Números 24:13

Aymar Bibliia 1986

palacioman korisa, kollkesa phokhantatäscpa ucqhasa janipuniw nayajj Tatitun arunacaparojj jan ist'quiristti ni ascsa ni jan walsa nayan arojjarjamajj lurquiristti, ucampis nayajj arsuristwa cuntejj Tatitojj sisquitaspa ucaqui.

Jak'a apnaqawi uñst'ayäwi

1 Reyes 13:8

Ucampis profetajj reyirojj sänwa: —Jumajja palaciomatjja chicatpacha churquitasma ucasa, janiw jumampejj sarcäti, janiraquiw mank'caraquïsa, ni umsa umcaraquïti aca chekanjja;

1 Reyes 22:14

Micaías profetajj sänwa: —¡Nayajj juramentwa Tatit laycu lurta, cuntï Tatitojj sisquitani parlañajja ucacwa parläjja! —sasa.

Números 16:28

Moisesasti parlascaquïnwa aqham sasa: —Acampiw yant'apjjäma: Tatituw nayar qhitanitu take acanac lurañataqui, janiw nayan munañajjaru lurcti.

Números 22:18

Ucampis Balaamajj jupanacarojj sänwa: —Balac reyejj palaciopsa, kollkepsa, koripsa phokhantatäqui uc churquitaspa ucqhas janiw ni acch'sa nayajj Tatitu Diosajjan arsutap contrajj lurquiristti.

Números 22:20

Uca arumajj Diosaw Balaamarojj uñstäna; aqham saraquïnwa: —Uca jakenacatejj jumaru jawsañatac jutapjjchi ucapachajj, sartasimay jupanacampi chica sararaquim, ucampis cuntejj nayajj siscäma ucac luraraquïta —sasa.

Números 22:8

Balaamajj jupanacarojj sänwa: —Jichha arumajj acar kheparapjjam, ucatwa nayajj sapjjäma cuntejj Diosajj luram sisquitani ucjja. Moab oraket jutir jilïrinacajj jupampiw kheparapjjäna.