Números 14:19

Aymar Bibliia 1986

Juman munasiñamasti sinti jach'awa, perdonamay aca marcan juchanacapjja, niyaquejjay jupanacat qhuyapayasstajja, Egiptotpacha aca chekcama.

Jak'a apnaqawi uñst'ayäwi

1 Reyes 8:34

jumajj alajjpachatpacha ist'anim, juchanacapatsa perdonaraquim, ucatsti orakeparuraqui cutt'ayjjam nayra awquinacaparu churctas ucaru.

Salmos 106:45

jupanacamp arusjäwi luratat amtasïna, jach'a qhuyapayasiñampiw ch'alljjtayasïna:

Salmos 78:38

Diosasti jupanacat qhuyapayasïnwa, ñankha luratanacap pampachäna, janiw jupanacarojj tucjcänti: walja cutiw k'apisiñap t'acurayasïna, janiw tipusiñapamp atipjayascänti;

Salmos 85:2

marcaman ñankha luratanacap pampachtawa, takpach juchanacapajj p'amp'antatawa,

Éxodo 32:32

Ucampis nayajj achict'asmawa perdonamay juchanacapjja, jan perdonañ muncsta ucajja, ¡sutejja apsjjam cawquïr librorutejj kellktajja ucata! —sasa.

Éxodo 33:17

Ucatsti Tatitojj sascaquïnwa: —Cuntejj jumajj siscta uqhamarojj luräwa, nayansti jumaruw confiansajjajja utjitu, ucatwa nayana yanapajja jicjjattajja —sasa.

Éxodo 34:9

—¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Isaías 55:7

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Daniel (hebreo) 9:19

¡Tatay, Tatay! ¡Ist'apjjeta, perdonapjjaraquita! ¡Ist'apjjet, Tatay, ucatsti yanapt'apjjaraquita! Juman jach'a sutim laycu, Dios Tata, marcam laycu, jakenacam laycu, qhitinacatejj sutimsa jach'achapctjja, ucanacaru janc'aqui jutam.”

Amós 7:2

Cunapachatï t'ijut'ijunacajj tucuya koramppacha mank'antjjäna ucapachajj sistwa: “¡Dios Tatitu perdonapjjeta! ¿Cunjämaraqui Jacob marcamasti take acanacampi mutuspasti? Jupajj wali jisc'aquïchejjaya” sasa.

Amós 7:5

Ucatsti mayiractwa: “Ucqhacamaqui Tatay. ¿Cunjämaraqui Jacob marcamasti take acanacampi mutuspasti? Jupajj jisc'aquïchejjaya” sasa.

Jonás 3:10

Diosasti uñjänwa Nínive marcanquir jakenacarojj uqham lurasquiri, jan wali sarnakäwinacapsa apanucusquiri, uqham uñjasinwa Diosajj jupanacat qhuyapt'ayasjjäna, janiraquiw cuna castigotejj jutañapäcana ucsa apayancjjänti.

Jonás 4:2

Ucatsti, oracionapanjja Tatitumpiw parläna aqham sasa: —Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Habacuc 3:2

“Cuntejj jumat ist'tjja, take luräwinacamata, ucasti wali muspharañaraquiw nayataquejja. Jichhasti luraraquimay jacäwinacajjana, cunj jach'a luräwinactejj qhä urunacan lurcäyätajja, uqhamat nanacajj uñt'apjjañajjataquiraqui. Jichhasti qhuyapt'ayasiñama uñacht'ayapjjeta, colerasiñaman jicjjatascasasa.

Números 23:21

Janiw qhitis uñjquiti cuna jan walinacsa, ñankhanacsa Jacobon Israel marcapanjja. Dios Tatituw jupanacampi chicäsqui. Jupanacasti reyirjamaraquiw unt'asipjje.

Santiago 5:15

Cunapachatejj jupanacajj iyawsañampi orapjjanejja, uca usutajj khespitäjjaniwa. Tatitusti juparojj sartayjjaraquiniwa, juchanïchi ucqhasti perdonataraquïniwa.