Números 22:32

Aymar Bibliia 1986

Ucampisa Tatitu Diosan angelapajj juparojj sänwa: —¿Cunatsa jumajj quimsa cuti kachu asnomarojj jawk'jta? Nayaw jutta jumar thaqui jist'antiri, saräwimajj nayataquejj jan walïtap laycu.

Jak'a apnaqawi uñst'ayäwi

Salmos 145:9

Tatitojj takenir munasiriwa, takpach luratanacaparojj munasiñampiw uñji.

Salmos 147:9

Jupaw uywanacarojj mank'añ churi, juparaquiw allkamarin chhiwlinacaparojj wararipqui ucapachajj mank'añ churi.

Salmos 36:6

chekapar uñjañ cancañamajj jach'a kollunacjamawa, arsutanacamasti jach'a lamar umanacjamawa. Tatay, jumaw jakenacarusa, animalanacarus uñjasctajja.

Proverbios 14:2

Cheka sarnaker jakejj Tatituruw ajjsarti, ucampis jan wali sarnaker jakejja jisc'achiwa.

Proverbios 16:2

Jaketaquejj cunanac luratapasa walicjamaquiwa, ucampis Tatitojj yatiwa amtäwinacapajj waliti jan ucajj janicha ucjja.

Proverbios 28:18

Cheka lurir jakejj jan walt'añatjja khespiyatäniwa, ucampis ñankha jakejja jan walt'añaruwa purini.

Proverbios 28:6

Sallkjasiri kamir jaquïñat sipansa, juc'amp asquiwa pobrëscaña, uqhamarac cheka lurirïñasa.

Jonás 4:11

Ucats juc'ampiw nayan qhuyapayasiñajjajj Nínive marcataquejj utjañapa, uca jach'a marcansti patac pä tuncani waranka, ucats jila jan juchan wawanacamp, walja uywanacamp cunaw utji —sasa.

Miqueas 6:5

Marcajja, jichhajj amtasimay Moab oraken Balac reyipan amtatanacapa, uqhamarac cuntejj Beoran Balaam yokapajj siscän ucanacatsa. Amtasiraquim cunapachatejj Sitim chekat Gilgal chekaru pascayätas uca, Tatitun atipjäwinacapsti jumajj amtasiraquim.”

Números 22:20

Uca arumajj Diosaw Balaamarojj uñstäna; aqham saraquïnwa: —Uca jakenacatejj jumaru jawsañatac jutapjjchi ucapachajj, sartasimay jupanacampi chica sararaquim, ucampis cuntejj nayajj siscäma ucac luraraquïta —sasa.

Números 22:22

Balaamajj kachu asnopar lat'jjatataw saräna, ucatsti pani uywatanacapaw jupampi chica sararaquïna. Ucampisa Diosajj wal jupataquejj colerasïna, uqham saratapata, ucatsti Diosan angelapaw jan pasayañataqui thaquiru sayantasïna.

Números 22:28

Ucapachaw Tatitu Diosajj kachu asnorojj parlayäna, asnosti Balaamarojj sänwa: —¿Cunsa nayajj camachsma? Acampejj quimsa cutiw nayarojj jawk'jista —sasa.

Números 22:33

Asnosti nayarojj uñjituwa, ucatwa quimsa cuti thaquitjja saranucojja. Janitejj uqham maysaru saranuccasapäna ucqhajj, nayasti niyaw jumarojj jiwayiriscasamäna, ucampisa asnorojj janiw jiwayquiriscäyätti.

Números 22:35

Ucampisa Tatitun angelapajj sänwa: —Sarascaquim uca jakenacampi chica, ucampis cuntejj nayajj siscäma ucac parlaraquïta —sasa. Balaamasti Balac reyin qhitanit jilïrinacamp chicaw saräna.

Hechos 13:10

Ucatsti saraquïnwa: —¡Take sallkjañampi, jan walimpi, phokhantat supayan wawapa, cheka cancañ uñisiriraqui! ¿Cunats jumajj Tatitun suma cheka thaquip k'ewinucuñ munta?

Deuteronomio 23:4

Cunapachatejj jumanacajj jupanacan orakepanjama pasanipcäyäta ucapachajj Egipto marcat mistunisinjja, janiw cuna mank'añsa, umañsa wajjt'apcäyätamti; ucat sipansa jupanacajj Balaam sat Beor chachan yokaparuw pagapjjäna, cawquïritejj jutascäna Petor sat Mesopotamia oraketa, jumanacar ñankha arunacampi ñankhachañataqui.

Deuteronomio 25:4

“Trigo tacsuri vacarojj janiw ñucu uscupjjätati.