Números 10:29

Aymar Bibliia 1986

Moisesasti mä urojj warmipan jilaparuw jawsäna, ucasti Hobab satänwa, Reuel sat madianita chachan wawaparaqui, ucatsti sänwa: —Nanacajj sarasipctwa cawquïri oraktejj Tatitojj churämaw sapquitu ucaru. Jutam, nanacampi chica sarañäni, sum uñjapjjaraquïma, Tatitojj arupampiw arsu Israel marcar munasiñampi uñjañataquejja —sasa.

Jak'a apnaqawi uñst'ayäwi

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 13:15

nayaw take uñjctas uca orake jumar churäma, wiñayataquiw jumancani, uqhamarac wawanacamancaraquinisa.

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Génesis 32:12

Jumajj khanwa sistajja: ‘Nayaw yanapascäma, wawanacamas kota irananquir ch'allanacjama jan jact'cayäniw’ ” sasa.

Salmos 100:1

Tatitur cusisiñamp k'ochupjjam, takpach orakenquirinaca,

Salmos 34:8

Yant'apjjam, uñjapjjaraquim, Tatitun munasir cancañapa, jupar take chuymamp maqhatirejj cusisiñan jakewa.

Salmos 95:1

Jutapjjam, Tatitur k'ochupjjañäni, arjjatir khespiyirisar cusisit jayllipjjañäni;

Éxodo 18:1

Moisesan Jetro sat awcch'ipajj Madián orakenjja sacerdotënwa, jupasti yatïnwa cuntejj Diosajj Moisesataqui, uqhamarac Israel marcataquis lurcän ucjja. Uqhamarac yatiraquïnwa Tatitojj Egiptota apsunitapa.

Éxodo 18:12

Moisesan Jetro awcch'ipajj mä uywa Diosaru sacrificio loktasin nact'ayäna, uqhamarac yakha ofrendanacampi uqhama. Aaronampi, israelanquir take jilïrinacampisti sarapjjänwa Moisesan awcch'ipampi cheka Diosan nayrakatapana mank'aniñataqui.

Éxodo 18:27

Uca khepatsti Moisesajj awcch'iparojj qhitjjänwa, ucatsti awcch'ipajj marcaparuw sarawayjjäna.

Éxodo 2:18

Ucampis cunapachatejj tawakonacajj awquipan ucaru cutt'anjjapjjän ucqhasti, Reuel sat awquipajja sänwa: —¿Cunatsa jichhürojj wali urut jutjjapjjta? —sasa.

Éxodo 2:21

Uqhamatwa Moisesajj uca tawakonacan awquipan utapan jacjjäna, ucatsti uca Reuel sat sacerdotejja Séfora sat phuchapampiw casarjjäna.

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Éxodo 6:4

Uqhamarac jupanacampejja mä suma amtäwiruraquiw mantapjjaracta. Ucat arsuyätjja Canaán orake jupanacar churañataqui, cawqhantejj mä urunacajj jayanquir jakenacjama jacapcäna uca orake.

Isaías 2:3

walja jakenacaraquiw purinipjjani sapjjaraquiniwa: “Jutapjjam, Tatitun kollupar maqhatapjjañäni, Jacobon Diosapan temploparu, jupajj jiwasar sarnakäwinacap yatichañapataqui, ucat uca thaquipanjam sarañasataqui” sasa. Sión marcatwa Tatitun yatichäwipajj mistuni, Jerusalenatwa arunacapajj jutaraquini.

Jeremías 50:5

Sión thaqui toketwa jisct'asipjjaraquini, ucatsti ucsaruw aqham sasa sarapjjaraquini: ‘Tatitun ucaru sarjjañäni, jupampisti mä wiñayataqui arust'äwi luraraquiñäni, jan mayampitaqui armasquiri’ sasa.

Números 10:28

Uqhamwa israelitanacan ejercitopajj sarapjjäna, cunapachatejj thaquinjam sarapcän ucapachajja.

Números 23:19

Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Hechos 7:5

Ucatsti janiraquiw cuna herencia uca orakenjj churcänti, ni mä jisc'a oraksa. Ucampisa Diosajj orak churañataquiw arsuwayäna: “Jumajj jiwjjät ucajja, aca orakejj wawanacamancaniwa” sasa. Ucürunacanjja Abrahamajj janïraw wawanïcänti.

Deuteronomio 30:5

Ucatsti Tatituw mayampi cuttayanipjjätam cawquïri oraktï jumanacan awquinacamajj catupcäna ucaru; jumanacaw ucanjja utjasipjjäta, juparaquiw jach'aptayapjjätam, awquinacamat sipansa walja wawanacwa churapjjätam.

Deuteronomio 4:40

Phokhapjjam jichhüruna cawquïri leyinaca, camachinactï churapcsma ucanaca, ucatsti sumaquiw sarnakapjjäta, jumanacasa, wawanacamasa, uqhamaraqui walja maranacaw jacapjjäta cawquïri oraktï Tatitu Diosajj churapcätam ucanjja.”

Tito 1:2

uqhamarac wiñay jacañ suyt'äwirusa. Uca jacañ churañataquejj Diosajj janïr aca orake kalltasquipanwa phokhañataqui arsuwayi, Diosasti uc arsusajj janiw c'arisquiti.

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.

Apocalipsis 22:17

Kollan Ajayumpi Corderon esposapampisti siwa: “Jutam”. Ist'irïqui ucasti saracpan “Jutam” sasa. Qhititejj umat pharjayasqui, ucat um muncaraqui ucajj jutpan, jacañ umat inac umt'aracpan.

Jueces 1:16

Hobab quenita sata Moisesan awcch'ipan wawanacapasti Palmeras sat marcatsti Judá tribunquirinacampiw mistsupjjäna Judá wasararu Arad sat chekata aynacharu. Ucatsti ucaruwa kheparapjjäna ucanquir jakenacampi chica jacañataqui.

Jueces 4:11

Cedes sat marca jac'anjja Zaanaim sat encina jac'an Heber sat quenitajj utapwa lurasïna, jupasti mayni quenitanacatjja jayaruw sarakjjatayna, jupajj Hobab sata, Moisesan awcch'ipat sarakeriraquïnwa

1 Samuel 15:6

Ucat quenitas sat jakenacarojj saraquïna: “¡Sartapjjam ucqhata! ¡Jumanacajj amalecita jakenac taypit mistuwayjjapjjam, jan nayan jumanacaru jupanacampi chica t'unjañajjataqui, jumanacasti sumaquiracwa uñjapjjayätajj israelitanacarojj, cunapachatejj Egiptot jutapcän ucapachajja!” sasa. Quenitas sat jakenacasti amalecitas sat jakenac taypitjja mistuwayjjapjjänwa.