Mateo 6:2

Aymar Bibliia 1986

“Cunapachatejj pist'ayasitanacaru yanapt'cäta ucqhajja, jan jakenacarojj yatiyamti, cunjämtejj c'ari parlirinacajj sinagoganacana, callenacana lurapqui uqhamjja. Jupanacasti jakenac nayrakatanjja wali sumat uñt'atäñwa munapjje. Nayasti khanacwa sapjjsma, uca luräwipatjja catokjjapjjewa.

Jak'a apnaqawi uñst'ayäwi

Salmos 112:9

Jan cunan jakenacaruw churäwinac wajjt'i, jaker qhuyapt'ayañapajj jan tucusquiriwa, jan qhitin camscañaw p'ekep waytaraqui.

Salmos 37:21

Ñankha lurir jakejj mayt'asiñac yati, janiw cutiyañ yatquiti, asqui jakesti qhuyapt'ayasiriwa, suma chuymaniraquiwa.

Proverbios 19:17

Mä pobre jaker mayt'irejj Tatituruw mayt'asqui, ucatsti Tatit pachpawa uca manjja phokjjani.

Proverbios 20:6

Walja jakenacawa sapjje: “Suma asqui jakëtwa” sasa, ucampis janiw qhitis asqui jakejj utjquiti.

Eclesiastés 11:2

Cawqhacamatejj utjctam uqhacama, utjirinacam mayninacampi jaljasim, cuna jan walitejj marcar jutcani uc jan yatitam laycu.

Isaías 10:6

Jichhajj mä ñankha marcar nuwjam sistwa, nayar ñankha lurir marcaru, uqhamat k'al lunthatjañapataqui, uqhamaraqui kamir cancañapsa apakañapataqui, taquisiñapataqui callenquir ñek'er uñtata.

Isaías 58:7

mank'at awtjatarusti mank'a churaña, jan utaninacarusti utamaru catokaña, jan isinirojj ist'ayaña, jake masirusti yanapt'añaraqui.

Isaías 9:17

Ucatwa Tatitojj waynanacatjja jan qhuyapt'ayasquiti, uqhamaraqui wajchanacatsa, ijma warminacatsa janiw qhuyapt'ayasquiti. Take aca marcpachasti sinti jach'a juchanac luriri ñankhacamaquiwa, takenis jan wali ñankha arunacac parlasipqui. Ucampisa Tatitun colerasiñapajj janiw apartquiti, jichhas jupajj ajjsarayascaquiwa.

Oseas 8:1

“Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Mateo 15:7

¡C'ari chuyman jakenaca! Walicpun Isaías profetajj jumanacatjja sascänjja:

Mateo 16:3

Alwatanacasti urojj wali kenayrantatätap laycusti sapjjaractawa: “Jichhürojj jan wali urüniwa” sasa. ¡C'ari chuymani jakenaca! Jumanacajj wal yatipjjtajj cunjämatejj urunacajj pasañapäqui ucjja, ucampis janiw yatipctati cuntejj aca urunacan unañchapajj sañ munqui uc amuyt'añjja.

Mateo 22:18

Jesusasti amuyänwa jupanacan ñankha amtäwipjja, ucatwa jupanacarojj sï: —C'ari chuyman jakenaca, ¿cunatsa jumanacajj nayar aynacht'ayir jutapjjesta?

Mateo 23:5

Take cuns lurapjjewa jaken uñjayasiñataquiqui, munapjjaraquiwa amparanacaparu, paranacaparu apaña mä kawkha Diosan arunacap jach'a papelanacaru kellksuta. Uqhamaraquiw jach'a flecon isinacampi isthapisipjje yakha jakenacat sipansa.

Mateo 23:6

Mank'añ horasanacasti suma chekancañ munapjjaraqui, uqhamarac sinagoganacansa jilïrinacan konuñanacapan kont'asiñ munapjjaraqui.

Mateo 24:51

Juparusti wali jach'a mutuyäwi churaraquini, c'ari chuyman jakenacamp chicaw t'akhesini, ucanwa wararini laca ch'aqhsa t'urusiraquini.

Mateo 5:18

Acsti khanacwa sapjjsma, acapachampi alajjpachampi tucusiñapcamajja janiw mä jisc'a arusa, ni mä letrasa apakatäcaspati uca leyinacatjja, take cunanacatejj phokhasiñapäqui ucanac phokhasiñapcamajja.

