Números 1:20

Aymar Bibliia 1986

Cunapachatejj censojj luratäjjän sapa tributjama, jach'a familiatjama, jisc'a familiatjama, uqhamarac sapa maynin sutinacapas kellkantatäjjäna, take jakenacan pä tunca maranit amstaru, takeni jacthapitasti aqhanïpjjänwa: Rubén tributsti, cawquïritejj Israelan jilïri wawapäcäna, ucatjja jact'asïnwa pusi tunca sojjtani waranka pheska patacani jakenaca, guerrar sarañatacjamanacaraqui.

Jak'a apnaqawi uñst'ayäwi

Génesis 29:32

Leasti usur jakeptasinjja mä yokall wawa wawachasïna, ucarusti Rubén sasaw suticharaquïna, saraquïnwa: “Tatitojj llaquisitajj-jja yatïnwa. Jichhasti chachajjajj munasjjaraquitaniwa” sasa.

Génesis 35:23

Leampi wawanacanïpcän ucanacasti acanacänwa: Rubén, jilïri yokapa; Simeón, Leví, Judá, Isacar, Zabulón ucanaca.

Génesis 46:9

Rubenan wawanacapa: Hanoc, Falú, Hezrón, Carmi ucanaca.

1 Crónicas 5:1

Israel chachan Rubén sat jilïr yokapan wawanacapasti acanacänwa: Hanoc, Falú, Hezrón, Carmi ucanacaraqui. Rubén ucaw chekpachana jilïr yokall wawänjja, ucampis jilïrïña cancañjja apt'awayiwa awquipan warmipampi sarnakatap laycu. Uca jilïr cancañasti Josean wawanacaparuw pasawayjjäna, ucasti Israelan yakha yokaparaquïnwa. Ucampis Judá chachasti jilanacapat sipansa juc'amp ch'amaniw tucjjäna, jupataracwa mä jilïrejja misturaquïna; ucampis jilïri yokall wawan jilïr cancañapasti Josearuw wact'äna.