Números 10:10

Aymar Bibliia 1986

Uqhamaraqui trompetanacjja phust'asipjjam, cusisiña urunacansa, fiesta urunacansa, machak phajjsïqui ucapacha, cunapachatejj nactayasin sacrificionac loktapcäta, uqhamarac sumancaña sacrificio loktasipcäta ucapacha. Uqhamatwa nayajj jumanacat amtasipjjäma. Nayaw jumanacan Tatitu Diosamätjja.”

Jak'a apnaqawi uñst'ayäwi

2 Reyes 4:23

Chachapasti juparojj jisct'änwa: —¿Cunataraqui jichhüru jiquisiri sarätasti? Janiwa machak phajjsïquisa, ni samarañ urüquisa —sasa. Warmisti ucjjarojj sänwa —jan llaquisimti —sasa.

1 Crónicas 15:24

Uqhamaraqui Sebanías, Josafat, Natanael, Amasai, Zacarías, Benaías, Eliezer, uca sacerdotenacasti trompetanacwa tocapjjäna, Diosan arcapa nayräjjana. Obed-edom, Jehías uca chachanacasti arcana puncupa uñjirïpjjaraquiquïnwa.

1 Crónicas 15:28

Take Israel marcawa Tatituna sumancäwiru mantat arcapa apapjjäna, cusisiñatsti jach'at arnakasipjjäna, uqhamaraquiw toct'asïna wajjranaca, trompetanaca, platillonaca, ucatjja salterionacana, arpanacana tocasitapampiraqui.

1 Crónicas 16:42

Jupanacasti trompetanacani, platillonacanïpjjänwa, toct'apjjañapataqui, uqhamaraquiw yakha tocañanacanïpjjänsa Diosar k'ochuñana yanapapjjañapataqui. Jedutún chachan yokanacapasti puncu uñjapjjañapataqui utt'ayatäpjjänwa.

2 Crónicas 29:26

Levitanacasti sayt'atcamäpjjänwa Davidan instrumentonacapampi, uqhamarac sacerdotenacasa trompetanacampiraqui.

2 Crónicas 29:28

Cunapachatï k'ochurinacajj k'ochupcäna, sacerdotenacasa trompetanaca tocapcäna ucqhajja, jakenacasti quillt'atcamawa yupaychapjjäna. Uqhamawa jupanacajj lurapjjäna nact'ata loktäwi loktaña tucuyacama.

2 Crónicas 7:6

Sacerdotenacasa, levitanacas pachpancasipcaquïnwa kollana musicanaca tocañ instrumentonacampi, ucanacsti reyiw lurayäna k'ochunacampi tocañataqui aqham sasa: “Munasiñapajj wiñayataquiwa” sasa, cunapachatï Davidajj jupanacampi k'ochcäna ucqha. Ucatsti sacerdotenacajj jupanac uñcatasinjja trompetanacwa tocapjjäna, uccañcamasti Israel jakenacajj sayt'atäpjjänwa.

Esdras 3:10

Cunapachatejj uta luririnacajj Tatitun templopataqui cimiento jakontapcäna ucqhajja, sacerdotenacajj sayt'asipjjänwa uca horasataqui suma isinacani, uqhamarac trompetanacaniraqui. Asaf chachan familiapata sarakeri levitanacajja, platillonacwa apapjjäna Tatitur yupaychañataqui, cunjämatï Israelan David reyipana lurañatac churatäcäna uqhamaru.

Nehemías 12:35

Sacerdotenacatsti acanacaraquiw trompeta toct'asisa sarapjjaraquïna: Zacarías, jupasti Jonatán ucan wawapänwa, jupan nayra awquinacapasti acanacänwa: Semaías, Matanías, Micaías, Zacur, uqhamarac Asaf ucaraqui;

Salmos 150:3

Trompet phust'añanacamp jach'añchapjjam, arpanacamp, salterionacamp jach'ar aptapjjam,

Salmos 81:3

Machak phajjsi uñstipan trompet phust'apjjam, urt'a puripansti, phust'apjjaraquim ucürojj jiwasanacan jach'a urusawa.

Salmos 81:4

Ucajj Israel marcan camächit arunacapawa, Jacobon Diosapan arsutapawa,

Salmos 89:15

Tatay, jumar cusisiñamp yupaychir marcajj cusisiñaniwa: khanamamp khant'ayat sarnaker marcajj cusisiñaniwa,

Éxodo 28:29

Uqhamatwa Aaronajj cunapachatejj kollana sat chekaru mantcani pectoral sat isis ucht'ata asqui uñjañ yänaca apt'ata ucqhajja pechoparu Israelan wawanacapana sutinacapa apañapataqui Tatitun nayrakatapanjja, uqhamata jupajj wiñaya amtañapataqui.