Mateo 6:16

“Cunapachatejj jumanacajj ayunapcäta ucqhajja, jan llaquit ajanuni sarnakapjjamti, cunjamtï uca c'ari chuymaninacajj lurapqui uqhamjja. Ucjja jupanacajj lurapjjewa jakenacan: “Ayunascataynaw” sayasiñataquiqui. Khanacwa sapjjsma, uca luratapatjja catokjjapjjewa.

Mateo 6:3

Cunapachatejj jumajj pist'ayasitanacar cuns churäta ucqhajja, wali munat amigomasa ucjja jan yatcpati;

Mateo 6:5

“Cunapachatejj jumanacajj Diosat mayisipjjäta ucqhajja, jan c'ari chuymaninacjam mayisipjjamti. Jupanacajj sayt'asisinwa sinagoganacanjja mayisipjje, uqhamarac calle esquinanacansa jakenacan uñjatäñataqui. Khanacwa sapjjsma, uca luräwipatjja catokjjapjjewa.

Mateo 7:5

¡C'ari chuyman jake!, nayrakat uca thuru lawa nayramancquis uc apsusim, ucatwa jumajj sum uñjasma uca jisc'a k'añojj jilaman nayrapan utjquis uc apsuñataquejja.

Marcos 12:39

Sinagoganacansti suma konuñanac thakapjje. Mank'äwinacansti uqhamaraquiw suma konuñanac munapjjaraqui.

Marcos 7:6

Jesusasti jupanacarojj sänwa: —Isaías profetajj chekwa arsüna jumanacan pä amtañan jakëpjjatamat khanañchasajja: Aca jakenacajj lacampiquiw yupaychapjjetu, ucampis chuymanacapajj nayatjja jayancasquiwa.

Lucas 11:41

Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja.

Lucas 11:43

“¡Ay, camachapcaquïta, fariseonaca! Sinagoganacansa nayrakat konuñanacaruw kont'añ munapjjtajja, uqhamarac callenacans wali ajjsart'añampi aruntayasiña munapjjtajja.

Lucas 12:33

Cunatejj utjapctam ucjja aljapjjam, ucatsti qhititejj jan cunanïpqui ucanacar churjjapjjam; uqhamat jan merk'esir bolsanac lurasipjjäta, alajjpachansti jan tucusquir yänacaraqui imasipjjäta, ucansti lunthatas janiw apscaniti janiw qharus qharuntcaraquiniti.

Lucas 12:56

¡C'ari chuymaninaca! Jumanacajj yatipjjtawa alajjpachansa, orakensa uñnakapat amuyt'añjja, ucatsti ¿cunatarac aca urunacan jacapcta ucsti jan amuyt'añ yatipjjaractasti?

Lucas 13:15

Ucapachaw Tatitojj jupar saraquïna: —C'ari chuymaninaca, ¿janit jumanacat cawquïris vacapsa jan ucajj asnopsa jararquejj samarañ urunjja, umt'ayir irpañataquejja?

Lucas 20:46

“Ley yatichirinacatjja amuyasipjjam; jupanacasti jach'a isinacamp isintasis sarnakañwa munapjje, plazanacansti jupanacajj wali ajjsart'añampi aruntayasiñ munapjje, uqhamarac sinagoganacansa nayrakat konuñanacaruw kont'asiñ munapjje, mank'añanacansti sumawja chekanacaruw kont'asiñ munapjje.

Lucas 6:24

“Ucampisa ¡ay, camachapcaquïta jumanaca kamirinaca, cusisiñanacamjja catokjjapjjtawa!

Lucas 6:42

¿Cunjämrac jilamarusti sañ muntasti, “Jilata, nayramat uca jisc'a k'añu apst'äma” sasa, juman nayraman mä jach'a lawajj utjasquipanjja? ¡C'ari chuyman jake! nayrakat nayramancquis uca jach'a lawa apsusim, ucatwa jumajj jilaman nayrapan jisc'a k'añojj utjquis ucjja sum uñjäta apsuñataqui.

Juan 13:29

Judasajj kollke bolsa catutap laycojja, mayninacajj amuyapjjänwa Jesusajj fiestataqui: “Cuns alanim” siscaspa uqhama; mayjja amuyapjjaraquïnwa: “Pobrenacaru yanapt'am” siscaspas uqhamaraqui.

Juan 5:41

“Nayajj janiw jakenacan jach'añchäwinacapjja catokcti.

Juan 5:44

Jumanacatejj jakenacan jach'añchäwinacapac maynit maynita catokapjjta ucatsti janiraqui mä sap Diosata jach'añchäwinacapa thakapcstati, ucarojja ¿cunjäms jumanacajj iyawsapjjasmajja?

