Números 13:33

Aymar Bibliia 1986

Uqhamaraquiw uñjapjjta wali jach'a tansa jakenaca, Anac chachan wawanacapa, jupanac thiyansti nanacajj t'ijut'ijunacjamaquiw uñjasipjjta, uqhamaracwa jupanacas uñjapjjaraquitu —sasa.

Jak'a apnaqawi uñst'ayäwi

Génesis 6:4

Cunapachatejj Diosan wawanacapajj jakenacan phuchanacapampi wawanïñataqui mayachasjjapjjän ucqhajj wali jach'a jakenacaw orakenjja uñstäna, uca khepatsa uqhamaraqui, jupanacasti wali ch'amani jakenacänwa nuwasiñataquejja, wali aytata jakenacänwa uca nayra tiemponjja.

1 Crónicas 11:23

Uqhamaraquiw jach'a tansa egipcio jakeru jiwayäna, uca jakesti niya pä metro chicatanïnwa, uqhamarac lanzapasa jach'araquïna mä telaran lawapjama. Ucampis Benaía chachajj mä lawampiquiw nuwasïnjja, amparapata lanzapa aparasinjja pachpa lanzapampiwa jiwayäna.

Isaías 40:22

Diosan utjäwipajj cunatejj aca orakerojj imjjatqui ucanquiwa, jakenacarusti t'ijut'ijunacäcaspas uqhamwa uñjaraqui. Jupasti alajjpachjja mä carpäcaspas uqhamwa janatati, mä guerran nuwasiñ carpäcaspas uqhamwa janatati.

Números 13:22

Néguev sat chekanjam mantasinjja Hebrón sat chekacamaw puripjjäna. Ucanwa jacapjjäna Ahimán, Sesai, Talmai, Anac chachanacan wawanacapajja. Hebronasti luratänwa pakallko mara nayräjja Egiptonquir Zoán marcat sipansa.

Números 13:28

ucampisa ucan jaquir jakenacajj wali ch'amanïpjjewa, marcanacapasa wali jach'anacawa sumawjana sayt'atäpjjaraquiwa. Ucat sipansa uñjanipjjaractwa Anac sat jach'a jaken wawanacapa.

Números 14:1

Ucatjja israelitanacajj warariñwa kalltapjjäna, uca arumasa jacht'asisaw khantatipjjäna.

Deuteronomio 1:28

Jichhasti ¿cawqharurac sarañäni? Jiwasan jilanacasasti sapjjewa wali ch'amani jach'a tansa jakenac utjatapa, uqhamaraqui jach'a perkanacani marcanaca utjatapa, Anac jaken yokanacapas ucancatapa. Take ucanacaw jiwasarojj wal ajjsarayapjjestu’ sasa.

Deuteronomio 2:10

(Aca orakesti nayrajj emitas sat jakenacan jacäwipänwa, jupanacasti jach'a tansa jakenacänwa, waljanïpjjaraquïnwa anaquitas sat jakenacjama.

Deuteronomio 3:11

(Og sat reyiquiraquiw refaítas sat jach'a tansa jakenacatjja kheparjjäna. Iquiñapasti hierrot luratänwa; largorojj pusi metro anchorusti pä metroraqui, cunjämatï ucajj jichhacama amonitanacan Rabá sat marcapancasqui.)

Deuteronomio 9:2

uca marcanacan jakenacapasti jach'a tansa jakenacawa, anaquitas sat jakenacjama, jumanacasti yatipjjaractaw aca säwi: ‘¿Qhitis uca anaquita sat jakenacampi nuwasispa?’ sasa.

Josué 11:21

Uca urunacanjja Josué chachajj t'unjaraquïnwa anaquitas sat jakenacaru, Hebrón sat kollunacan jaquirinacaru, Debir, Anab orakenacan jaquirinacaru, take Judá kollun jaquirinaca, Israel kollunacan jaquirinacaru, uqhamarac marcanacaparusa.

Josué 14:12

Ucatwa jichhajj maysma jumaru uca kollu nayar churañamataqui, cunjämtï Diosajj nayaru arupampi arsuwayquitäna uqhamarjama. Jumasti yatiractaw anaquita jach'a jakenaca uca urunacatpacha uca ckekanacan jacapjjatapa, uqhamaraqui marcanacapas wali suma chekan luratätapa, ucampis nayajj Diosaruquiw mayï yanapt'añapataqui uca jakenacar ucawjanacata jakonucuñajjataqui, cunjämtï jupajj sisqui uqhama” sasa.

Josué 15:14

Caleb chachajj uca chekatjja uca Anac chachan quimsa wawanacaparuw jakonucüna, ucanacasti Sesai, Ahimán, Talmai satäpjjaraquïnwa.

1 Samuel 17:24

Israelitanacasti uca chacha uñjasajja wali ajjsarapjjäna, jupan nayräjjapatsti imantasjjapjjaraquïnwa,

1 Samuel 17:42

Filisteo chachasti Davidar uñjasinjja, uñcatänwa sinti wawäscatapa, suma wila ajanuni, suma uñnakt'aniraqui, janiw yäkcänti,