Números 25:6

Aymar Bibliia 1986

Ucampisa mä israelita jakejj utaparuw mä madianita warmirojj irpasïna, Moisesan uñjcata uqhamarac take israelitanacan uñjcata, ucañcamasti jupanacajj jachasipcänwa Tatitumpi Jiquisiñ Carpa mantañana.

Jak'a apnaqawi uñst'ayäwi

Génesis 37:28

Madianita, alaquipa jakenacajj uca cheka pasquipansti, jilanacapajj uca phuch'ut Josearojj irpsunipjjäna, uca ismaelita jakenacaruw pä tunca kollkeru alj-jjapjjäna. Uqhamwa Josearojj Egipto marcar irpasjjapjjäna.

1 Reyes 11:18

Madián chekat mistusinjja Parán ucaruwa puripjjäna, ucansti sirviyasipjjänwa uca chekanquir yakhep jakenacampi. Ucatjja Egiptoru purisinjja faraón reyin nayrakataparuwa uñstapjjäna, faraonasti jupanacarojj churänwa uta, mank'a, uqhamarac orakenacsa wajjt'araquïna.

Salmos 94:16

¿Qhitirac jucharar jakenacat arjjatitanisti?, ¿qhitirac ñankha luririnacat jarc'aketanisti?

Isaías 22:12

Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.

Jeremías 3:3

Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!

Jeremías 36:23

Cunapachatejj Jehudí chachajj niya pusi hojanaca leet'cän ucapachaw reyejj uca rolljja cuchillompi qharinokäna, ucatsti uca nina naqhasquiriruw naqhantayaraquïna. Ucsti luränwa takpach rollo naqhantayañcama.

Jeremías 8:12

¡Take cuna jan walinactejj nayajj jan muncta ucanac luratanacamatjja jumanacajj p'enkasipjjañamänwa! Ucampisa, janiw p'enkasipctati, janiraquiw yatjjapjjtati cunäquitejj p'enkasiñajj ucsa. Ucatpï cunapachatejj nayajj mutuyapcäma ucapachajj, ch'anktasipjjätawa, mayninacjamaw liwirtapjjaraquïta. Naya Tatituw ucjja arsta.’ ”

Joel 2:17

Sacerdotenacasti jachapjjpan, Tatitur sirvirinacasa Tatitun altarap nayräjjansti sapjjaracpan: ‘Dios Tata, marcamarojj perdonam; janirac munamti marcamatjja qhitin larusiñapsa, uqhamaraqui jan munamti yakha nacionanacan marcamar apnakañapsa, Diosar jan uñt'ir jakenacana jan sasipcañapataqui: ¿Cawquincarac Diosapasti?’ sasa.”

Números 16:47

Aaronasti luränwa Moisesan arsutaparojja, ucatsti jalasaw saräna cawqhantejj marcajj tantachasïna ucqharu. Cawquïri ustejj Diosajj apayanïna ucajj niyaw marcan jakenacarojj usurayäna. Ucatwa Aaronajj incienso uscusina Diosatjja perdón mayïna marcpachataqui.

Números 22:4

Ucatwa Moab oraken jakenacajj Madián oraken jilïrinacaparojj aqham sapjjäna: “Takpach aca jakenacaw orakesarojj tucjani, cunjämas mä vacajj orakenquir pasto tucuntejj uqhama” sasa. Ucapachasti Balac chachajj Moab marcan reyipänwa.

Números 31:2

“Phoksusim madianitanacatjja israelitanacan sutipjjaru, uca pasatatwa jiwjjäta” sasa.

Judas 1:13

Kota mathapinacjamaw p'enkascañ luräwinacapjja jopokor uñtat waranucupjje; saranucusin chhakat warawaranacjamäpjjewa, wiñayan wiñayapataqui ch'iyar ch'amacanacar apanucutäpjjaraquiwa.

Jueces 2:4

Angelajj uqham parlaña tucuyjjepansti, takpach israelitanacaw wali jach'at wararisina jachapjjäna.