Números 11:22

Aymar Bibliia 1986

¿Cawqhansa utjaspa walja ovejanaca, vacanacasa jiwayañataqui, uqhamat takeniru mank'ayañataquejja? Janiw take kotanquir chawllanac churasas takenir mank'aycsnati —sasa.

Jak'a apnaqawi uñst'ayäwi

2 Reyes 7:2

Reyin yanapiripasti profetarojj sänwa: —Tatitojj alajjpachata jist'arancaspa ucasa, janiw lurascaspati cuntï jumajj siscta ucajja —sasa. Ucampis Eliseojj sascaquïnwa: —Juma pachpawa ucjja uñjätajja, ucampis janiw ucjja mank'cätati —sasa.

Números 11:13

¿Cawqhatsa nayajj aycha apsü take aca jakenacar mank'ayañataquejja? Jacht'asisaw nayar jutapjjetu: “Aycha churapjjet mank'añataqui” sasa.

Números 11:21

Ucatsti Moisesajj sänwa: —Aca jakenacasti nayampi chica jutirinacäqui ucanacajj sojjta patac waranka jakenacawa, ucat jumajj sapjjesta: “Aycha churapjjäm mank'añataqui” sasa.

Números 11:23

Ucampis Tatitojj sänwa: —¿Amuytati nayajj janis ch'amanïquirista uqhama? Jichhaw uñjäta phokhasiniti janich phokhasini arsutanacajjajj ucjja.

Mateo 15:33

Discipulonacapasti ucapachajj juparojj sapjjänwa: —¿Cunjämaraqui takpacha jaketaquisti mank'a jicjjatsnasti? Acawjanjja janiw qhitis jacquiti —sasa.

Marcos 6:37

Jesusasti jupanacarojj sänwa: —Jumanacay mank'añjj churapjjamjja —sasa. Discipulonacapasti ucjjarojj sapjjänwa: —¿Nanacati pä patac denario kollkempi t'ant'a alanipjjerista mank'ayañataquejja? —sasa.

Marcos 8:4

Discipulonacapasti Jesusarojj sapjjänwa: —¿Cunjämarac mank'añsti aca wasaran jupanacar chursnasti? —sasa.

Lucas 1:18

Zacariasasti angelarojj jisct'änwa: —¿Cunjämats uqham phokhasiñap yatiristjja? Nayajj niya chuymanëjjtwa, warmejjas chuymanëjjaraquiwa —sasa.

Lucas 1:34

Ucat Mariajj angelar jisct'äna: —Janïrajjay nayajj chachanïcstejja. ¿Cunjämatarac acasti uqham lurasispasti? —sasa.

Juan 6:9

—Acan mä wawaw utji, pheska cebad t'ant'ani pä chawllaniraqui; ucasti, ¿cunataquiraquïspa acqha jaketaquisti? —sasa.