Números 10:11

Aymar Bibliia 1986

Pä mara, payïri phajjsina pä tunca urunaca sarakatarusti, kenayajj sartawayjjänwa Arust'äwi Carpa patjjatjja.

Jak'a apnaqawi uñst'ayäwi

Éxodo 40:17

Uqhamasti Egiptota mistunjjatatsti, payïr mara kalltasirojj nayrïr uru, kallta phajjsinjja Tatitumpi Jiquisiñ Carpajj tucuyatäjjänwa.

Éxodo 40:2

“Nayrïri phajjsi kallta urunjja sayt'ayätawa nayampi Jiquisiñ Carpa, Diosampi Jiquisiña Chekansa.

Números 1:1

Payïri phajjsita mä uru sarakataru, pä mara pasjjän ucqhajja, cunapachatejj israelitanacan Egipto marcat mistunitanacapajj niya mä marat pasascäna, ucapachaw Tatitojj Moisesarojj parläna Sinaí sat wasara kolluna, Diosampi jiquisiñatac lurat carpäquis ucqhana, ucatsti aqham sänwa:

Números 9:1

Israelitanacan Egipto marcat mistunipjjatapatsti, pä mara sarakatarusti, nayrïri phajjsinjja, Tatitu Diosajj Moisesaruw parläna, Sinaí wasarana, aqham sasa:

Números 9:11

ucanacasti payïri phajjsit tunca pusin uru sarakataruw amtapjjani uca jayp'una. Jupanacasti ovej-jja mank'apjjaniwa jaru koranacampi, jan levaduran t'ant'amp cuna.

Números 9:5

Uqhamaw jupanacajj lurapjjäna, phajjsit tunca pusini uru jayp'thapqui uca uruna, Sinaí wasarana, cunjämatejj Tatitu Diosajj Moisesaru siscäna uqhamarjama.

Deuteronomio 1:6

“Jiwasan Tatitu Diosasasti aca arunacwa Horeb sat kollun churistu: ‘Jumanacasti walja maranacaw aca kolluncjjapjjta.