Números 14:11

Aymar Bibliia 1986

Ucatsti Tatitojj Moisesarojj sänwa: —¿Cunapachcamas aca marcajj jisc'achascaquitani? ¿Cunapachcamas nayatjja pächasisipcaquini, jupanac taypina milagronac lurcta ucqhasa?

Jak'a apnaqawi uñst'ayäwi

Salmos 106:24

Uca khepatsti muncay orakeruw jisc'achapjjäna, janiw Tatitun arupar iyawsapcänti;

Salmos 78:22

janiw jupanacajj Diosar take chuymamp alcatapcänti, janiraquiw yanapaparus iyawsapcänti.

Salmos 78:32

Ucanac uñjcasasa, juch lurasipcaquïnwa; janiw Diosan muspharcañ luratanacaparojj iyawsapcänti.

Salmos 95:8

“Meriba orakenjam chuymanacam jan kalarayasipjjamti, Masah wasaranjam chuymanacam jan ch'ollkheptayapjjamti:

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: “¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Éxodo 16:28

Tatitusti Moisesarojj sascaquïnwa: —¿Cunapachcamasa, camachi arunacajjaru, ni yatichäwinacajjarus jan ist'apquitäta?

Éxodo 23:21

Jupatsti, jumajj janiw sarakätati, juparuraqui jaysam, jan jupataquejj sayt'asimti, jupasti nayan sutejjaruwa take cunsa luri, uca laycusti jumanacarojj juchanacamatjja janiw perdonapcätamti.

Éxodo 32:9

Tatitojj Moisesarojj sascaquïnwa: —Nayasti aca jakenacar uñjasinjja amuytwa, chekpachapuni jupanacajj jan suma amuyt'asirïpjjatapa.

Proverbios 1:22

“Jan yatiñani, sawcasiri, pisi amuyt'an jakenaca, ¿cunapachcamaraqui pisi amuyt'añan sarnakapjjäta, sawcasiñanacamana cusisisa, yatiñarusa jisc'achasasti?

Jeremías 13:10

Aca ñankha marcajj nayan arunacajjarojj janiw ist'añ munquiti, ucatsti jan cuna amuyasisaw chuymapan jan wali amtatanacaparojj arqui. Yakha diosanacan khepapa arcjjapjje, sirviñataqui, uqhamaraqui yupaychañataqui. Uca jan cunatac sirviri cinturonjamäpjjewa.

Jeremías 4:14

Jerusalén, ñankhanacatjja chuymam k'omachasim, uqhamatwa jumajj khespita uñjasïta. ¿Cunapachcamas p'ekemanjja amtäta jan wali amtañanacjja?

Ezequiel 20:13

Ucampisa jupanacajj wasara tokenjja naya tokew sayt'asjjapjji, leyinacajjarusti janiraquiw jaysapquisa; cuna camachi arunactejj nayajj jupanacaru churcäyät ucanacsa apanucupjjaraquiwa, jupanacasti uca camachi arunacar phokhasajj jacañwa catokapjjasapänjja, uqhamaraqui samaraña urojjsa k'alwa taquisipjjaraqui. Ucatwa nayajj jupanacjjaru colerajj wartaniñ munayäta, pachpa wasaran jupanacar tucjañataqui.

Oseas 8:5

¡Samaria, jumajj vaca kalluru yupaychcta ucajj ajjtasiyituwa! Colerasiñajjasti jupa contraraquiw sarti. ¿Cunapacharac israelitanacasti k'oma uñjasjjapjjpachäni?

Zacarías 8:14

Aqham siwa take ch'amani Tatitojja: “Nayajj amtäyätwa jumanacan nayra awquinacamarojj mutuyaña cunapachatejj colerayapjjetäna ucqha, amtäwejjasti amtatapunïnwa.

Números 14:23

jichhasti janiw qhitisa jupanacatjja uñjcaniti, cawquïri oraktejj arojjampi arsusin awquinacapar churä siscta ucarojja. Janiraquiw cawquïrinacatejj jisc'achapquitu ucanacas uñjapcaniti.

Números 14:27

—¿Cunapachcamas isch'uquëjja aca khoru israelitanacan parlatanacapjja? Niyaw istt'a nayjjat jan wali parlatanacapjja.

Números 32:10

Ucatwa Tatitojj uca urojj colerasïna, ucatsti mä juramento luräna,

Mateo 17:17

Jesusasti saraquïnwa: —¡Pächasir jakenaca, jan wali amtaninacaraqui! ¿Cunapachcamarac jumanacampïscäjja? ¿Cunapachcamarac jumanacasti ch'am tucuyapjjetäta? Acawjaru uca waynaru irpanipjjam —sasa.

Marcos 9:19

Jesusasti jupanacarojj sänwa: —¡Ay, jan iyawsañan jakenaca! ¿Cunapachcamas jumanacampiquïscäjja? ¿Cunapachcamarac jumanacasti ch'am tucuyapjjetäta? Irptanipjjam uca waynaru—sasa.

Juan 10:38

Ucampis lurstjja ucajja, janis nayarojj iyawsapquita, luräwinacajjarojj iyawsapjjam, Awquejj nayancatapa yatipjjañamataqui, nayasti Awquincatajjaraqui —sasa.

Juan 12:37

Jesusajj walja milagronaca jupanac nayrakatana lurcchïna ucasa, janiw judionacajj juparojj iyawsapcänti.

Juan 15:24

Janitejj nayajj jupanac taypin jan qhitis lurqui ucanac lurquiriscäyäta ucajja, janiw cuna juchanïpcasapänsa. Ucampis jichhajj uñj-jjapjjewa, uqhampachasa nayarojj uñisisipcaquituwa, Awquejjarus uqhamaraqui.

Deuteronomio 1:32

Ucampis jumanacajj janiw Diosarojj take chuymampi iyawsapcäyätati,

Hebreos 3:16

¿Qhitinacaraquïnsti Diosan arup ist'asina juchachasirinacasti? Take qhitinacarutejj Moisesajj Egipto oraket apsuncatayna ucanacäpjjänwa.

Hebreos 3:18

¿Qhitinacaruraquis Diosajj juramentompejj arsuraquïnjja: “Janiw mantapcätati nayamp chic samarirejj” sasajja? Qhitinacatejj jan ist'apcäna ucanacaruwa.

Hebreos 3:8

jan kala chuymäpjjamti qhaya Dios contra tucurinacjama. Jupanacasti wasaran Diosar colerayapjjäna.