Números 4:15

Aymar Bibliia 1986

Cunapachatejj Aaronampi wawanacapampejj take kollana k'oma yänac llawthapiñ kalltapjjani, sarañataquisa niya janc'aquïpjjaraquini ucapachasti Coat chachan wawanacapaw jutapjjani take ucanac apañataqui; ucampis janiw amparanacapampi llamct'apcaniti cunatejj kollanäqui ucjja, jan jupanacan jiwañanacapataqui. Take acanacwa apapjjañapa Tatitumpi Jiquisiñ Carpatjja, Coat chachan wawanacapajja.

Jak'a apnaqawi uñst'ayäwi

2 Samuel 15:24

Sadoc chachasa, uqhamaraqui cawquïri levitanacatejj Diosan arcapa apapcäna ucanacas sarapjjaraquïnwa, uca arcsti Abiatar jaken utaparuw jaytawayapjjaraquïna, take jakenacan marcat mistuniñapcama.

2 Samuel 6:13

Uca arca apirinacasti, niya sojjta chellktasipcäna ucapachaw Davidajj mä orko vacampi, mä liq'i orko ovejampi sacrificiot loktäna.

1 Reyes 8:3

Ucatsti Israel marcana chuymani awquinacaw purinipjjäna, ucatjja sacerdotenacajj arcwa apjjarupjjäna.

1 Crónicas 15:15

Jupanacasti callaña lawanacata catusinwa callachinacapjjaru apapjjäna, cunjämatï Tatitojj Moisesaru siscäna uqhamaru.

1 Crónicas 15:2

Ucatsti sänwa: “Levitanacata yakhajja janiw qhitisa Diosan arcapjja apnakañapäquiti, Diosajj jupanacar ajllisitap laycu, Tatitun Arcapa apapjjañapataqui, uqhamarac juparu sirvipjjañapataqui wiñayan wiñayapataqui” sasa.

1 Crónicas 23:26

Ucatwa levita jakenacajj Tatitun Carpapjja jan apnakjjapjjañapäcjjeti, ni kollana cuna yänacatejj apnakasqui ucanacsa” sasa.

Éxodo 19:12

Ucampis jumajja kollu cayurojja chimpt'ataw, uqhamat israelitanacajj jan pasapjjañapataqui. Ucatsti sascaquim: “Jumanacasti ajjsarapjjätawa, kollurusti janiw maqhatapjjätati, ni chimpt'atäqui ucsa pasapjjaraquïtati, ucampis qhititejj kolluru jac'achani ucajja jiwaniwa.

Éxodo 19:21

Ucat Tatitusti Moisesarojj sänwa: —Sarasinjja yatiyam israelitanacarojja, chimpt'atäqui ucjja jan pasanipjjpanti nayaru uñjañataquejja. Jupanacatejj jan ist'asis pasanipjjani ucajja waljaninacaw jiwarapjjani.

Éxodo 27:7

Ucatsti uca morok'o lawanacsti argollanaca taypi pasayapjjäta, uqhamata ucampi altara callañataqui.

Levítico 16:13

uca inciensti Tatitun nayrakatapancqui uca ninjjaruw jach'jjataraquini, ucat uca incienso jiwk'esti cuna tapatejj arca khopjjatatäqui juchat pampachatäñataqui ucaruw chhaktayaraquini, cawquïritejj amtäwi arcäqui ucaru. Uqhamatwa Aaronajj jan jiwcaraquiniti.

Números 1:50

Levitanacarojj uchapjjätaw Tatitun Arust'äwi kollan chekan sirviñapataqui, uqhamarac yänacapa, take cunanacatejj uca kollan chekan utjqui take ucanacjjaru. Jupanacaraquiw arust'äwi Kollana Carpa, uqhamarac take cunanacapsa apapjjani. Uqhamarac take cunanacatejj sirviñataqui utjqui ucanacsa. Uqhamaraquiw jupanacajj kollan chekan nayräjjaparus puripjjaraquini.

