Números 1:4

Aymar Bibliia 1986

uqhamaraqui sapa familian jilïripampi sapakat tributa.

Jak'a apnaqawi uñst'ayäwi

1 Reyes 8:1

Ucatsti Salomonajj Jerusalenanjja tantachänwa jupan nayrakatapana Israelanquir chuyman awquinacaru, tribunacan jilïrinacaparu, uqhamarac israelitanac taypina wali aytat jakenacaru, Tatituna sumancäwi arcapa apjjañataqui Davidana marcapata, ucajj Sión sataraquïnwa.

Éxodo 18:21

Ucampis jumajj jakenac taypitjja ajllim suma amuyt'an chachanaca, jupanacasti Diosaru ajjsartirinacäñapawa, uqhamarac khana luririnaca, janiwa jupataquiqui cunsa thakherïñapäquiti. Ucampis mayninacarojj jilïrita ucham waranka jakenacjjaru, mayninacarusti patac jakenacjjaru, uqhamarac yakhepanacarojj pheska tunca jakenacjjaruraqui mayninacarusti tunca jakenacjjaruraqui.

Éxodo 18:25

Ucat jupasti ajllïnwa, israelitanac taypitjja suma amuyt'an jakenaca, ucanacsti uchänwa jilïrinacata waranka, pataca, pheska tunca, uqhamarac tunca jakenacjjaru.

Números 1:16

Take aca jilïri jakenacaw sapakat tribut ajllitäna, Israel marca taypita, jach'a familianacat uñstañataqui.

Números 1:44

Take acanacaw Moisesampina, Aaronampina censo aptatanacapajja, uqhamarac uca tunca payan israelitanacan jach'a jilïrinacapa, cawquïrinacatejj jach'a familianacapata, jisc'a familianacapata uñstapcän ucanacajja.

Números 17:3

ucampisa Leví tribun varaparojj Aarón chachan sutipwa kellkaraquïta, mä varaw utjañapa sapakat tribun jilïripatjja.

Números 25:14

Cawquïri israelitatejj jiwayatäcäna madianita warmimpi chica ucasti Zimri satänwa, jupasti Salu chachan yokapänwa, uqhamarac mä familian jilïripa, Simeón tributa.

Números 25:4

Tatitu Diosajj Moisesarojj sänwa: —Tantachthapim marcan take jilïrinacaparu, ucatsti urpach jiwarayam nayan nayrakatajjana; uqhamatwa colerajjajj t'acuraquini Israel marcataquejja —sasa.

Números 30:1

Moisesasti israelitanacan tribunacapan jilïrinacaparojj sänwa: “Tatitusti acanacwa arsuwayi:

Números 4:34

Moisesampi, Aaronampi, Israel marcan jilïri jakenacapampisti censo aptapjjäna jach'a familiatjama, jisc'a familiatjama, take Coat chachan wawanacapatjja,

Números 7:2

Ucjjarusti tribunacan jilïrinacapajj cawquïrinacatï censo aptaña yanapt'apcatayna ucanacajj sarasinjja,

Deuteronomio 1:15

“Ucatsti sapakat tribunacatwa jumanacata amuyt'ani, sarnakañsa yatiri jakenacar ajllïyäta jumanacjjaru jilïri jaket utt'ayatäpjjañapataqui; yakheparusti waranka jakenac apnakañapataquiw uchäyäta, yakheparusti patac jakenac apnakañapataqui, mayninacarusti pheska tunca jakenaca, apnakañapataqui, mayninacarusti tunca jakenac apnakañapataquiraqui. Uqhamaraqui sapakat tributaquisa kellkerinaca.

Josué 22:14

Jupampi chicasti tunca jach'a jilïri Israel jakenacaw sarapjjaraquïna, sapakat mayniraquiw familiapata, uqhamaraqui tribupat uñstapjjaraquïna.