Números 19:19

Aymar Bibliia 1986

K'omachat jakewa ch'allaquipani k'añuchat jakerojja, quimsïri uruna jan ucajj pakallköri urunsa. Pakallko ururusti juchanacapatjja k'omachatäjjapjjaniwa. Ucatsti k'añu jakejj isipa t'ajjsusiñapa, jarekasiñaparaquiwa, ucampisa k'añüsquiwa, janïraw jayp'ucamajj k'omachatäquiti.

Jak'a apnaqawi uñst'ayäwi

Génesis 2:2

Pakallkör urusti Diosajj take luräwinacapwa tucuyäna, ucatsti samaränwa.

Éxodo 19:10

Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.

Ezequiel 36:25

K'oma umampiw jarekjjapjjaraquïma, take k'añunacamatsa k'omachjjapjjaraquïmawa.

Levítico 14:7

Ucatsti cawquïri jaketejj uca lepra usut k'omachatäcani ucarusti pakallko cutiw uca wila umampi ch'allt'araquini, ucat k'omat khanañchjjaraquini. Jacasquiri jamach'irusti antutnucjjaraquiniwa.

Levítico 14:9

Pakallko urunaca phokhasjjepansti k'alwa ñic'utapjja mururasjjaraquini, uqhamaraqui sunqhanacapsa, nayra phichhunacapsa, janchipan utjqui uca t'awranacsa k'alwa qhitsusiraquini, uqhamarac isinacapsa t'ajjsurasjjaraquini, jupa quipcasa jarekasjjaraquini, ucapachaw k'omachata uñjasjjaraquini.

Números 19:12

Ucat quimsa ururu, jan ucqhajj pakallko ururusa k'omachasiñ umampiw k'omachasiñapa, ucatsti k'omachataw uñjasjjani. Janitejj k'omachascani quimsïri ururu jan ucajj pakallko ururusa, ucqhajj janiw k'omachat uñjascaniti.

Números 19:13

Cawquïritejj mä jiwat jaken janchipa llamct'cani, janiraqui k'omachascaniti, ucasti Tatitun kollan utapwa k'añuchi, ucapachasti jakonucutäñapaw Israel marcatjja, jan k'omachasir umampi ch'allt'atätapata, uqhamarac k'añuchata jicjjatasitap laycu.

Números 19:18

Ucatsti mä k'omachat jakew mä hisopo rama aptasinjja umaru juricht'ani, ucampiw carparu ch'allaquipani, vasijanacaru uqhamarac cawquïri jakenacatejj ucan jicjjatasipqui ucanacaru, uca quipcaraqui cawquïritejj ch'aqhanacsa, jiwayat jaken janchinacapsa, jupa quipca jiwcatayna ucan janchipsa, sepulturanacsa llamct'catayna ucarusa.

Números 31:19

Cawquïritejj jake masipar jiwaychi, uqhamarac jiwat jaken janchipsa llamct'aracchi, ucanacajj campamentot ankäjjan pakallko uru kheparapjjpan. Jumanacasa prisionero catut jakenacasa, quimsïri, uqhamarac pakallköri urunacaw k'omachasipjjäta.

Números 31:24

Pakallko urusti isinacam t'ajjsusipjjäta, ucatsti k'omachatäjjapjjätawa. Ucat campamentorojj mantjjapjjaraquïtawa.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Hebreos 10:22

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.

1 Juan 1:7

Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.

Judas 1:23

Mayninacarojj khespiyapjjam ninat waysusa; mayninacatjja qhuyapayasipjjaraquim, ucampis amuyasisa uqhamarac ajjsart'asa, jan wali luräwinacapata k'añuchat isinacapatsa.