Números 11:29

Aymar Bibliia 1986

Ucampisa Moisesajj sänwa: —¿Cunatsa jumajj naya sapan parlañajjaqui muntajja? Tatitojj inas takpach marcaru ajayup churaraquispa, ucatsti takeniw profetanacäpjjaspajja —sasa.

Jak'a apnaqawi uñst'ayäwi

Joel 2:27

jumanacasti, israelit jakenaca, ucqhaw yatipjjäta, naya Tatitojj jumanacampïscatajja, nayaquiraquïtwa Diosamajja, janiraquiw yakhajj utjquiti. ¡Marcajjasti janipuniw mayampisa p'enkachat uñjascjjaniti!

Joel 3:1

Tatitojj siwa: “Cunapachatejj uca urojj purincani ucqhajja Judämpiru, Jerusalén marcampirojj cuttayanjjäwa.

Números 11:30

Ucapachasti Moisesajj Israelan jilïrinacapampejj campamentoruw cuttjjapjjäna.

Lucas 10:2

Saraquïnwa: “Khanpachanjja, yapu apthapiñajj waljawa, ucampis apthapirinacajj juc'aquiwa. Uca laycu yapunir mayipjjam yapu apthapir irnakerinac qhitaniñapataqui.

Hechos 26:29

Ucjjarusti Pablojj saraquïnwa: —Mä juc'atsa jan ucajj waljatsa, Diosajj munpan juman nayjama tucuñama uqhamarac qhitinacatejj jichhajj ist'apquit ucanacasa. Ucatsipan jan nayjamajj cadenamp ñach'atäcaracpati —sasa.

1 Corintios 13:4

Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti.

1 Corintios 14:5

Nayajj muniristwa jumanacajj sapa maynis jan uñt'at arunac parlirïpjjañama, ucat sipan juc'ampjja muniristwa jumanacajj Diosat catokata arunaca mayninacaru parlapjjañama, uqham parlañaw asquejja jan uñt'at arunac parlañat sipansa. Jan ucajj jan uñt'at arunac parlirinacajj khanañchapjjañapawa parlatanacapa, uqhamata iglesianquirinacajj ajayu tokenjja jiltapjjañapataqui.

1 Corintios 3:21

Ucatpï jan qhitis jach'a jach'a tucuñapäquitejja mä jaker arcatapatjja, take cunas jumanacancasquiwa.

1 Corintios 3:3

Jumanacajj janchin munañanacaparuquiw sarnakasipcta, ucatwa jumanac taypin envidiasiñanacasa, ch'ajjwañanacasa, jaljtañanacasa utjasqui. Ucanac lurasajj alek jakenacaquïsipctawa, mayninacar uñtataraquiw cunsa lurasipctajja.

Filipenses 2:3

Jan cunsa lurapjjamti purapat ch'ajjwasajja, ni jach'a jach'a tucuñ munasasa, jan ucasti alt'at chuymampi lurapjjam, maynit mayniru uñjasipjjam, maynejj jupat juc'amp sumäcaspas uqhama.

Santiago 4:5

Ucatpï Diosan arupajj sejja: “Cuna ajaytï Diosajj jiwasan jacayqui ucajj wali munistu” sasa.

Santiago 5:9

Jilatanaca, janirac jumanaccamajja jan walinacsa parlasipjjamti, Tatitun jan juchañchatäscañataqui. Diosasti, qhititejj taripcani ucajj jac'ancjjewa.

1 Pedro 2:1

Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.

1 Samuel 10:6

Ucapachaw Tatitun ajayupajj jumjjaru jutani, jupanacampi chicaw profecía arunac parlaraquïtajja, ucatsti yakha jakeruw tucuraquïtajja.