Números 3:3

Aymar Bibliia 1986

Uca pusinpacharaquiw wawanacapajj Tatitur sirviñataqui sacerdotet loktatäpjjäna utt'ayatäpjjaraquïna,

Jak'a apnaqawi uñst'ayäwi

1 Crónicas 23:6

Davidasti jaljänwa tam tama, Leví chachan kawkha wawanacapatï jupan utjcäna uqhamaru: Gersón, Coat, Merari ucanaca.

Éxodo 28:41

“Uca isinacampiw isintayäta Aarón jilamaru, uqhamarac wawanacaparusa. Ucatjja aceitempiw p'eket warjjatäta uqhamat jilïr cancaña churasa, uqhamarac loktaraquïta nayan sacerdotejjäpjjañapataqui.

Éxodo 40:13

Ucatsti Aaronarojj sacerdote isimpiw isintayäta, ucat aceitempiw warjjatäta uqhamata nayaru loktata sacerdotëjjañapataqui.

Éxodo 40:15

Ucatsti aceitempiw jupanacar warjjataraquïta cunjämtejj Aarón awquipar lurctajj uqhama, uqhamata nayan sacerdotejjäpjjañapataqui. Aca aceitempi jupanacjjaru warjjatatasti wiñayataqui sacerdotëpjjañapataquiwa wawanacapan wawanacapataquisa.”

Levítico 8:12

Ucjjarusti Moisesajj uca catuyañ aceitjja Aaronan p'ekepjjaruraquiw warjjatäna, uqhamat sacerdoteta Diosar catuyjjañataqui.

Levítico 8:30

Ucat Moisesajj janc'aquiw cuna aceitetejj Tatitur catuyasiñataqui uscutäcänjja uca aceite caturaquïna, uqhamaraqui cuna wilatejj altar patjjanccäna ucampi, ucatsti ucampiw Aaronaru, uqhamarac wawanacaparusa ch'allt'araquïna, uqhamarac jupanacan sacerdotëña isinacapjjarusa. Uqhamwa Aaronaru, wawanacaparusa, uca quipcaraqui sacerdotëña isinacaparusa Tatitur catuyjjaraquïnjja.

Números 3:4

ucampis Nadab uqhamarac Abiú chachanacajj Tatitu nayräjjanwa jiwapjjäna, jupanacan mä jan uñt'ata nina Sinaí kollun loktapjjatap laycu. Jupanac paninisti janiraquiw wawanïpcänti, ucatwa Eleazar uqhamarac Itamar chachanacajj sacerdotet sarnakapjjäna, Aarón awquipan uñjata.

Hebreos 7:28

Moisesan leyipajj utt'ayiwa jan k'omäpquis ucanacaru jilïri sacerdotëñapataqui, ucampis Diosajj juramentompejj leyi khepatjja jupan Yokaparuw jilïri sacerdotëñapatac utt'ayi, qhititejj wiñayatac k'om tucuyatäqui ucaru.