Números 28:11

Aymar Bibliia 1986

“Kallta uru sapa phajjsita sarakquipanwa Tatitu Diosarojj loktapjjäta mä nact'ayata ofrendjama; pä vaca kallumpi, mä orko ovejampi, uqhamarac pakallko orko ovejanacampi, ucanacasti mä maranïñapawa, jan cuna usuchjataraqui.

Jak'a apnaqawi uñst'ayäwi

2 Reyes 4:23

Chachapasti juparojj jisct'änwa: —¿Cunataraqui jichhüru jiquisiri sarätasti? Janiwa machak phajjsïquisa, ni samarañ urüquisa —sasa. Warmisti ucjjarojj sänwa —jan llaquisimti —sasa.

1 Crónicas 23:31

Ucatsti cunapachatï take nact'ayat loktäwinaca loktapjjerïna samarañ uruna, sapa phajjsi kallta uruna, uqhamarac jach'a fiestanacansa ucqhajja, jupanacajj Tatiturojj sirvipjjapunirïnwa kawkhanitejj jupanacan lurañanacaparjama wact'qui uqhamaru.

2 Crónicas 2:3

Ucatsti Salomonajj Tironquir Hiram reyirojj yatiyänwa qhitanacap tokejja, aqham sasa: “Jumajj cunjämtï David awquejjampejja lurcäyätajja uqhama luraraquim, jumajj awquejjarojj cedro madera apayanïyätajja, reyi utap lurayascän ucapachajja.

2 Crónicas 2:4

Nayajj mä templo Tatitu Diosajjataqui lurayäjja, jupar loktañajjataqui, jupar jach'achañataqui, perfumenaca nact'ayañajjataqui, jupataqui wiñay seke t'ant'anaca loktañajjataqui, uqhamarac alwasa, jayp'usa sacrificionac nact'ayasina loktañjjataqui, samarañ urunacana, phajjsi kallta urunacana, uqhamarac Tatit Diosar jach'achañataqui yakha fiestanacansa, ucanacasti lurasipuniwa Israel marcanjja.

2 Crónicas 8:13

cawquïri urunacantejj Moisesan leyiparjama loktañajj waquisqui uqhamaru, samarañ uruna, sapa phajjsina kallta urunacana, uqhamarac marcpachana quimsa fiestanacajj utjqui ucanacanaraqui: jan levaduran t'ant'anaca fiestana, semananacan fiestapa, uqhamarac chhujllanacana fiestapanaraqui.

Esdras 3:5

sapüru loktañ nact'at loktäwinaca, uqhamarac machak phajjsita wact'qui Tatitur loktata fiesta lurañanacajj utjqui ucanacata, uqhamarac qhitinacatejj take chuymapata Tatitur loktcäna ucanacaraqui.

Nehemías 10:33

Nayrakatapanquir t'ant'ataqui, sapüru granonaca ofrendataqui, sapüru naqhantayaña ofrendanacataqui, samarañ urunacana sacrificionacataqui, uqhamarac phajjsi kallta urunacataqui, uqhamarac yakha fiestanacataqui; uqhamarac take casta ofrendanacataqui, sacrificio loktañataqui Israel marcan juchanacapata perdón jicjjatañanacapataqui, uqhamarac Diosasan templopana take luräwinacataqui.

Salmos 40:6

Janiw jumajj wilañchanacampejj cusisctati, janiraquiw loktanacas cusisiyctamti, janiw juch pampachañataquejj wilañchanac mayctati, ucatsipan nayarojj jinchunacajj jist'arista;

Salmos 40:8

Dios Tatitojjay, munañam lurañaw cusisiyitu; yatichäwinacamajj chuymajjanquiwa.”

Salmos 81:3

Machak phajjsi uñstipan trompet phust'apjjam, urt'a puripansti, phust'apjjaraquim ucürojj jiwasanacan jach'a urusawa.

Salmos 81:4

Ucajj Israel marcan camächit arunacapawa, Jacobon Diosapan arsutapawa,

Isaías 66:23

Sapa phajjsiraquiw machak phajjsi urunjja, sapa semanaraquiwa samarañ urunjja, take jakenacajj naya nayrakatar quillt'asir jutapjjani.” Naya Tatituw uc arsta.

