Números 11:1

Aymar Bibliia 1986

Mä urusti israelitanacajj Tatitu tokwa parlapjjäna, jupanacan jan walt'añanac utjatap laycu. Tatitusti ucanac ist'asajj wal colerasïna, ucatsti mä nina apayanisajja campamenton thiyanacapwa phichhantäna.

Jak'a apnaqawi uñst'ayäwi

Génesis 38:10

Tatitusti Onán chachan uqham luratapatjj wal colerasïna, ucatwa juparus jiwayaraquïnjja.

2 Samuel 11:27

ucampisa lutt'asiña urunacap phokhasjjepansti Davidajj palacioparuw catokjjäna, warmipäñapataqui, jupasti mä yokall wawa wawachasiraquïna. Ucampis Davidan luratanacapajj Tatitutaquejj janiw asquïcänti.

2 Reyes 1:12

Eliasasti ucjjarojj sänwa: —Nayatejj profetästa ucajja, alajjpachat ninajj sarakanpan, ucatsti naqhantpan jumarusa, uqhamarac juman pheska tunca soldadonacamarusa —sasa. Ucat ucspachawa ninajj alajjpachata sarakanisina jupanacaru naqhantäna.

Job 1:16

Uca jakejja uqham parlañjja janïraw tucuycänti, uqhamaruw maynejja puriniraquiquïnwa aqham sasa: —Khejjokhejjonacawa jiwarayi awatirinacaru, uqhamarac ovejanacarusa. Ucampis naya sapaquiw jaltanjjta jumaru yatiyañataqui —sasa.

Salmos 106:18

Ninaw jupanacataquejj naqhäna, nina lawrajj ñankha luririnacaruw naqhantäna.

Salmos 78:21

Tatitojj uc ist'asinjja, k'apisïnwa; ninjamaw Jacobotaquejj aktäna, Diosan k'apisiñapajj wallakënwa;

Salmos 78:63

Waynanacajj ninamp naqhantayataw jiwarapjjäna; jakechasir tawakonacataquejj janiw warurt'añanacajj utjcjjänti;

Éxodo 16:7

Jumanacasti arumanthiwa uñjapjjäta Tatitun jach'a cancañapa, jupasti jumanacana jupa contra jan wali parlapjjatamjja ist'iwa. Ucampis qhitïpjjtsa nanacajja, jumanacan jan wali parlapjjañamataquejja —sasa.

Éxodo 16:9

Ucatsti Moisesajj Aaronaruraquiw saraqui: —Yatiyam take israelitanacaru Tatituru jac'achasipjjpan, jupasti ist'iwa jupanacan jan wali parlapjjatanacapjja —sasa.

Isaías 10:17

Kollan Diosasti, qhititejj Israelan khanapäqui ucajj akquiri ninaruw tucuni, mä uruquiraquiw naqhantani, tucjaraquini take koranacsa, uqhamaraqui ch'aphinaca marcan utjquejj ucanacsa.

Isaías 30:33

Nayrapachatpacha Asiriataquejja, reyipataquisa, t'akhesiyañ chekajj waquichatawa, ancho uqhamaraqui mankharaquiwa, ninasti ucanjja wal naqharaqui. Tatitun phust'atapaw aktayani, mä jach'a azufre jawiräcaspas uqhama.

Isaías 33:14

Sionanjja juchararanacajj qhathatipjjewa, nankha juchani jakenacasti ajjsarañampi phokhantatäjjewa, sapjjaraquiwa: “¿Qhitirac jiwasatsti jacaspa, tucjiri ninansti, wiñayatac naqhir ninansti?” sasa.

Lamentaciones 3:39

Jakesti juchanïcasasti, ¿cunatraqui acapachansti arsusispa?

Ezequiel 20:36

cunjämtejj awquinacaparojj Egiptonquiri wasaran wayt'cäyätjja uqhamaraqui. Naya Tatituw ucjja arsta.

Levítico 10:2

Ucatwa mä ninajj Tatitun nayrakatapat mistunïna, jupanacarusti k'alwa naqhantaraquïna. Uqhamwa jupanacajj Tatitun nayrakatapana jiwarapjjäna.

Nahúm 1:5

Jupa nayrakatanjja kollunacas qhathatipjjiwa; nayräjjapansti jisc'a kollunacas chullutatawayjjaquiwa. Take aca orakpacharaquiw jupar uñjasajj qhathati, uqhamarac aca oraken jaquirinacasa.

