Números 7:9

Aymar Bibliia 1986

Ucampis Coat chachan wawanacaparojj janiraquiwa cuna carretanacasa ni orko vacanacasa churascänti, jupanacajj kollan yänacjja callachipjjaru apapjjañapänwa uca laycu.

Jak'a apnaqawi uñst'ayäwi

1 Crónicas 15:13

Jumanacajja jan nayrakata k'omachasipjjatam laycojja, Tatit Diosasajja jiwasanacata mayninacaruwa jiwayi, jan jiwasanacan jisct'apjjatasata cunjäma lurañäcäntejja ucata” sasa.

2 Samuel 6:13

Uca arca apirinacasti, niya sojjta chellktasipcäna ucapachaw Davidajj mä orko vacampi, mä liq'i orko ovejampi sacrificiot loktäna.

Números 3:31

Aca jach'a familianacaraquiw imapjjäna Tatitun Arust'äwi Arcapa, mesapa, candeleropa, altaranacapa, uqhamarac take cunanacatejj yupaychañatac sirvqui ucanacsa, velonacapsa, take yänacapsa.

1 Crónicas 23:26

Ucatwa levita jakenacajj Tatitun Carpapjja jan apnakjjapjjañapäcjjeti, ni kollana cuna yänacatejj apnakasqui ucanacsa” sasa.

1 Crónicas 15:3

Ucatsti Davidajj take Israelanquir jakenacaruw Jerusalenana tantacht'äna, Tatitun arcapa aptanjjañataqui cawqharutï mä cheka waquichcäna ucqharu.

2 Samuel 6:6

Cunapachatejj Era de Nacón sat chekaru puripcän ucapachasti, carreta katatipcänsa uca vacanacaw lanctasipjjäna. Diosan arcapasti niyapuniraquiw jalactäna. Ucatwa Uza sat jakejj amparapampi loktäna uca arca catthapiñataqui.

1 Reyes 8:3

Ucatsti Israel marcana chuymani awquinacaw purinipjjäna, ucatjja sacerdotenacajj arcwa apjjarupjjäna.

2 Samuel 6:3

Tatitun arcapsti mä machaka carreta patjjaruw apjjatapjjaraquïna, ucatsti Abinadab sisqui uca jaken utapatjja apasjjapjjänwa, uca utasti mä jisc'a kollu patancaraquïnwa. Abinadab jaken yokanacapasti Uza, uqhamaraqui Ahío ucanacajj uca Tatitun arcapa apiri carreta irpapjjaraquïna, Ahiosti uca arca nayräjja sararaquïna.