Números 9:15

Aymar Bibliia 1986

Cunürutejj Arust'äwi Carpa lurapcän ucqhajj, kenayawa ucarojj muyuntäna. Jayp'untjjepansti, Arust'äwi Carpa patjjanjja, mä ninaraquiw uñstjjäna, ucatsti khepa uru khantatcamaw uca patancäna.

Jak'a apnaqawi uñst'ayäwi

Nehemías 9:12

Ucatjja urojj irpäyätawa mä kenayampi, arumasti mä ninampiraqui, cawquinjamtï sarapjjañapäqui uca thaquipa khant'ayañataqui.

Nehemías 9:19

jumajj jach'a qhuyapayasiñama laycojja, janiw wasarana jaytanucctati. Jupanacan thaquipanjam uru jornala irpañataquejja, kenayajja janiw jupanacat sarakcänti, janiraquiw ninasa arumajja ch'amact'cänti thaqui sarañapanjja.

Salmos 105:39

Diosajj mä kenayampiw jupanacarojj imjjatäna, arum ch'amacarusti ninampiw khantayarapïna.

Salmos 78:14

mä kenayaw urojj irpäna, nina khanaw arumajj irparaquïna,

Éxodo 13:21

Tatitusti jupanacan nayrakatapwa saräna, urojja mä kenayanjamaw saräna thaqui uñacht'ayañataqui, arumasti mä ninaraquiw khant'äna. Uqhamatwa jupanacajj sarapjjäna uruy aruma.

Éxodo 13:22

Uca kenayasti janiw chhaktcänti jan ucasti jupanacan nayrakatapwa saräna urojja, uqhamarac ninajja arumaraquiw jupanacampi sararaquïna.

Éxodo 14:24

Khepärmanthi willjtasti Tatitojj egipcionacajj cawqhancapcäntejj ucqharojj uñch'uquiscänwa nina taypita, uqhamarac kenayata, ucatsti egipcionacarojj jupanacpura jan walt'ayasiñaruw puriyäna.

Éxodo 40:2

“Nayrïri phajjsi kallta urunjja sayt'ayätawa nayampi Jiquisiñ Carpa, Diosampi Jiquisiña Chekansa.

Éxodo 40:34

Mä kenayaw Tatitumpi Jiquisiñ Carpa patjjarojj urpjjatäna, ucatsti uca carparojj Tatitun jach'a cancañapaw phokt'äna.

Éxodo 40:35

Ucampis Moisesajj tantachasiña chekarojj janiw mantaña puedcänti, kenayawa uca patjjarojj urpjjatäna, uqhamarac Tatitun jach'a cancañapaw uca carparojj phokhantaraquïna uca laycu.

Éxodo 40:38

Israelitanacana take saräwinacapansti, uqhamarac jupanacansa uñjcatawa Tatitun kenayapajja urojja Tatitumpi Jiquisiñ Carpa patjjancäna, arumasti mä ninaraquiw uca carpa patjjancaraquïnjja.

Isaías 4:5

Take Sión kolljjarusti, uqhan tantacht'at marcjjarusti. Jupanacjjarojj Tatitojj mä ch'amac kenaya urojj uscuni, arumarusti mä nina khanaraqui uscuraquini. Take ucanacjjarusti Tatitun khanapaquiw khanaraquini;

Números 10:34

Urusti, Tatitun kenayapajj jupanac patanjamwa saräna, cunapachatejj jupanacajj thaquinjam sarjjarupcän ucqhajja.

Números 14:14

yatiyapjjaniw Canaán oraken jaquir jakenacarojja. Jupanacasti ist'apjjaraquiw juma Tatitun aca marca taypincascatamjja, jumajja ajanuy ajanu uñjayasitamjja, uqhamarac kenayamasa jupanac patjjancascatapsa; urusa mä kenayampiraquiw jupanacan nayrakatapsa sarascaracta, arumarusti mä ninampirac sarascaracta.

Números 17:7

Moisesasti varanacjja Tatitun nayrakataparuw uchäna Jiquisiñ Carpanjja.

1 Corintios 10:1

Jilatanaca, nayajj jumanacan yatipjjañama munta: Nayra awquinacasajj mä kenayan irpatänwa, takeniw Mar Rojo kota chekajj pascatapjjänjja.

Deuteronomio 1:33

cawquïritï jumanacan nayranacam sarcäna cawqharutï puripjjañamäcän uca thakeri, arumasti ninampi thaqui khant'ayasa, jumanacan sarapjjañamataqui, urusti mä kenayampiraqui thac uñacht'ayasa.