Habacuc 3:5

Jupa nayrakatsti sariwa ajjsarcañ t'akhesiñanaca, khepapatsti jach'a fiebre usunaca.

Números 10:33

Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Números 11:18

Ucatsti qhitam jakenacaru arumanthitac k'omachasipjjpan, ucatwa aycha mank'apjjani. Nayasti ist'twa jachatanacapa: “Aychaquis utjistaspa mank'añataqui, waliquïsipcäyätanwa Egiptonjja” sasa. Waliquiwa, nayaw aycha churä mank'apjjañapataqui.

Números 12:2

Uqhamaraquiw sapjjäna: “Tatitu Diosasti janiw Moisesampiqui parlquiti, jan ucasti jiwasampejj parlaraquiwa” sasa. Ucsti Tatitojj ist'änwa.

Números 14:2

Take jupanacaw Moisés, uqhamarac Aarón toke jan wali arunac parlapjjäna, aqham sasa: “Egiptonsa jiwarascasäna jan ucajj aca wasaransa.

Números 14:22

Cawquïrinacatejj jach'a cancañajj uñjapqui, uqhamarac Egiptonsa, wasaransa milagronac lurcta ucanac uñjapqui, ucatsti mayampi mayampwa yant'anacarojj wasaranjja uscupjjetu, janiraquiw arunacajjarus ist'añ munapquiti,

Números 14:27

—¿Cunapachcamas isch'uquëjja aca khoru israelitanacan parlatanacapjja? Niyaw istt'a nayjjat jan wali parlatanacapjja.

Números 14:28

Jichhasti saram; aqham saraquim: “Naya Tatituw jacta, juramentompiw arsuracta cuntejj parlir ist'cta uqhamarjam lurañajjataqui.

Números 16:11

Chekpachansa Aaronajj janiw qhitïquisa jupat parlasitanacamajja; Tatitu contraw jumasa, jilanacamasa sartapjjtajja —sasa.

Números 16:35

Uqhamaraquiw Tatitojj mä nina apayanïna, ucatsti jiwarayänwa, pä patac pheska tuncan jakenacaru, cawquïrinacatejj incienso loktapcän ucanacaru.

Números 17:5

Nayaw chillctayä cawquïrirutejj ajlliscta ucan varaparojja, uqhamatwa israelitanacajj jan mayampi jumanacatjja cuna jan walinacsa parlasipcañapataqui nayan nayrakatajjana” sasa.

Números 21:5

Ucatsti Dios contra, uqhamarac Moisés contraw parlañ kalltapjjäna aqham sasa: —¿Cunatsa jumanacajj Egiptot irpsunipjjesta? ¿Wasaran jiwarañataquiti irpsunipjjesta? Janiw umasa, mank'as utjapquituti. Nanacasti aca mank'ampejj amjayasjjapjjaractwa —sasa.

1 Corintios 10:10

Janiraqui jumanacajj jupanacjam Dios contrajj parlapjjamti. Uqham lurapjjatapatsti jupanacarojj jiwayir angelaw jiwarayäna.

Deuteronomio 25:18

Ucatsti amtasipjjaraquim cunjämsa jan Tatitu Diosarus ajjsarasa, thaquinjja nuwjapctam jumanacaru, karjata, ch'ama thayjtata uñjasina; khepäjjatarac nuwantanïna, ch'ama thayjtat khepa jutirinacarusa.

Deuteronomio 32:22

Nayan colerasiñajjasti mä ninjamaw akti, wali mankhapachcamaw akantaraqui, oraksa, uqhamarac achunacapsa mank'antaniwa, kollunacan cimientonacapsa nacsuniwa.

Deuteronomio 9:22

“Uqhamaraquiw jumanacajj Tatitu Diosarojj colerayapjjta, Tabera, Masah, Kibrot-hataava uca chekanacana.

Hebreos 12:29

Diosasajj mä ninjama naqhantiriwa.

Santiago 5:4

Jumanacan yapunacaman lurir jakenacaru jan pagapjjatamajja jumanac contraw wararisqui. Tatitusti uca wararitanacapjja ist'araquiwa.

Judas 1:16

Ucanacajj quejasiri uqhamarac c'umirinacäpjjewa jupanacan quicpa amtäwinacap phokhañac thakapjje. Jach'a jach'a tucusaw parlapjje, ucasti jakenacatjja sum parlapjje, uqhamat jupanacataqui asqui apsuñataqui.