Rut 2:10

Aymar Bibliia 1986

Rut warmisti orakeruw p'ekep alt'äna take ajjsart'añampi, ucatsti Booz chacharojj jisct'araquïnwa aqham sasa: —¿Cunatarac nayaru uñjasin qhuyapt'ayasista, nayajj yakha marcanquirïctsa ucasa? —sasa.

Jak'a apnaqawi uñst'ayäwi

Génesis 18:2

Abrahamasti uñatatasinjja quimsa jakenacaruw jupa nayräjjan sayt'atäsquir uñjäna. Uñjasinsti mäqhiw sarthapi uca jakenacar catokañataqui, uqhamarac p'ekepsa oraker puriñcamaw alt'asiraquïna,

2 Samuel 19:28

Awquejjan take familianacapas juma jach'a rey nayrakatanjja jiwarayatäñapäcchïnsa, aca uywatamasti juman mesamat mank'asiñapataqui jawsataraquïnwa. Jichhasti, ¿cunat juc'ampraqui jach'a reyitsti mayiraquirista? —sasaw Mefi-boset jakejj säna.

2 Samuel 7:18

Uqhamasti David reyejj Tatitumpi parlañataquiw jupan nayrakataparu mantawayäna, ucat saraquïna: “Dios Tatitu, ¿qhitiraquït nayasti, uqhamaraqui cuna asquiraqui familiajjasti, acacama nayar puriyaniñamataquisti?

2 Samuel 9:8

Mefi-bosetasti uca arunac ist'asinjja orakeruw p'ekep alt'asïna ucat saraquïnwa: —¿Cunatarac juma, juma jach'a reyisti, naya sirvirimat amtasista? Nayajj mä jiwat anumpi sastwa —sasa.

Mateo 25:35

Cunapachatejj mank'at awtjayascäyäta ucapachaw jumanacajj mank'añ churapjjesta; uqhamarac cunapachatejj umat pharjayascäyät ucqhajj umsa churapjjaraquistawa; korpachasiñ thakhascäyät ucapachajja korpachapjjestawa.

Lucas 1:43

¿Qhitiraquïpachat nayasti, Tatitojjan taycapajj nayar uñjt'ir jutañapataquisti?

Lucas 1:48

Diosajj mä jan yäkat sirviripat amtasitap laycu. Jichhat ucsarusti take horasanacanwa jakejj sapjjetani: “Jumajj cusisiñanïtaw” sasa.

Romanos 12:10

Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.

Rut 2:11

Booz chachasti juparojj saraquïnwa: —Nayasti yattwa cunanactï taycch'imataqui lurcta ucanaca, cunapachatï chachamajj jiwjjäna ucapacha, jumasti apanucuniwaytawa awquima, taycama, uqhamarac orakemsa aca marcan nanacamp chica jacañataqui, ucampis nanacajj janiw juman uñt'atäpcti.

Rut 2:13

Jupasti Booz chacharojj saraquïnwa: —Jumasti wali suma jakëtawa nayataquejja arunacamasti ch'amañchituwa, nayarojj munasiñ arumpiw parlista, nayasti janiw mä uywatamjamäctsa —sasa.

Rut 2:19

Noemí warmisti Rut warmirojj jisct'änwa: —¿Cawqhansa jichhürojj irnakta? ¿Cawqhataraqui walja cebada puyanac apthapinta? ¡Bendicitäpan cawquïri jaketejj uqham yanapctam ucajja! —sasa. Rut warmejj yatiyänwa taycch'iparojj cawquïri jakempitejj irnakcäna uca. Jupasti saraquïnwa: —Cawquïr jakempitejj irnakcta ucajja, Booz satawa —sasa.

Rut 2:2

Mä urusti Rut warmejj Noemí taycch'iparojj sänwa: —Pampar sarä, inach qhitis “Khepajj arcanita cebada apthapisa” sasa sitani. —Ucatsti taycch'ipajj —Saramay, wawa —saraquïnwa.

Rut 2:9

Ucatsti sarascaquim cawqhantejj cebada yawir jakenacajj yawthapipcani uca chekaru. Nayasti uywatanacajjarojj sistwa “Janiw cunsa parljjayapjjätati” sasa. Cunapachatejj umat pharjätam ucqhasti, uywatanacajj wacullanacaru uma apsupqui ucat umt'ascaquïtawa —sasa.

1 Samuel 25:23

Abigail warmisti Davidar uñjasajj asnopat sarakasinjja, Davidan nayrakataparuw ajjsartañ chuymampi orakcama alt'asïna.