Números 16:41

Aymar Bibliia 1986

Khepärmanthisti take Israel marcpachaw Moisés contra, uqhamarac Aarón contra maynit maynicam parlañ kalltapjjäna aqham sasa: —Jumanacajj Tatitu Diosan marcaparuw jiwayasipctajja —sasa.

Jak'a apnaqawi uñst'ayäwi

1 Reyes 18:17

Uñjasinsti juparojj sänwa: —Uqhamajj, ¿jumätati Israel marcaru ch'ajjwayirejja? —sasa.

Salmos 106:13

Ucampis mäquiw Diosan luräwinacap armasipjjäna, janiw amtäwinacap uñt'añatac suyapcänti.

Salmos 106:23

Diosajj jupanacar tucjañ munäna; jupan ajllit Moisesasti, nayrakatapan achict'äna, ucat k'apisiñap t'acurayäna.

Isaías 26:11

Tatay, jupanacataquejj mutuyäwimajj waquichatawa, ucampis jupanacajj janiw amuyasiñ munapquiti; cunapachatejj juman marcamar wali munasitam uñjapjjan ucqhajj, mä p'enkaw jupanacajj uñjasipjjani. ¡Añchaquiti juman colerasiñamajj jupanacaru tucjcani!

Jeremías 38:4

Ucatsti jilïrinacajj reyirojj sapjjaraquïnwa: “Aca jakerojj jiwayañawa, uqham parlatapampejja cawquïri soldadonacatejj marcar kheparapqui, cawquïri jakenacatejj aca marcancapqui ucanacaruw ch'ama thayjtayi. Aca jakejj janiw aca marcan asquipa munquiti jan ucasti aca marcan aynacht'añapwa thake” sasa.

Jeremías 43:3

Nerías jaken Baruc yokapaquiw jumarojj uqham nanac toke parlañamataqui amtaytamjja, uqhamat nanacajj caldeonacan amparanacaparu jalt'apjjañanacajjataqui uqhamaraqui uca Babilonia jaya marcaru apanucutäpjjañajjataqui, jan ucajj jiwarapjjañanacajjataquisa” sasa.

Amós 7:10

Betel marcan Amasías sacerdotepajja, Israel marcan Jeroboam reyipar yatiyiriw qhiti: “Amós chachajj Israel jakenac taypinwa sarnake juma contra amtayasa. Marcasti janiw juc'amp uqham parlaycaquispati.

Números 14:2

Take jupanacaw Moisés, uqhamarac Aarón toke jan wali arunac parlapjjäna, aqham sasa: “Egiptonsa jiwarascasäna jan ucajj aca wasaransa.

Mateo 5:11

“Cusisipjjam cunapachatejj jakenacajj take jan wali arunacampi, uqhamarac janchiru chhojjriñchañanacampi uñisipjjätam, sapjjaraquïtam take jan walinaca nayar arcapjjatam laycu ucqhajja.

Hechos 21:28

Jach'ataracwa arnakasipjje: —¡Israelanquir chachanaca, yanapt'apjjeta! Aca jakepï take chekan marcas contra, Moisesan leyinacap contra, aca templo contraraqui jan walinac yatichas sarnakejja. Jichhasti jan judío jakenacaruw irpantaniraqui aca temploru, uqhamat Diosan utap k'añuchayasa —sasa.

Hechos 5:28

—Nanacasti jumanacarojj sapjjäyäsmawa: Janipuniw cunäquipansa uca Jesusjjat yatichapjjätati, sasa. Jichhasti, ¿cunrac lurapjjtasti? Jumanacajj yatichäwinacamampejj Jerusalén marcpacharuw phokt'ayapjjtajja. Ucatsti nanacaruquiw uca jaken jiwatapatjja juchañchañ munapjjestajja —sasa.

1 Corintios 10:10

Janiraqui jumanacajj jupanacjam Dios contrajj parlapjjamti. Uqham lurapjjatapatsti jupanacarojj jiwayir angelaw jiwarayäna.

2 Corintios 6:8

Horasajj jach'ar aptatäpjjtwa, horasasti jisc'achatäpjjaractwa. Horasajj jan walinac nanacjjat parlapjje, horasasti walinacraqui; horasajj c'ari jakenacarjamaw uñjapjjetu, ucampis chekwa parlapjjta.

Judas 1:16

Ucanacajj quejasiri uqhamarac c'umirinacäpjjewa jupanacan quicpa amtäwinacap phokhañac thakapjje. Jach'a jach'a tucusaw parlapjje, ucasti jakenacatjja sum parlapjje, uqhamat jupanacataqui asqui apsuñataqui.