Números 14:6

Aymar Bibliia 1986

Nun chachan Josué yokapampi, uqhamarac Jefone chachan Caleb yokapampejj cawquïrinacatejj orake uñjir sarapcatayna ucanacajj isinacapwa ch'iyanokasipjjäna,

Jak'a apnaqawi uñst'ayäwi

Génesis 37:29

Rubenajj phuch'ur cuttanjjän ucqhasti janiw Josearojj ucan jicjjatcjjänti, ucat isipa ch'iyanokasïna llaquisitap uñacht'ayañataqui.

Génesis 37:34

Ucatsti Jacobojj isipa ch'iyanokasisajja, lutt'asïnwa; jaya tiemporaquiw wawapatjja jachäna.

Génesis 44:13

Ucatsti jupanacajj isinacapwa ch'iyarasipjjäna, llaquinacap uñacht'ayañataqui. Ucatsti sapa mayniw carganacapjja asnopar qhumjjatasin marcar cuttanipjjäna.

2 Samuel 3:31

Ucatsti Davidajj Joab jakempiru uqhamaraqui qhitinacatejj jupampi chekäpcäna ucanacarusti saraquïnwa: “Jichhajj isinacam ch'iyarasipjjam, ucatsti chhanqha isinacampi isthapisipjjaraquim, Abneran jiwatapatsti lutt'asipjjaraquim” sasa. David reyisti, Abnerar imañataqui callasipcäna uca khepäjjwa sararaquïna.

2 Reyes 18:37

Ucatsti wali llact'atawa isinacapa ch'iyanokasipjjäna palacionquir Eliaquim mayordomo, kellkeri Sebna, uqhamarac reyin Joa secretariopasa, ucatsti Ezequiasan ucaruw yatiyiri sarapjjäna, cuntï uca jach'a jilïr Asirianquiri oficialajj siscäna ucanaca.

Job 1:20

Ucatsti Job chachajja sartasinjja wali llaquin phokt'ataw isinacapa ch'iyanokasïna, ñic'utapsa mururasisaw quillt'asisa yupaycharaquïna.

Números 13:30

Ucapachasti Caleb chachajj Moisesan nayräjjapanccäna uca jakenacarojj amuct'ayänwa aqham sasa: —Sarapjjañäni uca orake catuntañataqui, jiwasasti catuntañäniwa.

Números 13:6

Judá tributjja, Caleb sat Jefone chachan wawapa.

Números 13:8

Efraín tributjja, Oseas sat Nun chachan wawapa.

Números 14:24

Caleb sat sirvirejj sapaquiw yakha suma amtäwinejja, jupaquiw chekpachan ist'itänjja, ucatwa jupajj mantanejja cawquïri oraktejj uñjir sarqui ucarojja, ucatsti wawanacaparaquiw ucanjja utjasipjjani.

Números 14:30

Caleb chachampi Josueyampicwa jilt'ayäjja. Janiw cawquïrisa jumanacatjja mantcaniti, cawquïri oraktejj arojjampi arscta churañataqui ucarojja.

Números 14:38

Take ucanacat sipansa Josueyampi, Caleb chachampiquiw kheparjjapjjäna.

Números 14:5

Moisesampi, Aaronampejj oraker puriñcamaw ajanunacap alt'apjjäna, take marcan nayräjjapana, cunja usuchjatas chuymapan uñjasipjjän uc uñacht'ayañataqui.

Números 14:7

take israelitanacarojj aqham sapjjaraquïnwa: —¡Cawquïri oraktejj uñjiri sarapcta ucajj wali sumawa!

Mateo 26:65

Sacerdotenacan jilïripasti mayjt'asiñatjja isip ch'iyanokasïna, saraquïnwa: —Aca jakejj Diosaruw jisc'achi uca arsutapampejja. ¿Cunat juc'amps jupat yakha testigonacajj khanañchaspa? Jumanacajj ist'apjjtawa uca ñankha arunacjja.

Marcos 14:63

Uc ist'asinsti jilïr sacerdotejj isip ch'iyanokasisinjja sänwa: —¿Cunat juc'amp testigonacsa muntanjja?

Hechos 14:14

Bernabeampi Pablompisti, jakenacan uqham lurañ amtatap amuyasinjja, isinacap ch'iyanokasiñ kalltapjjäna. Jupanac taypir jalantasinsti jach'at arsusinwa sapjjaraquïna:

Josué 14:6

Ucapachasti Judá tribun wawanacapaw Gilgal campamentoru sarapjjäna, Josué chachampi parliri, ucatsti Jefone chachan wawapa cenezeo Caleb chachajj jutasinjja Josué chacharojj aqham sänwa: “Jichhasti jumajj amtasimay cuntejj Dios Tatitojj Moisesaru sawayqui nayampita jumampita, Cades-barnea chekana ucanacjja.

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Jueces 11:35

Jefté chachasti phuchapa jutir uñjasinjja llaquisiñatjja isipa ch'iyanokasisajj sänwa: —¡Ay, imill wawajja, wali llacthapisiyista! ¡Jumapunïtatisti nayan jan waliru puriñajjataquisti! ¡Nayasti mä arsüwi Diosarojj lurta, jichhasti phokhañajjaw waquisi! —sasa.