Mateo 3:12

Aymar Bibliia 1986

Niyaw jupan amparapanqui trigompi, jipimpi jaljañ wayrachirejja. Jaljasinsti trigorojja imaraquiniwa, jipsti jan jiwquir ninaruw phichantaraquini” sasa.

Jak'a apnaqawi uñst'ayäwi

Job 21:18

¿Cunapachas jupanacajj t'unar uñtata willinucutäpjjänjja? ¿Cunapachas jupanacarojj thayas aparaquejja?

Salmos 1:4

Jan wali jakenacampisti janiw uqhamäquiti: jupanacajj thayan apat jipir uñtatäpjjewa.

Salmos 35:5

thayan apat jipir uñtatäpjjpan; Tatitun angelapan jakonucut uñjasipjjpan;

Isaías 1:31

Ch'aman jakesti wichhuruw tucuni, luratanacapasti jisc'a nina sanc'aruw tucuraquini; ucanacasti paypachaw mayaqui naqhantapjjani; uca ninarusti janiraquiw qhitis jiwt'aycaraquiniti.”

Isaías 17:13

Ucampisa cunapachatejj Diosajj jupanacar tokenoke uqhajj jayaruw jaltjjapjjani, cunjämtejj thayajj kollunacaru t'unjja apasjjejj uqhama, jan ucajj cunjämtejj tutuca thayajj ch'aphinac apasjjejj uqhama.

Isaías 27:4

Janiw jupataquejj coleratäcti. Ucantejj ch'aphinacas koras utjaspajja, ucanac tokew sayt'irista, k'alracwa naqhantayirista.

Isaías 28:28

Trigosti jawk'susiwa, ucampis janipunipï jan samart'asajja; carretampiraquiw katatquipatajja, ucatwa granos yakhachataraqui, ucampis jan c'utharata.

Isaías 30:24

Vacanacamataquisa, asnonacamataquisa, mank'ajj jilarquiriw utjani, suma pastonaca mank'apjjaraquini.

Isaías 41:16

Qhuyuraraquïtawa, ucatsti thayaw apasjjaraquini, tutuca thayaraquiw willitatjjani. Ucapachaw jumajj Tatitun cusisïta, Israelan Kollan Diosapatsti cusisiraquïtawa.

Isaías 5:24

Ucatpï jichhajj, cunjämtï ninajj wichhurojj naqhantejja waña laphinacsa mäqui naqhantejja, uqhamaraquiw jumanacajj tucusipjjäta, saphitpach ñussuri alir uñtata, cunjämtï pankaranacapas lak'ar tucuwayejj uqhama. Take ch'amani Tatitun, Israelan Kollan Diosapan yatichäwinacapa, arsutanacapa jisc'achapjjatam laycu.

Isaías 66:24

“Jutapjjaniwa, ucatsti qhitinacatejj nayataqui sayt'asipcän uca jakenacan jiwat janchinacapwa uñjapjjani. Cuna lak'onacatejj uca janchipan mank'qui ucanacasti janiw jiwapcaniti, jupanacar naqhantir ninasti janipuniw jiwarcaraquiniti. ¡Take jakenacataquisti wali ajjtascañaraquïniwa!”

Jeremías 15:7

Jakenacamarusti t'unjama willitataractjja, aca orakenquir marcanacat apsusajja. Marcajjarusti jan wawanacani antutaractjja, t'unjaractwa jan uca ñankha jacañap apanucuñ munatap laycu.

Jeremías 17:27

Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”

Jeremías 4:11

Cunapachatejj uca horasajj purincani ucapachasti Jerusalén marcarojj sataraquïniwa: “Wasar toket mä junt'u thayaw thayt'ani, ucasti marcajj tokeruw thayt'aniraqui. Uca thayasti janiw trigo qhuyuñataqui uqham thayäquiti.

Jeremías 51:2

Babilonia marcarusti, uñisirinacapampejj cunjämatejj trigojj thayampi thalsutajja uqhamaracwa thalsuyäjja, marcapsti jan mä jakenwa jaytaraquini. Cuna urutejj uca jach'a aynacht'añap urojj purincani ucapachasti take toketwa juparojj nuwantapjjani.

Jeremías 7:20

Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Oseas 13:3

Ucatwa jichhajj alba urpur uñtata, willjta sullar uñtataraqui mäqui chhaktapjjani, thayan apat t'unar uñtata, cocinat mistur jiwk'er uñtataraqui.

Amós 9:9

Arsuraquïwa Israelan utapajj jawk'sutäñapataqui, cunjämatï jan mä trigo oraker jalaktayasa susuñat susutäquejj uqhama.

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

Mateo 13:30

Aliscpan sam, cunapachatejj yawthapiñ horasajj purincan ucqhaw qhitäjja uca koranac nayrakat apsuñapataqui, ucatsti marka marka waquicht'asin ninaru phichhantañataqui. Trigorusti sumrac imayaraquï’ ” sasa.

Mateo 13:41

Jaken Yokapasti angelanacaparojj qhitaniraquiniwa, Diosan reinopata take juchanacar tincuyiri jakenacar apthapiri, uqhamarac qhitinacatejj jan asqui lurapqui ucanacarusa.

Mateo 13:42

Jupanacarojj nina akquis uca hornoruw jakontapjjani, ucanwa wararipjjani, laca ch'aqhsa t'urusipjjaraquini.

Mateo 13:43

Ucampis Diosan munañap phokherinacasti, intjamawa khanapjjaraquini Awquipan marcapanjja. Jumanacatejj ist'añ munapjjstajja, ¡ist'apjjam!

Lucas 3:16

Juanasti takeruw saraqui: —Nayajj chekpachan umampiw bautisapjjsma, ucampis mayni jutqui ucajja Kollan Ajayumpi, ninampiraquiw bautisapjjätam. Jupajj nayat sipans juc'amp ch'amaniwa, nayasti janiraquiw asquïcti wisqhu t'isnup jararañataquisa.

Lucas 3:17

Jupasti niya wayrachayiri ayt'ataraquiwa jipit trigo k'omachañataquejja. Trigsti pirwaruw apthapini, ucampis jipjja jan jiwarir ninaruw phichantani —sasa.

Juan 15:2

Cawquïri layminacajjatejj jan achqui ucanacarojj jupajj qhuchhuraraquiwa, ucampis cawquïri layminacatejj achqui ucanacarojj k'omacharaquiwa juc'ampi achuñapataqui.