Juan 7:18

Qhititejj jupa pachpat parlqui ucajja, jakempi jach'añchayasiñataquiquiw parli, ucampis qhititejj jupar qhitanqui ucaru jach'añchayañataqui parlqui ucan arunacapajj chekawa, janiraquiw cuna jan walis jupanjj utjquiti.

Hechos 10:2

Jupasti Dios chuyma jakënwa, uqhamaraquiw Diosar ajjsartas sarnakerïna, takpach familiapampi. Jupasti judionac taypit pobrenacar walja limosna churirïnwa, Diosar jan armt'asis oracionan mayisiriraqui.

Hechos 10:31

Jupasti nayarojj situwa: “Cornelio, oracionanacamjj Diosajj ist'tamwa, pobrenacar qhuyapayatanacamas Dios nayrakatanjja asquit uñt'ataraquiwa.

Hechos 10:4

Corneliosti wali ajjsarasaw angelar uñcatasinjja jisct'i: —¿Cunach, Tata? —sasa.

Hechos 11:29

Ucatwa Tatitur arquiri Antioquianquir jakenacajj amtapjjäna mä yanap apayañatac Judeanquir jilatanacaru, cunjämatejj sapa mayni jupanacan utjcän uqhamarjama.

Hechos 24:17

Mä kawkha maranaca yakha marcanacan sarnakasinsti, pachpa marcajjaruw cutt'jjta limosna churañataqui uqhamarac Tatiturus ofrendanac churañataqui.

Hechos 9:36

Ucürunacansti Jope marcanjja Tatitur arquir mä warmiwa utjäna, Tabita sutini, griego arunjja, Dorcas satawa. Uca warmisti asqui lurirïnwa, pobrenacar yanapt'iriraquïnwa.

Romanos 12:8

Maynitejj mayninacaru ch'amachañ yatchejja, ucaruy uchaspan; qhititejj churaña yatekejja, take chuyma churpan; qhititejj sarayañ yatchejja, amuyumpi saraypan; pist'atanacar yanapt'aña yatchejja, cusisit chuymampi churaracpan.

1 Corintios 13:3

Take yänacajjtejj laquinokasjjerista, pachpa janchejjsa naqhantatäñataqui catuyasirista, ucatsti janirac munasiñajj utjquitaspajja, janiw cunataquis uca luratajjajj asquïcaspati.

Gálatas 2:10

Pobrenacat amtasiñasatacwa ewjjt'apjjetu, ucsti cunäquipansa phokhañpunwa muntjja.

Efesios 4:28

Qhititejj lunthatasirïcän ucajja jan juc'amp lunthatascjjpanti, jan ucasti irnakañaru uscuspan, sum irnakasinwa pobrenacar yanapt'añataquis utjaraquini.

1 Tesalonicenses 2:6

Janiw cunapachas jakempi jach'añchayasiñ thakapcti, jumanacatsa, yakhanacatsa. Nanacatejj munapjjeriscäyätjja, Criston qhitatanacjamajja munañanïñwa uñacht'ayapjjeriscasamäna.

1 Timoteo 6:18

Ewjjt'am sum sarnakapjjañapataqui, asqui luräwinacana kamirquipstapjjpan, ucatsti janc'aquiraquïpjjpan, cunatejj jupan utjqui uc mayninacaru churañataqui.

Filemón 1:7

Uqhamasti jilata, wali cusisitätwa, ch'amañcht'ataraquïtwa, juman munasiñama utjatapata, uqhamarac juma toke chuymacht'atächi iyawsirinacan chuymapajj uca laycu.

Hebreos 13:16

Janiraqui armt'asipjjamti asqui lurañatjja, uqhamarac maynit maynicama cunanacamatejj utjapctam uc jaljasiñsa; uca casta sacrificiow Diosarojj cusisiyi.

1 Pedro 4:11

Maynitejj parlchejja, Diosan arunacaparjam parlpan. Maynitejj qhitirus mä asqui lurchejja, Diosan ch'amapampi ucjja lurpan. Take cuntejj lurapjjta ucajja Diosar yupaychañataquïpan Jesucristo toke, juparuraqui munañanïñasa, jach'a cancañasa churatäpan wiñayan wiñayapataqui. Uqhamäpan.

1 Samuel 15:30

—Chekpachansa, nayaw juchjja lurta —sasaw Saúl reyejj säna. Ucampisa take Israel marcan jilïri jakenac nayrakatanwa uqhamarac take Israel marcpacha nayräjjanwa achict'assma, nayarojj mä reyirjama uñjaquitaya. Uqhamajj nayampi chica sarañäni, Tatit Diosamar yupaychañataqui, —sasaw Saúl reyejj säna.