamarac chuymachasim. ¡Nayawa Nabot chachan uva yapupa jicjjatayäma! —sasa.

Ester (hebreo) 1:10

Pakallko uru mank'äwi lurasinsti, reyejj vino umasajja wali cusisitaw machascäna, ucatsti qhitänwa Mehumán, Bizta, Harbona, Bigta, Abagta, Zetar, Carcas uca pakallko suma phokher eunuco chachanacaru.

Salmos 104:15

ch'amanchir t'ant'a jicjjatañapataqui, chuymapar cusisiyir vino apsusiñapataqui, ajanupar lliphipiyir aceite jicjjatañapataqui.

Eclesiastés 10:19

T'ant'asti mank'añataquiwa, vinosti jaken jacañapjja cusisiyaraquiwa, ucampis take ucanacataquejj kollkew utjañapa.

Eclesiastés 2:24

Jakejj mank'asispa, umasispa, uqhamarac luratapampisa cusisiraquispa uqhamanwa asqui luraspa. Amuyt'aractwa acajj Diosataraqui jutatapa.

Eclesiastés 8:15

Ucatwa nayajj sista: —Cusisiñajj utjpan —sasa. Aca orakenjja jaketaquejj asquiwa mank'añanaca, umañanaca, uqhamarac cusisiñanaca. Ucaquiw jaketaquejj utji irnakatapatjja, Diosajj aca oraken jacañ churqui uca urunacapana.

Eclesiastés 9:7

Uqhamasti jichhajj cusisiñampi t'ant'am mank'asim, uqhamarac vinomsa umasim, juman luratanacamajj Diosataquejj asquïtap laycu.

1 Corintios 10:31

Uqhamajj mank'apjjamsa, umapjjamsa jan ucajj cunsa lurapjjam, ucampis take cunsa Diosar jach'añchañataquiqui lurapjjam.

Efesios 5:18

Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam.

Jueces 16:25

Jupanacasti cusisiñatjja mayipjjänwa Sansón irpanipjjañapataqui cusisiñataqui. Carcelata Sansón chachar irpsuwayasinjja, juparu uñjasinjja wali cusisipjjäna. Ucampis Sansón chacharojj pä sayquir columna taypiruw sayt'ayapjjäna.

Jueces 19:22

Uqhama cusisitäpcäna uca horasawa, marcanquir jan wali jakenacajja utaru muyuntasina puncu lek'eña kalltapjjäna, ucatsti utani awquirojj sapjjaraquïnwa: —¡Irpsunim utamaru purinqui uca jakeru! ¡Nanacasti uñt'aña munapjjta, uqhamarac jupampi iquiña! —sasa.

Jueces 19:6

Panpachaniw konthapita mank'apjjäna, uqhamarac umapjjaraquïna. Uqhamäquipansti tawakon awquipajj mayiraquïnwa mä arumampi cusisita kheparapjjañapataqui.

Jueces 19:9

Cunapachatejj levitajj sartjjäna sarjjañataqui, uñt'atapampi, uqhamarac uywatapampi, awcch'ipajja saraquiquïnwa: “Niya jayp'öjjewa; kheparjjapjjaquim cusisita jichha arumampi, arumarjiwa wali alwata sarjjapjjäta” sasa.

Rut 3:6

Uqhamaw Rut warmejj pampa tokeru saräna; take cuntejj taycch'ipajj sawaycäna ucarjamaw luräna.

Rut 3:8

Chica arumjarojj Booz chachajj acatjamat konthapïna, sustjasisinsti mä warmiruw cayup tokena ict'at uñjäna.