Mateo 4:13

Aymar Bibliia 1986

Janiraquiw Nazaretar kheparcänti, jan ucasti Capernaum marcaruw sarjjäna; uca marcasti kota thiyancänwa, Zabulón, uqhamarac Neftalí sisqui uca chekana.

Jak'a apnaqawi uñst'ayäwi

Mateo 11:23

Uqhamaraqui jumajj Capernaum marca, ¿amuyastati alajjpachcama jach'aru aptatäña? Infierncam apakatäyätawa. Sodomantejj acan lurasqui uca milagronacajj lurasisapänjja, uca marcajj jichhürcamaw utjascasapäna.

Mateo 17:24

Cunapachatejj Jesusajj discipulonacapampi Capernaum sat marcaru purinjjän ucqhajja, impuesto cobririnacajj Pedron ucaruw jutapjjäna jisct'apjjaraquïnwa: —¿Janit jumanacan yatichirimajj templotaqui impuesto pagqui? —sasa.

Mateo 4:14

Take acanacasti phokhasiscänwa, Isaías profetan arsutaparjama:

Mateo 4:15

“Zabulón, uqhamarac Neftalí sat orake, kota thiya sarasquir thaquina, Jordán jawirat inti jalsu tokena, jan judiöpquis uca jakenacajj jacquis uca Galilea.

Mateo 9:1

Ucatsti Jesusajj botjjaruw maqhatäna, kota qhurcataru pascatasinjja, marcaparuw purjjäna.

Marcos 1:21

Ucatsti Capernaum marcaruw puripjjäna. Samarañ urunsti Jesusajj sinagogaruw mantäna ucansti yaticharaquïnwa.

Marcos 2:1

Mä kawkha urunacatsti, Jesusajj Capernaum marcaruw wasitat mantäna. Jakenacasti jupan utancjjatapjja yatipjjänwa.

Lucas 10:15

Jumasti, Capernaum marca, ¿amuyastati alajjpachcam aptatäña? ¡Mic'aya mankhacama jakontataw uñjasïta!

Lucas 4:23

Jesusasti jupanacarojj sänwa: —Jichhajj jumanacajj sapjjetätaw aca säwi: “Kolliri, jumapach kollasim” sasa. Ucatsti sapjjaraquitätawa: “Cunanactejj Capernaum marcanjj lurctas ucanacjja aca marcamanjja luraraquim” —sasa.

Juan 2:12

Acanac pasjjepansti Jesusajj sarawayjjänwa Capernaum sat marcaru, taycapampi, jilanacapampi, discipulonacapamp cuna; uca marcanjja mä kawkha uruw kamarapjjäna.

Juan 4:46

Jesusasti wasitampiwa Galileanquiri Caná sat chekaru purïna, cawquintejj umat vinor tucuycäna ucaru. Ucansti utjänwa reyin mä jach'a oficialapa, wawapasti Capernaum marcana usutäscänwa.

Juan 6:17

Ucatsti mä botjjaruw mantapjjäna, kotanjam Capernaum tokeru maqhatañataqui. Niya ch'amact'ascänwa, Jesusasti janïraw cutt'ancataynati.

Juan 6:24

Jesusas uqhamarac discipulonacapas jan ucancjjepanjja, jakenacajj uca botenacjjatwa Capernaum tokeru sarapjjäna, Jesusar thakeri.

Juan 6:59

Jesusajj acanacjja jakenacarojj Capernaum sinagoganwa yatichäna.