Proverbios 21:1

Aymar Bibliia 1986

Reyin amtatanacapajj Tatitun amparapanquiwa; Tatituraquiwa sarayasqui, cunjämatï jawiranacajj sarasqui uqhama.

Jak'a apnaqawi uñst'ayäwi

2 Reyes 19:33

Cawquïr thaquinjamtejj jutcäna ucanjamawa cutt'jjani; janiw aca marcar mantancaniti. Naya Tatituwa arojja arsta.

Esdras 1:1

Cunapachatï Persianquiri Ciro sat reyejj mä mara reinascäna, uqhamarac Tatitun arupajj Jeremías profeta toke parlatäcäna uca phokhasiñapataqui, ucqhawa Tatitojj Ciro sat reyiru ch'amañchäna take reinopana yatiyatäñapataqui aru toksa kellkata toksa aca arsut'äwi:

Esdras 1:2

“Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Esdras 6:22

Jan levaduran t'ant'a mank'añ fiestjja, pakallk uruwa fiesta lurapjjäna, jupanacarusti Tatituw cusisiñampi phokt'atayna Persia marcanquiri reyin asqui luratapata, uqhamarac Israelanquir Diosan templopa wasitat lurañana yanapatap laycu.

Nehemías 1:11

Nayajj mayissmawa Dios Tata, oracionajj ist'añamataqui, uqhamaraqui sirvirinacaman mayisitanacapsa, nanacasti juma sapar jach'achañacwa munapjjta. Uqhamarac mayisiracsmawa nayar atipt'ayañama, reyirusa amuyt'ayaraquim nayar ist'añapataqui” sasa.

Nehemías 2:4

Reyisti jisct'ituwa —¿Cuns jumatac luriristjja? —sasa. Ucapachasti alajjpachanquir Diosaruw mayista,

Nehemías 2:8

yakha carta kellkt'atsti churaraquita reyin ch'umipa uñjiri Asaf sat chachataqui, nayaru madera churañapataqui templona nayräjja perka puncunacapa wastat lurañataqui, uqhamarac marcan perkapataquisa, uqhamaraqui nayajj jacascä uca utataquisa —sasa. Reyisti take mayitajjaruwa churitu, Diosan qhuyapayasiñapajj nayampïtap laycu.

Ester (hebreo) 2:17

Ucampis Asuerojj Ester tawakorojj wali munäna mayni warminacat sipansa. Ucatsti jupajj Asueron suma munasiñapwa jicjjatäna, mayni tawakonacat sipansa. Ucatsti reyejj Ester warmirojj mä corona p'ekepar uchäna, uqhamata reinata utt'ayasa Vastin lantipata.

Salmos 105:25

Egipto orakenquirinacarusti chuymanacap mayjt'ayäna Diosan marcapar uñisipjjañapataqui, uywatanacapar jan walinac lurapjjañapataqui.

Salmos 106:46

jupanacar catuntat anaquirinacaruw qhuyapayasiñamp uñjäna.

Salmos 114:3

Lamar kotajj Israel marcar uñjasajj jist'jtänwa, Jordán jawir umasti kheparuw cuttäna.

Salmos 114:5

Lamar kota, ¿cunatarac jalttasti? Jordán jawira, ¿cunatarac khepar cuttasti?

Salmos 74:15

Jumaw uma jalsunacsa, jawiranacs jalsuytajja, jumaw jan wañsur jawiranac wañt'aytajja.

Salmos 93:4

Tatay, jumasti alajjpachanjja, ch'aman mathapinacat juc'amp ch'amanïtawa, lamar kotanacan ojjenacapat jila ch'amanïtawa.

Éxodo 7:3

Ucampis nayawa faraonarojj chuymap kalarayäjja jan munañapataqui, uqhamarac Egiptonjja nayaraquiwa walja muspharcañ uñacht'äwi milagronacjja luraraquëjja.

Proverbios 16:1

Jakejj chuymapanjja cunanac lurañataquis amtaquiwa, ucampis Tatituw munañani uca amtäwiru phokhasiñapataquisa jan phokhasiñapataquisa.

Proverbios 16:9

Jakejj chuymapanjja sarnakañapatwa lup'isqui, ucampis sarnakäwipjja Tatituw irpasqui.

Proverbios 20:24

Tatituwa jaken sarnakäwipa sarayasqui; janiwa qhitis yatisquiti jupa pachpan tucuyäwipjja.

Isaías 43:19

Nayaw jichhajj take cunsa machak lurä, ucsti jichpacharaquiw uñjäta. Wasaran thaquinacwa jist'arä, jan achuri orakensti jawiranacwa jist'araraquï.

Isaías 44:27

Nayajj jach'a kotan umanacaparus wañt'am' saraquiristwa, jawiranacapas jan umani tucpan saraquiristwa.

Jeremías 39:12

“Jeremiasarojj juma quipca uñjam, janiraqui cuna ñankhsa luramti, jan ucasti take cuntejj maycätam uca churaraquim” sasa.

Daniel (hebreo) 4:35

Jupa nayrakatanjja janiw cunäquisa take acapachanquiri jakenacajja; jupaw munañaparjama luraraqui, alajjpachansa uqhamaraqui acapachansa. Janiw qhitis ch'amapa toke sayt'asirejj utjquiti, ni jisct'caraquispasa cunatsa uqham luri sasajja.’

Hechos 7:10

Take t'akhesiñanacapatsa imaraquïnwa, amuyt'sa churaraquïnwa. Ucatsti Egiptonquir rey Faraonampiw yanapt'ayaraqui. Uca reyisti Josearojj Egipto marca apnakeritwa utt'ayäna, uqhamarac quicpa reyin utap apnakerita.

Apocalipsis 16:12

Sojjtïri angelasti Eufrates sata jach'a jawirjjaruraquiw copapjja warjjatäna, ucatsti uca jawiran umanacapajja k'al wañsuwayäna, mä thaquiraquiw tucjjäna inti jalsu toket jutiri reyinacataqui.

Apocalipsis 16:4

Quimsïri angelasti jawiranacjjaru, uqhamarac uma jalsunacjjaruw warjjataraquïna. Ucatsti take jawiranacampi uma jalsunacampisti wilaraquiw tucuwayjjäna.