Números 23:3

Aymar Bibliia 1986

Ucjjarusti Balaamajj Balac reyirojj sänwa: —Sacrificionac loktat thiyaru kheparam, ucañcamasti nayajj saräw inas Tatitu Diosajj nayampi jiquisir jutascchi uc uñjiri. Ucampis nayajj yatiyaraquïmaw cuntejj jupajj nayar yatiyquitani ucjja —sasa. Ucapachasti Balaamajj mä wasara kolluruw sarawayjjäna,

Jak'a apnaqawi uñst'ayäwi

Génesis 22:13

Abrahamasti uñatatasisinjja, mä orko oveja uñji mä koka taypin wajjrat achuntata. Sartasinsti uca oveja aptani, ucat Diosar sacrificiot loktäna wawap lanti.

Génesis 22:2

Diosasti saraquïnwa: —Isaac wawamar irpjjarum, sapa yokall wawamaru, sinti munat wawamaru, ucatsti Moriah oraker saram. Uca chekar purisinsti, cawquïri kolltejj nayajj uñacht'aycäma uca chekan nayaru wawama sacrificiot loktita —sasa.

Génesis 8:20

Ucatsti janc'aquiraquiw Noejj Tatitutaqui mä altar luräna, ucatsti k'oma animalanacata, uqhamaraqui jamach'inacatsa mayacamwa catüna, ucatsti Tatituruw sacrificiot loktäna.

Éxodo 18:12

Moisesan Jetro awcch'ipajj mä uywa Diosaru sacrificio loktasin nact'ayäna, uqhamarac yakha ofrendanacampi uqhama. Aaronampi, israelanquir take jilïrinacampisti sarapjjänwa Moisesan awcch'ipampi cheka Diosan nayrakatapana mank'aniñataqui.

Levítico 1:1

Tatitojj Moisesaruw jawsäna Diosamp Jiquisiñ Carpatpacha, ucatsti aqham saraquïnwa:

Números 23:12

Ucatsti Balaamajj sänwa: —Jumampisti parltanwa cuntejj nayar Tatitu Diosajj sisquitani ucaqui sämajj —sasa.

Números 23:15

Uca chekanwa Balaamajj Balac reyirojj aqham säna: —Aca sacrificionac loktat thiyaru kheparam; ucañcamasti nayajj Diosampi jiquisiriw sarä —sasa.

Números 23:2

Balac reyejj luränwa cuntejj Balaamajj luram siscatayna uqhama, ucatsti panpachaw mä vaca kallumpi, mä orko ovejampi sacrificiot loktapjjäna sapakat altarjjaru.

Números 23:26

Ucjjarusti Balaamajj sänwa: —¿Janit nayasti siscsma, cuntejj Tatitojj nayar parlam sisquitani ucaqui säma sasinjja?

Números 23:4

ucansti Diosaw juparojj uñstäna, Balaamasti sänwa: —Pakallko altaranac waquichayta, sapakat maynirojj mä vaca kallumpi, mä orko ovejampi sacrificiot loktta —sasa.

Números 24:1

Ucampisa cunjämatejj Balaamajj uñjäna Tatitutaquejj asquïtapa Israelar bendiciñajja; janiw uñacht'äwinac jupat catokerejj sarcjjänti, cunjämatejj walja cutinac lurcatayna uqhama, jan ucasti ajanupjja wasara tokeruw uñtäna.

Mateo 4:8

Supayasti mayampiw Jesusarojj irparaquïna mä jach'a kollu patjjaru, ucatsti uñacht'ayaraquïnwa take marcanaca, cunja sumäcäntejj ucanaca, cunja jach'äcaraquïntejj ucanacsa.

Josué 24:10

Ucampisa nayajj janiw Balaam chachampi jumanacar maldiciyapcsmati, ucat sipansa jumanacarojj bendicipjjtamwa. Uqhamatwa nayajj jumanacar khespiyapjjsma.