Números 11:12

Aymar Bibliia 1986

¿Nayasti jupanacanjja awquipätti, taycapätcha juman mayiñamataqui, ñuñur wawanacäpcaspas uqhama, nayan amparajjar apañajjataqui, cawquïri oraktejj nayra awquinacajjaru “churämaw” siscäyäta ucacama?

Jak'a apnaqawi uñst'ayäwi

Génesis 13:15

nayaw take uñjctas uca orake jumar churäma, wiñayataquiw jumancani, uqhamarac wawanacamancaraquinisa.

Génesis 24:7

Alajjpachanquir Dios Tatituwa, cawquïritejj nayar awquejjan utapata, uqhamarac familianacajjan ucat irpsunquitu, ucatsti aca orake nayaru, uqhamaraqui wawanacajjampiru churañatac arsquitu, ucaw juma nayräjjar angelap qhitanini, ucat mä warmi wawajjatac irpaniñamataqui.

Génesis 26:3

jichhasti aca marcan jacascaquim. Nayaw jumampïscä, bendiciraquïmawa, uqhamarus jumaru, wawanacamampiruw take aca orakenac churä. Uqhamwa cuntejj Abraham awquimar arscayät uca arsutajjarojj phokhäjja.

Génesis 50:24

Mä urusti Joseajj jilanacaparojj sänwa: “Nayan jiwañajjajj jac'ancjjewa, ucampis Diosaw jumanacar yanapir jutani, ucatsti aca marcatjja apsuwayjjapjjaraquïtamwa, cawquïri oraktejj Abrahamaru, Isaacaru, Jacoboru, churañataqui arscäna ucaru” sasa.

2 Reyes 10:1

Acab reyejj Samaria marcanjja pakallk tunca yokanacanïnwa; ucatsti Jehú reyejj cartana kellkasinwa apayäna uca marcan jilïrinacaru, chuyman awquinacaru, Acab reyin wawanacapar uywir chachanacaru, aqham sasa:

2 Reyes 10:5

Ucatsti palacionquiri mayordomosa, uca marcan gobernadorapasa, chuyman awquinacasa, uqhamarac Acab reyin wawanacap uñjiri chachanacasa qhitapjjänwa Jehú reyir saniñapataqui; aqham sasa: “Nanacajj juman amparamancapjjtwa, ucatsti cuntejj sapquitäta ucwa lurapjjäjja, ucampis janiw qhitirus reyit utt'ayapcäti. Jumajj lurascaquim cunjämay jumataqui asquïchi uqhamaru” sasa.

Éxodo 13:11

“Cunapachatejj Tatitojj cananeonacan orakepar puriyasina uca orake jumar churcätam cunjämtejj awquinacamar arscäna uqhamarjama ucqhasti,

Éxodo 13:5

Cunapachatejj Tatitojj puriyapcätam cananeonacana, hititanacana, amorreonacana, heveonacana, jebuseonacan orakenacaparu; cawquïr oraktejj awquinacamaru churañataqui arscäna, cawqhantejj leches misq'is umjam jalasqui uca orakeru purisajja aca phajjsina fiesta lurañjja amtasipjjapunïtawa.

Éxodo 33:1

Tatitusti Moisesarojj sänwa: —Sarjjapjjam acqhata juma, uqhamarac Egiptot irpsuncta uca jakenacampi, cawqha oraktejj wawanacamaruw churäjja sas Abrahamaru, Isaacaru, Jacoboru arscta uca orakeru.

Éxodo 6:8

Uqhamaraquiw irpapjjäma cawqha oraktejj Abrahamaru, Isaacaru, Jacoboru churañatac arscäyäta ucaru. Ucatsti naya Tatituwa uca orakjja jumanacarojj dueño orakenacamataqui churapjjäma” sasa.

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Isaías 49:15

Ucampis: “¿Mä taycajj wawanacaparojj armasiti, munasiñaps janiraquich churqui? Inas uca taycajj armaschispa, ucampis nayajj janipuniw armascäti.

Isaías 49:23

Reyinacaw jumanacar uñt'asir awquinacamäni, reyinacan phuchanacapasti wawa uywirinacamaraqui. Jupanacasti juma nayrakatan orakcama alt'asipjjani, cayunacaman lak'anacapsa jallk'apjjaraquïtamwa. Ucapachaw jumajj nayan Tatitütajja yatïta, qhitinacatejj nayar iyawsapqui ucanacasti janiw c'arintata uñjasipquiti.”

Ezequiel 34:23

David sirvirejjaruw cuttayanjjaraquëjja, jupa saparuquiraquiw awatirit uscöjja, jupaw ovejanacarojj awatiraquini. Jupaw awatiriparaquïni.

Juan 10:11

Nayätwa suma awatirejja. Suma awatirejj jacañapwa apt'asi ovejanacap laycojja.

1 Corintios 4:15

Jumanacajj Cristo toketjja tunca waranka yatichirinïsipcamsa, ucampisa janiw walja awquinïpctati. Nayaw jumanacan Tatit toketjja awquimjamätjja jumanacar khespiyasiñ arunac parlatajj laycu.

Gálatas 4:19

Wawanacajja, wasitampiw jumanac laycojj t'akhesiñan jicjjatasta, cunjämatejj mä taycajj wawachasiñataquejj t'akhesi uqhama, t'akhesiscaquipunïwa Cristojj jumanac taypin sayt'añapcama.

Deuteronomio 1:31

Uqhamaraquiw uñjapjjtajja cuntï wasaran lurcän ucsa. Jumanacan Diosamaw irpanipjjtam cawqha thaquinjamtï jutapjjta ucansa aca chekar puriniñcama, cunjämas mä awquejj wawapar irpi uqhama’ sasa.

1 Tesalonicenses 2:7

Ucampis, jumanacarojj munasiñ chuymampiw uñjapjjsma, cunjämatejj mä taycajj wawanacaparu uywi, uñjaraqui uqhama.