Números 6:26

Aymar Bibliia 1986

Tatitojj munasiñampi jumarojj uñtanpan, samarañsa churaracpan.’

Jak'a apnaqawi uñst'ayäwi

Salmos 29:11

Tatituw marcaparojj ch'am churi, jupaw marcaparojj sumancañ churi.

Salmos 37:37

Asqui jaker uñtam, suma jaker uñjam: jutir jacañapajj sumancañ jacañäniwa;

Salmos 4:6

Waljaniw sapjje: “¿Qhitirac cusisiñ churistanisti?” sasa. ¡Tatay, qhuyapayasiñampiy uñtanipjjeta!

Salmos 42:5

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw khespiyirejjasa, Diosajjasa!

Salmos 44:3

Janiw espadapamp orak catuntasipquiti, janiraquiw ch'amapampis atipjapquiti; jan ucasti, amparamampi, ch'amamampi, khanamampiw atipjapjje, jupanacar munasitam laycu.

Salmos 89:15

Tatay, jumar cusisiñamp yupaychir marcajj cusisiñaniwa: khanamamp khant'ayat sarnaker marcajj cusisiñaniwa,

Isaías 26:12

Tata, jumaw nanacar asqui cancañ churapjjesta; chekpachansa juma sapaquiw take lurañanacajj-jja lurta.

Isaías 26:3

Tatay, jumaw sum uñjtajja qhititejj mä sapa amtañaniquïqui ucarojja, jupan jumaru iyawsatap laycu,

Isaías 57:19

takenirus saraquïwa: ¡Samarañajj utjpan jayanquirinacampi, uqhamaraqui jac'anquirinacampisa! ¡Nayaw marcajjarojj kolljjatasjjä!”

Miqueas 5:5

Jupawa sumancañjja apanini. Cunapachatejj Asiria marcanquir jakenacajj marcasar mantanipcani, uqhamarac palacionacasarus mantapcani ucqhajja, jupanac contrasti pakallko jilïrinaca qhitañäni, quimsakallko wali aytat jakenacamp cuna.

Lucas 2:14

“¡Diosajj jach'añchatäpan alajjpachanacanjja. Aca orakensti sumancañaraqui utjpan qhuyapayasiñapat cusisipqui uca jakenac taypina!”

Juan 14:27

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Juan 16:33

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Juan 20:21

Jesusasti wasitampiw jupanacaru säna: —Sumancañajj jumanacampïpana. Cunjämtejj Awquejj nayaru qhitanquitu, uqhamaraquiw jumanacarojj qhitapjjsma —sasa.

Juan 20:26

Quimsakallko uru pasatatsti, discipulonacapasti wasitampiw mä utana tantachatäsipcäna, ucapachajj Tomasejj jupanacampïscänwa. Ucatsti puncunacajj jist'antatäsquïpansa, Jesusajj mantasinjja jupanac taypiruw sayt'asiraquïna, ucatsti aruntaraquïnwa: —Sumancañajj jumanacampïpan —sasa.

Hechos 10:36

Diosajj Israelan wawanacaparuw parläna Jesucristo toke sumancañ utjañapata. Jesucristosti take jakenacan Tatitupawa.

Hechos 2:28

Uñacht'ayaraquistawa jacañar irpir uca thaqui chek sarañsa. Nayan jac'ajjancañamampisti, cusisiñampiw phokhantaraquitäta.

Romanos 15:13

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

Romanos 15:33

Sumancañan Diosajj jumanacampipunïpan. Uqhamäpan.

Romanos 5:1

Iyawsäwi laycu Dios nayrakatan asquit uñt'atäjjatasatwa Diosampi sumancañajj utjistu Jesucristo Tatitusana.

Efesios 6:23

Dios Awquisa, Tatit Jesucristosa jumanacarojj sumancaña, munasiña, uqhamarac iyawsañsa churpan.

Filipenses 4:7

Diosajj jumanacarojj churapjjaraquïtamwa samarañapa, ucasti take cuntejj jakejj amuyt'caspas ucat juc'amp jach'awa. Uca samarañasti jumanacan chuymanacamsa, amuyunacamsa imaniwa Cristomp mayaquïpjjatam laycu.

2 Tesalonicenses 3:16

Pachpa samarañan Tatitojj jumanacarojj samarañ churpan take horasansa, cunayman toketsa. Tatitojj take jumanacampïpan.