Números 3:25

Aymar Bibliia 1986

Jupanacasti Tatitumpi Jiquisiñ Carpanjja kollan lugar uñjañataqui uchatäpjjänwa, uqhamarac carpata lip'ichimpi janjjatatäquis ucanacata, cortina utjqui carpa mantañan ucanacat cuna.

Jak'a apnaqawi uñst'ayäwi

1 Crónicas 23:32

Ucjjarusti jupanacajj utt'ayatäpjjänwa Diosamp Jiquisiñ Carpata uñjapjjañapataqui, uqhamarac kollan chekawjata, templona jilanacapampi sirvisina, jupanacasti Aarón chachat jutir wawanacapänwa.

2 Crónicas 31:2

Ucatjja Ezequiasajj jaljänwa lurapjjañapataqui sacerdotenacaru, levitanacarusa, uqhamata sapa maynisa luräwiparjama nact'ata loktäwinaca loktapjjañapataqui, uqhamarac sumancäwi sacrificionacsa, yuspagarapjjañapataqui, uqhamarac Tatiturus yupaychapjjañapataqui, templo puncunacana sirvipjjañapataqui.

Éxodo 25:9

Ucampis uca utjäwjja, uqhamarac take yänacapsa cunjämtejj nayajj uñacht'aycäma uqhamarjamaw luräta.

Éxodo 40:19

Ucatjja carparojj yapjjataraquïnwa Tatitumpi jiquisiñataquïqui, uca patjjarusti janjjatañanacampiw utachjjataraquïna cunjämtejj Tatitojj siscäna uqhamarjama.

Éxodo 40:28

Ucjjarusti Moisesajj warccataraquïnwa cortinjja carpa puncu mantañaru.

Números 1:50

Levitanacarojj uchapjjätaw Tatitun Arust'äwi kollan chekan sirviñapataqui, uqhamarac yänacapa, take cunanacatejj uca kollan chekan utjqui take ucanacjjaru. Jupanacaraquiw arust'äwi Kollana Carpa, uqhamarac take cunanacapsa apapjjani. Uqhamarac take cunanacatejj sirviñataqui utjqui ucanacsa. Uqhamaraquiw jupanacajj kollan chekan nayräjjaparus puripjjaraquini.

Números 10:17

Ucapachasti, Arust'äwi Carpa jararasinjja Gersonan, uqhamarac Merarin wawanacapaw apjjarusin thaquinjam apapjjäna.

Números 3:24

Gersón chachan wawanacapan familiapana jilïri jakepajj Eliasaf chachänwa, Lael chachan wawapa.

Números 3:7

Jupanacasti Aaronampiru, take marcaruwa sirvipjjani Tatitumpi Jiquisiñ Carpäquis uca nayräjjana, uqhamarac kollana chekan sirviñataquis utt'ayatäpjjani.

Números 7:7

Gersón chachan wawanacaparojj pä carretampi, pusi orko vacanacampi churäna, cawquïrinactï jupanacajj lurañatac munapcän ucanaca.

Marcos 13:34

Ucajj aqhamar uñtatawa: Cunapachatejj mä jakejj jayar sarañ amtejja, janïr sarcasaw uywatanacaparojj ewjjt'i, uqhamarac sapa maynirus lurañanacapa jaytawayaraqui. Ut uñjirirusti sum uñjañapataquiw jaytaraqui.

Colosenses 4:17

Arquipo jilatarusti aqham sapjjam: “Uñtam, cuna lurañtï Tatitojj churctam ucjja sum phokham” sasa.

1 Timoteo 1:18

Timoteo, nayan wawajja, aca ewjja chursma suma nuwasïwi nuwasiñamataqui iyawsañampi suma chuymampiraqui, cunjämtejj jilatanacajj nayrajj jumatjja parlapjjäna Diosan sutipana uqhamarjama.