Éxodo 30:16

Jumasti israelitanacatjja sapa mayni jakejj jacañapat kollkenaca apanipcani uca apthapisasti, Tatitumpi Jiquisiñ Carpan culto lurañataquiw churäta. Uqhamata Tatitojj israelitanacata amtasiñapataqui, jupanacajj sapa mayni churjjapjjatanacapa jacañanacapata.”

Isaías 27:13

Uca urunwa mä jach'a trompetajj phust'asini, qhitinacatejj Asiria marcan chhaktatäpcän ucanacajj, uqhamaraqui Egiptor apayatäpcän ucanacasa, Tatitur yupaychiriw jutapjjani Jerusalenana, kollana kolluna.

Levítico 23:24

“Israelitanacarojj aqham saraquim: Pakallko phajjsi sarakatarusti, jumanacajj samarañ uru uca phajjsi kalltanja lurapjjäta, ucatsti suma kollana tantachasïwi lurapjjaraquïta, amtasiñataqui, trompetanaca uca urojj phust'apjjaraquïta.

Números 10:9

“Cunapachatejj uñisirinacamajj quipca orakepan nuwantapjjätpan, jumanacan nuwasiri mistupjjañamataqui, ucqhajj trompetanac phust'apjjam, uqhamarac wali jach'at art'asipjjam. Uqhamatwa naya Tatitu Diosamajj jumanacat amtasï, ucatsti uñisirinacamatwa khespiyapjjäma.

Números 28:11

“Kallta uru sapa phajjsita sarakquipanwa Tatitu Diosarojj loktapjjäta mä nact'ayata ofrendjama; pä vaca kallumpi, mä orko ovejampi, uqhamarac pakallko orko ovejanacampi, ucanacasti mä maranïñapawa, jan cuna usuchjataraqui.

Números 29:1

“Pakallko phajjsin kallta urupanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañsa lurapjjätati, ucatsti uca urjja trompetanac phust'asaw yatiyapjjäta.

Mateo 11:28

Nayar jutapjjam take karjatanaca jatjatanaca, nayaw samarayapjjäma.

Hechos 10:4

Corneliosti wali ajjsarasaw angelar uñcatasinjja jisct'i: —¿Cunach, Tata? —sasa.

1 Corintios 15:52

Ucasti mä nayra ch'ipjjtanaquiw lurasiraquini, cunapachatï trompetan khepa phust'asitapajj ist'ascani ucqha. Trompetan phust'asitaparusti jiwatanacaw jactapjjani jan mayampi jiwjjañataqui; jiwasasti yakha cuerponëjjaraquiñäniwa.

1 Tesalonicenses 4:16

Tatit pachpawa alajjpachat sarakanini, arcangelan art'ataparu, Diosan trompetap phust'ataparu. Cristor iyawsasa jiwirinacajja nayrakatwa jactapjjani;

1 Tesalonicenses 4:18

Uqhamajj maynit maynicama aca arunacampejj ch'amañchasipjjam.

Josué 4:7

Jumanacasti aqham sapjjätawa: “Cunapachatejj Diosan Arust'äwi Arcapajj Jordán jawira maqhatascäna ucqhajj umasti payaruw t'akjtäna Diosan arcapa nayräjjana, sasa. Aca kalanacajj israelit jakenacataquejj khepa urunjja cunatï pascäna ucanac amtasiñataquiw uchata” sasa.

Josué 6:4

Pakallko sacerdotenacaw Diosan arcap nayräjjap sarapjjani sapa mayni mä pututu apt'ata, pakallko uröjjani ucqhajj, pakallko cutiw marcaru muytapjjäta, ucatsti sacerdotenacajj pututu phust'apjjani.

Apocalipsis 22:17

Kollan Ajayumpi Corderon esposapampisti siwa: “Jutam”. Ist'irïqui ucasti saracpan “Jutam” sasa. Qhititejj umat pharjayasqui, ucat um muncaraqui ucajj jutpan, jacañ umat inac umt'aracpan.

1 Samuel 20:5

Davidasti saraquïnwa: —Kharürojja phajjsi kallta fiesta uruwa. Nayasti reyimpi chicaw mank'asiñataqui kont'asiñajjaraquejja. Ucampisa nayarojj jan ucancañajjataqui churita, jurpüru jayp'ucama pampan imantasiñajjataqui.