Ezequiel 46:1

Aqham siw Tatitojja: “Mankhanquiri uta ankäjja, inti jalsu tokenquiri puncusti sojjta irnakaña urunacanjja jist'atapunïniwa, uca puncusti samaraña urumpi, wawa phajjsejj uñstancani uca urunacaquiw jist'arasini.

Ezequiel 46:6

Machak phajjsejj uñstcani uca urusti mä orko vacaw loktasiraquini, marani sojjta orko ovejanacampi, mä jach'a orko ovejampi, take ucanacasti c'umara jan cuna camacht'atäñapawa.

Ezequiel 46:7

Sapa maya orko vacanacatsti pä tunca litro granonacaw loktasiraquini, uca quipcaraqui sapa maya orko ovejanacatsa, kawkhatejj munasqui ucqhaquiraqui. Sapa pä tunca litro granonacatsti, quimsa litro chicatani aceiteraquiw loktasini.

Oseas 2:11

Cusisiñanacapasa uqhacamaquiraquïniwa: Fiestanacapsa, machak phajjsinacapsa, samarañ urunacapsa, fiestachasiñanacapsa, k'al tucjäjja.

Levítico 1:13

Ucatsti qhititejj loktqui ucajj uca uywan jiphillanacapsa, chhuchhullinacapsa umampiw jarekapjjani, ucsti sacerdoteraquiw takpach altarjjar naqhantayani; Tatitutaquejj mä suma k'apquiri ofrendaraquïniwa.

Levítico 1:3

“Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.

Levítico 1:9

Qhititejj loktcani ucasti uca uywan jiphillanacapsa, chhuchhullinacapsa umampiw jarekañapa, ucsti sacerdoteraquiw takpach altarjjar naqhantayani. Tatitutaquejj mä suma k'apquiri ofrendaraquïniwa.

Amós 3:5

Cuna sipitarus jalt'i ucqhaw jamach'ejj orakeru jalaktanejja. Cuns catji ucqhaw sipitajj oraket thoktejja.

Amós 8:5

Jumanacajj sapjjtawa: “¿Cunapachas wawa phajjsi fiestasti pasani trigo aljasiñasataquejja? ¿Cunapachas pasjjani samarañ urusti, tupunac jisc'aptayasa, balansa pesanac jisc'aptayasina, jila alaru aljañataquejja?

Números 10:10

Uqhamaraqui trompetanacjja phust'asipjjam, cusisiña urunacansa, fiesta urunacansa, machak phajjsïqui ucapacha, cunapachatejj nactayasin sacrificionac loktapcäta, uqhamarac sumancaña sacrificio loktasipcäta ucapacha. Uqhamatwa nayajj jumanacat amtasipjjäma. Nayaw jumanacan Tatitu Diosamätjja.”

Números 28:19

Tatiturusti mä nact'ayat ofrendjama pä vaca kallunaca, mä orko oveja, pakallko orko ovejanaca, ucanacasti mä marani ovejanacäñapawa jan usuchjataraqui loktapjjäta.

Gálatas 4:10

Jumanacajj yakhep urunaca, phajjsinaca, tiemponaca, maranaca imasipcactawa.

Colosenses 2:16

Mank'apjjatamatsa umapjjatamatsa jan qhitis jumanacarojj jisc'achpati, cuntï machak phajjsi uñsta urunacana, uqhamarac fiesta urunacansa, samarañ urunacan lurapctas ucanacatjja.

Colosenses 2:6

Ucatpï cunjämtï Tatitur iyawsapctajja, uqhamaraquiw mayaqui jupampi jacapjjañamajja.

1 Samuel 20:5

Davidasti saraquïnwa: —Kharürojja phajjsi kallta fiesta uruwa. Nayasti reyimpi chicaw mank'asiñataqui kont'asiñajjaraquejja. Ucampisa nayarojj jan ucancañajjataqui churita, jurpüru jayp'ucama pampan imantasiñajjataqui.

1 Samuel 9:12

Tawakonacasti sapjjaraquïnwa: —Jïsa, ucancasquiwa uñjirejja, janc'aqui sarapjjam. Jichhürojj jupajj marcaruw juti, santuarion sacrificiojj loktasitap laycu.