Números 24:17

Aymar Bibliia 1986

Uñjtwa cunatejj khepa urunacan utjcani ucsa, uñjaractwa cunatejj jayancqui ucsa. Mä warawaraw Jacobot mistusinqui, mä reyiraquiw israelan sartasqui. Jupaw Moab orakerojj p'eket takjjatani. Takpachaniruw Set sat chachan wawanacaparojj pampachjani.

Jak'a apnaqawi uñst'ayäwi

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

2 Samuel 8:14

Ucatsti Davidajj janc'aquiw take Edom orakpachanjja guardianaca uscuraquïna. Edomita jakenacasti Davidan apnakataw uñjasipjjaraquïna, Tatituraquiw Davidarojj atipjaña churaraquitaynajja, cawquirutejj sarcäna ucana.

2 Samuel 8:2

Moabita jakenacarusti atipjaraquïnwa, jupanacarusti orakeruw liwirtayaraquïna, uqhamat mä ch'anqhampi tupt'asa. Qhitinacatejj pä ch'anqha taypincapcäna ucanacarusti jiwarayatäñataqui juchañchatäpjjänwa, cawquirinacatejj mä ch'anqha taypincapcäna ucanacasti perdonatäpjjaraquïnwa. Uqhamaw moabita jakenacajj Davidan apnakatäpjjäna, impuestonacsa pagapjjaraquïna.

2 Reyes 3:5

Ucampis cunapachatï Acab reyejj jiwjjäna ucqhasti, Moab marcan reyipajj Israel rey contraw tucjjäna.

1 Crónicas 18:2

Uqhamaraquiw atipjäna moabitanacaru, uqhamatwa jupanacajj Davidan apnakatäpjjäna, jupanacajj impuestonacwa jupar churapjjäna.

Salmos 110:2

Tatitojj Sión kollutpach ch'aman cancañ thujru ayjjaruyätam. “¡Jumamp timasirinacarojj atipjamaya!

Salmos 45:6

Diosay, reyi cancañamajj wiñayataquiwa, reyi cancañamajj chekapar uñjañawa.

Isaías 15:1

Moab marcataqui profecía arunaca: Cuna arumatejj Ar sisqui uca marcajj t'unjatäcän uca arumajja, Moab marcajj t'unjataraquïnwa; Kir sat marcajj t'unjatäcän uca arumajj Moab marcajj t'unjataraquïnwa.

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Jeremías 48:1

Tatitun arunacapa, Israelan take ch'amani Diosapan arunacapa Moab marcataqui: “¡Pobre Nebo marca! ¡Cunja t'unjatätasa! ¡Quiriataim sat marcasti catuntatawa, jisc'achjataraquiwa! ¡Ch'amapasti pamparu liwinucutaraquiwa!

Jeremías 48:45

“Yakhepanacajj jan ch'amaniquiw jaltjjapjje, Hesbón ch'iwinacaru imantasiñataqui; ucampisa Hesbón marcajja, Sehón reyin marcapäqui ucajj ninampi naqhayataraquiwa, uca ninasti jach'aruw saratataraqui, Moab kollunacsa uca ch'ajjwiri marcsa, k'alwa mank'antaraqui.

Zacarías 10:4

Jupanacatwa mistunejja Esquina Kalasa, Carpa Ch'acurusa, Guerrasiñ Arcosa. Jupanacatwa irpirinacajj mistunejja.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Números 21:29

¡Moab, jumajj jachcañätawa, aynacht'atätaw, Quemós diosan marcapa! Juparaquiw jakenacamsa jaltayaraqui, warminacamsa Sehón reyin amparapar catuyaraqui.

Números 24:16

Cunapachatejj ajayuncqui ucqhajj juc'ampi sum uñji; yatiraquiw cuntejj alajjpachanquir Diosajj yatqui ucsa; arunacsa catokaraqui, uñacht'äwinacsa, jach'a ch'amani Dios toketjja.

Lucas 1:78

Dios Awquisasti munasiñapana, qhuyapayasiñapampita alajjpachatjja khespiyasiñ khanwa churanistu, mä machak urun khantiri,

Hebreos 1:8

Ucampis Yokap toketjja saraquiwa: “Juman tronomajj, Dios Tata, wiñayataquiwa. Apnakatamas chekaparaquiwa.

Hebreos 7:14

Suma yatitawa, Tatitusajj Judá tributwa juti. Cunapachatï Moisesajj sacerdotenacat parlcän ucqhajj janiw cuns siscänti aca tributjja.

2 Pedro 1:19

Uqhamat profetanacan arupajj juc'amp thurt'at uñjasi. Jumanacasti uca profetanacan arunacapar ist'asinjja walicwa lurasipctajja, uca arunacasti mä lamparjamaw ch'amacanacanjja khani, urojj khanjtaniñapcama, willjta warawarasti mistuniñapcama jakenacan chuymanacapar khant'añataqui.

Judas 1:11

¡Ay cunancapcaquini! Cainan thaquip arquirinacajja Kollke jicjjatañ laycuw maysar saranucupjje, Balaamjama. Coré chachjamaw amuyasipjje, qhititejj juchapat jiwayatäcäna uqhama.

Apocalipsis 1:7

¡Uñtapjjam, Tatitojj kenay patanjam jutasqui! Takeniw uñjapjjani. Jupar chhojjriñchirinacas uñjapjjaraquiniwa. Take marcanacasti jupar uñjasajj wal jachapjjani. Jïsa, uqhampunïscaniwa.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 22:16

“Naya, Jesusawa, angelajja qhitta iglesianacar aca arunaca yatiyaniñapataqui. Nayätwa Davidat nayrasa, jupat sarakerisa, nayajj khantati warawararaquïtwa.”

1 Samuel 14:38

Ucat Saúl reyejj saraqui: —Jichhajj jac'achasinipjjam take ejerciton jilïrinacapa; yatjjatapjjam qhitis jichhürojj uca jucha luri.