Números 1:51

Ucatsti cunapachatejj uca Tatitumpi Jiquisiñ Carpajj mä chekat mä chekaru apatäni ucqhajj jupanacaw apapjjani, jupanacaraquiw ucqhansa jararapjjaraquini, wasitatsa sayt'ayapjjaraquini ucaru puriñataqui. Take cawquïri yakha jakenacatejj uca kollan chekaru jac'achasini, ucajj juchañchasin jiwayatäniwa.

Números 10:21

Ucjjarusti Coat chachan wawanacapaw sarapjjäna. Kollan yänac apt'asita. Cunapachatejj jupanacajj puripjjän ucqhajj, niyaw Arust'äwi Carpajj sayt'ayatäjjäna.

Números 18:3

Jupanacasti juman yanapirinacamäniwa, uqhamarac carpan cuna lurañatejj utjqui ucanacansa, ucampis kollan chekan yänacaparojj ni altaraparusa janiw jac'achasipcaspati, ucampisa janitejj uqhamäcan ucqhasti jiwarapjjaniw jupanacasa, uqhamarac jumanacasa.

Números 3:38

Inti jalsu toketsti, kollan lugar uñcatasita, Tatitumpi Jiquisiñ Carpäquis uca nayräjjarojj, Moisesampi, Aaronampiw puripjjäna, uqhamaraqui Aarón chachan wawanacapa, jupanacasti kollan lugar uñjapjjäna, maynïri israelitanac lanti. Ucatsti cawquïritejj jan cunäcasin sacerdotenacan lurañanacap lurän ucajj juchañchasin jiwayatänwa.

Números 4:14

Uca patjjarusti take cunanacatejj altaran sirviñatac apnakasqui ucanacwa uchapjjaraquïta: braseronaca, tenedoranaca, palanaca, jach'a jarranaca, take cunanacatejj altaran apnakasqui ucanaca. Take acanacaruw patjjat suma lip'ichinacampi imantapjjäta.

Números 4:19

Jan jupanacan jiwañampi mutuyatäpjjañapataqui kollan yänac llamct'apjjatap laycu, ucatsipansa acanacaw lurañanacapajja: Aaronampi wawanacapampiw sapjjani, sapa mayniru cunanactejj lurapjjañapäqui, uqhamarac cunanacatejj apascani ucanacsa.

Números 4:20

Uqhamatwa jupanacajj jan mantapcaniti cunatejj kollanäqui ucanac uñjirejja, ucatsti janiraquiw jiwapcanisa.”

Números 7:9

Ucampis Coat chachan wawanacaparojj janiraquiwa cuna carretanacasa ni orko vacanacasa churascänti, jupanacajj kollan yänacjja callachipjjaru apapjjañapänwa uca laycu.

Deuteronomio 31:9

Moisesasti aca leyinacjja kellkantänwa, ucatsti sacerdote levitanacaruw churäna, cawquïrinacatï utt'ayatäpcän Diosan Sumancayiri Arcap apañataqui, uqhamaraquiw churäna Israel marcan jilïri jakenacaparusa.

Josué 4:10

Cawquïri sacerdotenacatï Diosan arcap apt'asita chica jawirancasipcän ucanacasti israelitanacajj Josué chachan parlataparjam phuchañapcamaw ucancapjjäna, cunjämtï Diosajj Moisesar ewjjcatayna uqhamar phokhayasa, ucatsti jakenacajj janc'aquiw jawir qhurcataru pasapjjäna.

1 Samuel 6:19

Ucampis Tatitojj Bet-semes sat chekan utjasir mä kawkha jakenacarojj jiwarayänwa, Tatitun arcapa uñantapjjatap laycu. Pakallko tunca jakenacwa jiwarayäna, ucatsti jakenacajj walpun jachapjjäna uqham jach'a jiwaräwi Tatitojj jupanac taypiru apayanitapatjja.