Números 4:25

Aymar Bibliia 1986

Jupanacasti kollan chekan cortinapwa apapjjani, Jiquisiñ Carpäquis uca, suma lip'ichimpi patjjar janjjatatäquis uca, cawquïri cortinatï Jiquisiñ Carpa mantañancqui uca,

Jak'a apnaqawi uñst'ayäwi

Éxodo 26:1

“Tatitumpi Jiquisiñ Carpsti tunca cortinani luräta, uca cortinanacajja lino sat hilonaca c'anthitata luratäñapawa, suma azul telata, morado telata, uqhamarac wila telata, ucasti querubines sat angelanacampi suma bordatäñapawa.

Éxodo 26:14

“Uca carpa patjjataquisti luraraquïtawa ovej lip'ichinacata wilaru tiñita, ucjjaru patataquisti yakha suma lip'ichinacataraqui.

Éxodo 40:19

Ucatjja carparojj yapjjataraquïnwa Tatitumpi jiquisiñataquïqui, uca patjjarusti janjjatañanacampiw utachjjataraquïna cunjämtejj Tatitojj siscäna uqhamarjama.

Números 1:50

Levitanacarojj uchapjjätaw Tatitun Arust'äwi kollan chekan sirviñapataqui, uqhamarac yänacapa, take cunanacatejj uca kollan chekan utjqui take ucanacjjaru. Jupanacaraquiw arust'äwi Kollana Carpa, uqhamarac take cunanacapsa apapjjani. Uqhamarac take cunanacatejj sirviñataqui utjqui ucanacsa. Uqhamaraquiw jupanacajj kollan chekan nayräjjaparus puripjjaraquini.

Números 4:24

“Gersón chachan wawanacapan lurañanacapajj acanacawa:

Números 4:6

uca patarusti suma lip'ichinacampiw janjjatapjjaraquini, ucjjarusti sapa morado telampiw janjjatapjjaraquini, ucatwa lawanacampi apañatac uchapjjaraquini.